गालातीयापा 6:1 - ॱलोवा

¹ पी़नक्‍याओ, मी च्‍यीकगी झ्‍यावा ङेन्‍पा झ्‍यीगीनगो थेम्‍ना, खे धाम्‍पे थुक्‍ङीला ॱनेगीनक्‍याई झाम्‍बो झ्‍येरी, मी देला लाम ढाङपोला ठीक। धेनी खेक्‍याराङ होदेने ॱमीली़येगी क्षीला राङला शाप-शाप झ्‍यी।

गालातीयापा 6:1 Iomraidhean Croise

मेथा 11:29

ङी ॱङ्यास्‍यीङ खुर धेनी ङाने झ्‍योङ घीझ्‍येरी ॱनाना ङा सेमला शाङा धाङ ॱङ्यामच्‍युङ हो़क धेनी खेक्‍याई सेमक्‍याला ङासु थोप्‍कीलाक।

मेथा 26:69

धा पेटो फीला घोरारु धेती श्‍याक हो़तालाक। धेनी ॱयोक्‍मो च्‍यीक खोचारु होरी ॱनेवालाक, “ख्‍यो़या गालीलपा येशुमुला दुक।”

मेथा 26:75

धेनी पेटोगी येशुगी देरे सुङगीनगो ढेन सो़वालाक, “झ्‍याफोगी केक ग्‍याप्‍कीन एन्‍लाराङ, ख्‍यी़ ङाला थेङमा सुम खेलेन्‍गीमालाक।” धेनी खो फीला सोरी ॱमीच्‍यीकी ङी़वालाक।

मेथा 9:13

सोङ धेनी ‘ङा क्षो़पाला मेन्‍दा, ॱङीङजे घाई हो़क।’ ॱनागीनगी दो़न्‍दाकगो ॱहाघोरा झ्‍यी, घीझ्‍येरी ॱनाना ङा ढाङतेनक्‍याला मेन्‍दा, धीक्‍चेनक्‍याला भो़रु होवाहीन।”

रोमापा 14:1

धेपाला क्‍योवा हो़गीन, मीला खेलेन झ्‍यी हीना खी़ साम्‍जुक्‍याई खाला चो़लीङ झ्‍यीये मालाक।

रोमापा 15:1

होराङ धेपाला तेन्‍पो हो़गीनक्‍याई, धेपाला क्‍योवा हो़गीनक्‍याई थापक्‍योवागोला शो़पा झ्‍यी घोवालाक। होराङ राङला च्‍यीगा ङ्यामो घारु च्‍युक्‍ये मालाक।

रोमापा 8:6

धा धीक्‍पे राङश्‍यीगी ख्‍यो़री साम्‍लो वाङ झ्‍यीदु च्‍युक्‍ना, छीवादु ठीयालाक हीना धाम्‍पे थुक्‍ङीगी ख्‍यो़री साम्‍लो वाङ झ्‍यीदु च्‍युक्‍ना, छेसोक धाङ श्‍यीदेला ठीयालाक।

१ कोरीन्‍थुपा 10:12

होझ्‍येरी खेक्‍या तेन्‍पो ॱनेती धेहो़क साम्‍गीनक्‍या, मील्‍हीम्‍येगी क्षीदु शाप-शाप झ्‍यी।

१ कोरीन्‍थुपा 14:37

खेक्‍याने राङला ॱङो़नस्‍येखेन याङना थुक्‍ङीगी ॱनाङज्‍यीन हो़गीन साम्‍गीनगी़, ङी ढीक्‍टा लाब देक्‍या चोवोगी का लाक ॱनेरी, खी़ खेलेन झ्‍यीघो़।

१ कोरीन्‍थुपा 2:15

धाम्‍पे थुक्‍ङीला तेन्‍गीन मीक्‍याई, घीरीगी ताक्‍चो़ झ्‍यीदालाक हीना खोला सी़या ताक्‍चो़ झ्‍यी ॱमीथुक्‍वालाक।

१ कोरीन्‍थुपा 3:1

पी़नक्‍याओ, ङा खेक्‍यामुला सेम्‍ङीगी मीमुला लाब ताङगीन च्‍योक्‍रे, लाब ताङ ॱमाथुक्‍जुङ हीना जीक्‍तेनगी मी धेनी मास्‍यीकागी नाङ टुवा ॱमाङ्याकक्‍याला लाब ताङगीन च्‍योक्‍रे ताङ थुक्‍जुङ।

१ कोरीन्‍थुपा 4:21

खेक्‍या घी दो़दी हेतो? ङा खीकीचारु ग्‍युक्‍पा खेरती हुङगु, याङना झाम्‍सेम धाङ झ्‍याबोमा झ्‍येरी हुङगु?

१ कोरीन्‍थुपा 7:5

ॱमो़लामगी क्षीदु धी़चो़ क्‍यायेला धी़ तीते धाङ च्‍यीकगी च्‍यीकला ढो़ झ्‍येरी माना, ख्‍योवा केमी ॱङीगारागी मुला क्षाम्‍येला च्‍यीकगी च्‍यीकला ॱमाकाक। धेनी खेक्‍याराङ छो़ शीम्‍येला क्‍योवा झ्‍युरी, धी़ सातानगी खेक्‍याला ॱली़रु ॱमीच्‍युक्‍येगी क्षीला, याङ मुला क्षाम्‍घो़।

२ कोरीन्‍थुपा 10:1

धा ङा पाउलु ङाराङ मास्‍यीकागी ॱङ्यामच्‍युङ धाङ झामगी गोने, खेक्‍याला श्‍योवा पुलाहीन। खेक्‍याई दोङदु ङा ॱङ्यामच्‍युङ धाङ खेक्‍याने थाक्‍रीङा हो़ताराङ ॱलोगोक क्षे हो़क।

२ कोरीन्‍थुपा 2:7

होझ्‍येरी खो ॱमीच्‍यीकी सेम क्‍योरी ॱमेफाम्‍येगी क्षीला, खेक्‍याई खोला घोयाङ तेरती सेम्‍सो पारघो़।

२ कोरीन्‍थुपा 2:8

होझ्‍येरी खेक्‍याई होदे मीला झाम्‍पा झ्‍यीगीनगो सावो तो़न ॱनेरी, ङा खेक्‍याला कुलाहीन।

गालातीयापा 5:23

ॱङ्यामच्‍युङ धाङ राङ छो़ शीम्‍गीन लाक। देक्‍याला ॱमीथी़न्‍गीन क्षो़ठीम मेतालाक।

गालातीयापा 6:18

पी़नक्‍याओ, होरी चोवो येशु मास्‍यीकागी थुक्‍जे, खेक्‍याई सेमला श्‍युक्‍वास्‍योक। आमेन।

१ थेसालोनीकेपा 4:1

पी़न्‍दाक्‍याओ, को़न्‍क्षोकला थुक्‍ङेउ मीछे पी़येला, हीकी खेक्‍याला ॱलापच्‍या ग्‍याप्‍पी धेनी खेक्‍या होदे च्‍योक्‍रे मीछे क्‍याली। धा देला ल्‍हाक झ्‍यीरोझ्‍यी ॱनेरी, चोवो येशुगी स्‍योकने हेक्‍या खेक्‍याला श्‍योवा पुलीहो़क।

२ थेसालोनीकेपा 3:15

घीहीन्‍ना खोला डा च्‍योक्‍रे ॱमीचीला, पी़न्‍दा चीरी खाता ॱलोप।

२ तीमोथेउ 2:25

धेनी राङगी स्‍योकला मेगीनक्‍याला ज्‍याबोमा ॱलोप्‍तो़न झ्‍यी थुप्‍कीन हुङघोवालाक। देरे झ्‍यीना को़न्‍क्षोकगी खुङक्‍याला धीक्‍पा पारी सेम ग्‍युरये धाङ धेन्‍पाला ॱहा घोथुप्‍कीनगी सेम ॱनाङगीलाक।

ईब्‍रीपा 12:13

श्‍याक्‍योक्‍याई छीकक्‍या मीबी़दा हीना ढाक्‍वा स्‍योक ॱनेरी, खेरी काङबी क्षीदु लाम खाप्‍ते शो़।

ईब्‍रीपा 13:3

चो़न्‍खाङ नाङदु हो़गीनक्‍याला, खेक्‍याः खुङक्‍यामुला चो़न्‍खाङदु हो़गीन च्‍योक्‍रे झ्‍येरी ढेन्‍सो़ झ्‍यी। धेनी राङगी दुक्‍ङेल ङ्याङगीन च्‍योक्‍रे, दुक्‍पु ङ्याङगीनक्‍याला ढेन्‍सो झ्‍यी।

याकोब 3:13

खेक्‍याने खेवा धाङ साम्‍लो थोङागो सु हो़तो? मी देगी राङगी चो़लाम शाङपो धाङ स्‍येरापने झ्‍युङगीन, ॱङ्यामच्‍युङगी गोने राङगी लेगा घीरी तो़न्‍घो़।

याकोब 3:2

घीझ्‍येरी ॱनाना होराङ घीरी नोन्‍डु माङा झ्‍यीदालाक। राङगी स्‍येगीन तामला नोन्‍डु मीझ्‍यीगीन मी नी, याङदाक्‍पा मी च्‍यीक लाक धेनी खी़ राङगी शु घीरीला च्‍याक ग्‍याप थुक्‍कीलाक।

१ पेटो 3:15

हीना राङगी सेम नाङने मास्‍यीकाला, खेरी चोवो चीरी ॱङीङकुर झ्‍यी। धेनी खेक्‍याला हो़गीन रेवागी कोरला ढीवा झ्‍यीगीनक्‍याला लेन तेरयेला, च्‍योई डाढीक धो़क। हीना लेन तेरी घाङला ज्‍याबोमा धेनी घुस्‍याप धाङ

१ योहान्‍ना 5:16

खेरी पी़नगी छीवाला ॱमीठीक्‍कीन धीक्‍पा झ्‍यीगीन थोङना, ख्‍यी़ खी़ क्षीला ॱमो़लाम ग्‍याप्‍घो़ धेनी को़न्‍क्षोकगी खोला छे ॱनाङगीलाक। छीवाला ॱमीठीक्‍कीन धीक्‍पा साक्‍कीनक्‍याई कोरला, ङा ॱनाहीन। छीवाला ठीक्‍कीन धीक्‍पाक्‍या हो़तालाक। होदेक्‍याई क्षीदु, खेक्‍याई ॱमो़लाम ग्‍याप्‍घो़ ॱनेरी ङा ॱनामेन।