गालातीयापा 6:14 - ॱलोवा

¹⁴ ङा राङ-राङला चोवो येशु मास्‍यीकागी ग्‍याङस्‍यीङला माना, श्‍येम्‍मा घीला ङोमग्‍यु ॱमीझ्‍युङास्‍योक। खोङबागी ग्‍याङस्‍यीङगी गोने ङी क्षीला जीक्‍तेन धाङ ङा जीक्‍तेनगी क्षीला स्‍यीवा हीन।

गालातीयापा 6:14 Iomraidhean Croise

लुका 20:16

खो होरी खुङक्‍याला सेगीलाक धेनी दुम्‍रागो श्‍येम्‍माक्‍याला तेरकीलाक।” मीक्‍याई होदे घोरती ॱनेवालाक, “देरे नामाः माझ्‍युङास्‍योक।”

रोमापा 1:16

ङा नी ताम्‍शाङगी क्षीदु ङोजा मीझ्‍यीहो़क घीझ्‍येरी ॱनाना ताम्‍शाङ दे नी, धेपा झ्‍यीगीन घीरीगी थारपागी क्षीदु को़न्‍क्षोकगी नी़थु लाक। धाङपो याहुदापा धेनी याहुदापा मेन्‍गीनक्‍याई थारपागी क्षीदु लाक।

रोमापा 6:2

देरे फुक्‍की मालाक। होराङ नी, धीक्‍पागी नाङ स्‍यीछारसा झ्‍येरी, धा धोराङा होदे नाङदु घाङगी झ्‍येरी छोवा क्‍याथुक्‍कीले?

रोमापा 6:6

धेनी धीक्‍पागी वाङ होकदु हो़गीन होरी ली़ दे, मेताला ताङये धाङ होराङ धीक्‍पागी ढेन्‍योक मीझ्‍युङयेगी क्षीदु, होरी धीक्‍पे स्‍यीकागो खोङमुला ग्‍याङस्‍यीङला क्‍याङबालाक ॱनेरी, होराङ स्‍येलालाक।

१ कोरीन्‍थुपा 1:23

हीना याहुदापाक्‍याई क्षीदु काक्‍दो धाङ याहुदापा मेन्‍गीनक्‍याई क्षीदु क्षोमेगीन लाब हीन्‍गीन, ग्‍याङस्‍यीङ खाला क्‍याङक्‍या मास्‍यीकाला, होराङ सेटाक झ्‍यीदालाक।

१ कोरीन्‍थुपा 15:58

होझ्‍येरी ङी चेवे पी़नक्‍याओ, खेक्‍या तेन्‍पो धाङ घु-घु मीझ्‍यीदा धो़क। धेनी चोवोगी नाङ खीकी काल्‍ले ग्‍याप्‍कीनगो दो़न मेगीन मेयोङालाक ॱनेरी, खेक्‍याई स्‍येगीन झ्‍येरी, खेक्‍या चोवोगी क्षाक्‍ले ॱमीच्‍यीकी हुरा झ्‍येरी झ्‍यीदी सोङ।

१ कोरीन्‍थुपा 2:2

घीझ्‍येरी ॱनाना ङा खीकीमुला हो़ताराङ, येशु मास्‍यीका धाङ खोङगी ग्‍याङस्‍यीङगी लाब माना, श्‍येम्‍मा घीरी ढेन्‍बा ज्‍येयेला ङी थाक चेवी।

१ कोरीन्‍थुपा 3:21

होझ्‍येरी सी़याः मी खाला ङोम्‍सो माझ्‍यीदास्‍योक। घीझ्‍येरी ॱनाना दो़न घीरी खीकीराङ लाक।

२ कोरीन्‍थुपा 11:12

हीना ङा धान्‍दा घी झ्‍यीगीनगो मी़थुने झ्‍येरी धेयेहीन। देरे झ्‍यीना, खुङक्‍याई लेगागो हीकी लेगा च्‍योक्‍रे ढाडा हीन ॱनेरी, ङोम्‍सो झ्‍यीयेला घुकाप चागीनक्‍याला काक्‍कीलाक।

गालातीयापा 1:4

होरी को़न्‍क्षोक धाङ यापगी थुकोङ डुप्‍येला, येशु मास्‍यीकागी होराङला धान्‍दागी धी़ ङेन्‍पाने थारतु च्‍युक्‍येला, होरी धीक्‍पाक्‍याई क्षीला राङगी कुसोक ॱलो़ तावालाक।

गालातीयापा 2:17

हीना होराङ मास्‍यीकागी गोने ढाङपो झ्‍युङयेगी थापस्‍यी चाली घाङला, होराङक्‍याराङ क्षो़ठीमगो पारी धीक्‍पा झ्‍यीगीन थुक्‍ना, मास्‍यीकागी धीक्‍पा झ्‍यीरु च्‍युक्‍पाले? दे फुक्‍की मालाक।

गालातीयापा 2:19

धेनी को़न्‍क्षोकगी क्षीला ङा सो़न्‍पो ॱनेयेला, ङा क्षो़ठीमगी थोक्‍ने स्‍यीसागीन झ्‍येरी, क्षो़ठीमगी गेन घीया खुर मेघोगीलाक।

गालातीयापा 2:20

ङा मास्‍यीकामुला ग्‍याङस्‍यीङला स्‍यीवी। धा देने ॱहाला ङाराङ छोवा क्‍याला मेन्‍दा, मास्‍यीका ङी नाङदु छोवा क्‍यालालाक। धा धान्‍दा ङा ली़ला छोवा क्‍यागीन मीछे दे, ङाला झाम्‍पा झ्‍यीगीन धाङ ङी क्षीला राङगी कुसोक ॱलो़ ताङगीन को़न्‍क्षोकगी सेला धेपा झ्‍येरी क्‍यालाहीन।

गालातीयापा 3:21

धा हाना, को़न्‍क्षोकगी धाम्‍चाक्‍याला क्षो़ठीमगी ग्‍याप्‍केल झ्‍यीदाले? देरे फुक्‍की मालाक। छे ॱनाङ थुप्‍कीन क्षो़ठीम तेर हो़ना, क्षो़ठीमने राङ ढाङतेनला ग्‍युरये हो़क।

गालातीयापा 5:24

धेनी मास्‍यीका येशुगी हीन्‍गीनक्‍याई, खोरी धीक्‍चेन राङश्‍यीगो दो़क्षाक धाङ दो़पाक्‍यामुला ग्‍याङस्‍यीङदु क्‍याङदी सेपालाक।

फीलीप्‍पीपा 3:18

घीझ्‍येरी ॱनाना ङी एम्‍मा दे मीक्‍याई कोरला आरुङ माङा ॱनेहो़क धेनी धान्‍दा ॱमीक्‍क्षु तारी, ङा धान्‍दा ॱनाहीन, खुङक्‍या मास्‍यीकागी ग्‍याङस्‍यीङगी डा च्‍योक्‍रे मीछे क्‍याली।

फीलीप्‍पीपा 3:3

घीझ्‍येरी ॱनाना को़न्‍क्षोकला थुक्‍ङीने ॱङीङकुर झ्‍यीगीन धाङ मास्‍यीका येशुगी नाङ, ङोम्‍सो झ्‍यीगीन धेनी ली़ला क्षा मेश्‍याक्‍कीन होराङक्‍याराङ, धेन्‍पा पाउ चेगीनक्‍या लाक।

कोलोसेपा 2:20

खेक्‍या जीक्‍तेनगी तावाक्‍याने मास्‍यीकामुला स्‍यीवा हीन्‍ना, खेक्‍या धोराङा दे, जीक्‍तेनगी हीन्‍गीन च्‍योक्‍रे मीछे घीझ्‍येरी पी़दा ले? ठीमक्‍याई होकला घीझ्‍येरी घुरा ले?