गालातीयापा 6:10 - ॱलोवा

¹⁰ होझ्‍येरी घुकाप जोरी घाङला होराङ मी घीरीला शाङा झ्‍येरी डो, धेनी ॱङोन्‍ने झ्‍यीना होरी धेपागी मीजाङक्‍याला झ्‍यी।

गालातीयापा 6:10 Iomraidhean Croise

मेथा 10:25

ङेने च्‍यीक राङगी घेगेन च्‍योक्‍रे धाङ ॱयोक्‍पो च्‍यीक राङगी दाक्‍पो च्‍योक्‍रे झ्‍युङना ढीक्‍कीलाक। नाङगी दाक्‍पोला बेएलजेबुल ॱनेरी, खुङक्‍याई ॱनेहो़ना, नाङमीक्‍याला होदेने ल्‍हाक घाजो़ ॱनी हो़टु?”

मेथा 12:50

घीझ्‍येरी ॱनाना नाम्‍खे श्‍यीङखामदु श्‍युक्‍कीन, ङी यापगी थुकोङगी लेगा डुप्‍तु च्‍युक्‍कीनक्‍याराङ, ङी आज्‍यो-नो धाङ ईजी-नुमु धाङ आमा हीन।”

मेथा 25:40

धेनी ग्‍यावुगी खुङक्‍याला लेन दे ॱनाङगीलाक, ‘ङा खेक्‍याला धेन्‍पाराङ ॱनाहीन, ङी पी़न देक्‍याने च्‍युङस्‍योक च्‍यीकला खेक्‍याई देरे झ्‍येहो़ना होदे खेक्‍याई ङाला झ्‍येवालाक।’

मेथा 5:43

“देरे ॱनागीन खेक्‍याई घोर हो़तालाक, ‘ख्‍यो़री खीम्‍चेला चेवा झ्‍यी धेनी ख्‍यो़री डाला दाङा झ्‍यी।’

मारकु 3:4

खोङबागी खुङक्‍याला सुवालाक, “ङासुगीन ङीमाला शाङपो झ्‍यीये याङना ङेन्‍पा झ्‍यीये? ॱरोक क्‍योप्‍ये याङना ॱरोक चेये, ठीमला घीन्‍गो थी़न्‍दीओ?” हीना खुङक्‍या खाबा धेपालाक।

लुका 6:35

हीना राङगी डाक्‍याला चेवा झ्‍यी धेनी शाङा झ्‍यी धेनी कीपा लेन्‍येगी रेवा मीझ्‍यीदा मी श्‍येम्‍माला की। धेनी ख्‍यो़ला ज्‍यागा क्षे थोप्‍कीलाक धेनी खेक्‍या ॱलानामेपे को़न्‍क्षोकगी से झ्‍युङगीलाक घीझ्‍येरी ॱनाना को़न्‍क्षोकगी काटीन ॱमेसाम्‍गीन धाङ ङेन्‍पाक्‍याला ॱङीङजे जेदालाक।

योहान्‍ना 12:35

येशुगी खुङक्‍याला सुवालाक, “हो़ दे खेक्‍याई मुला धी़ तुङ-तुङ च्‍यीक ॱनेगीलाक। मी़नाकगी वाङ होकदु ॱमीछी़येला, हो़ हो़ती घाङलाराङ थारा झ्‍यी। मी़नाकगी नाङला डोगीनगी़ घारु डोगीनगो ॱमेस्‍येलालाक।

योहान्‍ना 9:4

ङाला ॱङाक्‍कीनगी क्षाक्‍ले दे, ङीङमो हो़ती घाङलाराङ झ्‍यीघो़। छेन स्‍यारकीन धी़ला सी़या लेगा झ्‍यी ॱमीथुप।

जेपा 6:7

को़न्‍क्षोकगी का छोक घीरीला ख्‍याप्‍पालाक। धेनी चोवो येशुगी ङेनेक्‍या येरुसालेमदु ॱयोल्‍ले माङदु सोवालाक धेनी क्षो़पो़न ॱमीच्‍यीकी माङागीयाः, चोवो येशुला धेपा झ्‍येवालाक।

२ कोरीन्‍थुपा 2:8

होझ्‍येरी खेक्‍याई होदे मीला झाम्‍पा झ्‍यीगीनगो सावो तो़न ॱनेरी, ङा खेक्‍याला कुलाहीन।

गालातीयापा 1:23

खुङक्‍याई देचो़ च्‍यीगा घोर हो़तालाक, “एम्‍मा होराङला दुक्‍पु तारी, होरी चीगीन धेपा मेताला ताङये झ्‍यीगीन मीगो धान्‍दा होदे धेपागी क्षीलाराङ ताम्‍शाङ स्‍येदीक।”

एफीसुपा 2:19

होझ्‍येरी धा देने ॱहाला, खेक्‍या यु श्‍येम्‍मागी मी याङना ङो ॱमेस्‍येगीन मी मालाक हीना धाम्‍पे मीक्‍यामुला यु च्‍यीक्‍पा धाङ को़न्‍क्षोकगी नाङमीक्‍या लाक।

एफीसुपा 4:28

कुगीनगी धा ॱमाकुवास्‍योक। हीना खी़ काल्‍ले ग्‍यास्‍योक। खी़ राङगी लाक्‍पा ॱङीगी ढाङपो झ्‍येरी, काल्‍ले ग्‍यास्‍योक धेनी घो़गीनक्‍याला झ्‍यीम्‍बा ताङास्‍योक।

एफीसुपा 5:16

घुकाप घीरीगी भेचो़ शाङपो तोङ घीझ्‍येरी ॱनाना धी़चो़क्‍या ङेन्‍पा दुक।

फीलीप्‍पीपा 4:10

धान्‍दा युन्‍रीङा च्‍यीक स्‍याम्‍ने, खेक्‍याई ङी कोरला सेम्‍डा याङदी झ्‍यीगीनगोला, ङा चोवोगी नाङ ॱमीच्‍यीकी ङ्यामो घी हो़क। खेक्‍या ङी क्षीला, ॱङोन्‍नेगी सेम्‍डा झ्‍यीदालाक हीना खेक्‍याला घुकाप माजोरपालाक।

कोलोसेपा 4:5

घुकाप घी थोप्‍ना भेचो़ शाङपो झ्‍येरी, मास्‍यीकावा मेन्‍गीनक्‍यामुला च्‍याङजे झ्‍येरी च्‍यो़पा झ्‍यी।

१ थेसालोनीकेपा 5:15

सी़याः ङेन्‍पागी छापला ङेन्‍पा माझ्‍यी हीना च्‍यीकगी च्‍यीक धाङ घीरीमुला नाम्‍हीना, शाङपो झ्‍यीयेला थापस्‍यी झ्‍यी।

१ थेसालोनीकेपा 5:21

हीना घीरीला छो़ता झ्‍यी धेनी शाङागोला तेन्‍पोमा शीम्‍दी धो़क।

तीतोस 2:14

धेनी होरी धीक्‍पा घीरीने थारपा ॱनाङयेला धाङ होराङला चाङमा शो़री, खोङबा खोराङगी क्षीला मीरीक जेयेला धाङ लेगा ढाङपो झ्‍यीयेला खेलेन झ्‍यीगीन झ्‍युङयेला, मास्‍यीकागी राङगी कुसोक होरी क्षीला ॱलो़ तावालाक।

तीतोस 3:8

दे लाब दे धेन्‍पा लाक। धेनी को़न्‍क्षोकला धेपा झ्‍यीगीन मीक्‍या ले शाङा झ्‍यीयेला दो़पा हुङास्‍योक, ॱनेरी दे ॱलापच्‍याक्‍याला, ख्‍यो़ स्‍युक ग्‍याप्‍येला ङी दो़पा हो़क। देक्‍या मीक्‍याला शाङपो धाङ फेन थोक्‍वा दुक।

ईब्‍रीपा 13:16

ले शाङा झ्‍यीये धाङ राङला हो़गीनगो, श्‍येम्‍माक्‍यामुला घो़येला ढेन्‍बा माजे घीझ्‍येरी ॱनाना देरे क्षो़पाक्‍याला राङ को़न्‍क्षोक थुक्‍ङेउ जेदालाक।

ईब्‍रीपा 3:6

हीना मास्‍यीका नी, को़न्‍क्षोकगी नाङमी खाला से च्‍योक्‍रे ॱलोते छोक्‍पा हो़तालाक। धा होरी रेवाला होराङ ॱङीङक्षे झ्‍ये धेनी ॱलोते तेन्‍पो श्‍याक्‍ना, होराङ को़न्‍क्षोकगी नाङमी लाक।

ईब्‍रीपा 6:10

घीझ्‍येरी ॱनाना को़न्‍क्षोक नी, मेढाङा मेतालाक। खेक्‍याई झ्‍यीगीन ले शाङाक्‍या धाङ खेक्‍याई खोङबाला चेवा झ्‍यीगीन झ्‍येरी, एम्‍मा धाम्‍पे मीक्‍याला श्‍याप्‍तोक पुपा धाङ धेनी धान्‍दा झ्‍यीगीन देला को़न्‍क्षोकगी ज्‍येदा जेगीमालाक।

१ पेटो 2:5

को़न्‍क्षोकगी खेक्‍यालाः धो सो़न्‍पोक्‍या च्‍योक्‍रे, थुक्‍ङीगी फोडाङ चीक्‍येला भेचो़ जेदु च्‍युक। धेनी खेक्‍या धाम्‍पे क्षो़पो़न झ्‍युरी, मास्‍यीका येशुगी थोक्‍ने को़न्‍क्षोकला थुक्‍ङेउ झ्‍युङगीन सेम्‍ङीगी क्षो़पा खेक्‍याई पु।

१ पेटो 4:17

घीझ्‍येरी ॱनाना को़न्‍क्षोकगी नाङमीनेराङ गो चुक्‍ती, ठीम चेयेगी धी़ भाप्‍दुक धेनी दे होराङक्‍याने गो चुक्‍ना, को़न्‍क्षोकगी ताम्‍शाङ ॱमीचीगीनक्‍याई ढेबुगो घी झ्‍युङी हो़टु?

१ योहान्‍ना 5:1

येशु नी मास्‍यीका लाक ॱनेरी, धेपा झ्‍यीगीन घीरी को़न्‍क्षोकने केवालाक धेनी यापला चेवा झ्‍यीगीन घीरीगी, खोङने केक्‍या टुवाक्‍यालाः चेवा झ्‍यीदालाक।

३ योहान्‍ना 1:10

होझ्‍येरी ङा हुङी घाङला, खी़ घी झ्‍यीगीन लेगाक्‍याई कोरला ङा लाब झ्‍यीयेहीन। खी़ हीकी कोरला, लाब ङेन्‍पाक्‍या स्‍येदीक। धेनी देला च्‍यीगा दो़पा ॱमाखाङा, खी़ श्‍येम्‍मा मास्‍यीकावा पी़नक्‍यालाः ॱनेचाङ ॱमेयारालाक धेनी ॱयारङी दो़गीनक्‍याला खी़ काः लाक धेनी खुङक्‍याला क्षो़छोकने पी़दी जाङालाक।

३ योहान्‍ना 1:11

चेवे रोवाओ, ङेन्‍पागी पे माशीम हीना शाङा हीन्‍गीनगी पेगो लेन। शाङा झ्‍यीगीनगो नी, को़न्‍क्षोकगी मी लाक। धेनी ङेन्‍पा झ्‍यीगीनगी़ को़न्‍क्षोकला ज्‍याङ्युङ मेतालाक।

३ योहान्‍ना 1:3

पी़न रीङगा होरी, ख्‍यो़ धेन्‍पाला तेन्‍ती मीजी क्‍याली ॱनेरी, ख्‍यी़ धेन्‍पाला खुङक्‍याई पाङपो झ्‍यीदाराङ, ङा ॱमीच्‍यीकी ङ्यामो घेजुङ।