गालातीयापा 5:6 - ॱलोवा

⁶ घीझ्‍येरी ॱनाना मास्‍यीका येशुगी दोङदु पाउ चेगीन ॱरो चीगीन हीन्‍ना लाक, ॱमीचीगीन हीन्‍ना घीया फेन मेतालाक हीना झाम्‍पागी थोक्‍ने लेगा झ्‍यीगीन धेपा च्‍यीगा फेन थोक्‍वालाक।

गालातीयापा 5:6 Iomraidhean Croise

लुका 7:5

घीझ्‍येरी ॱनाना खो हीकी मीरीकला चेवा झ्‍यीदालाक धेनी खी़ हीकी छोक्‍खाङगोवाः चीक्‍पालाक।”

१ कोरीन्‍थुपा 13:13

धेनी धा धेपा धाङ रेवा धाङ झाम्‍पा सुम ॱनेगीलाक। हीना देक्‍या नाङने गेक्षेस्‍योकगो झाम्‍पा लाक।

१ कोरीन्‍थुपा 7:19

पाउ चेदी ताक ग्‍याप्‍ना घीया मालाक धेनी पाउ चेगीन ताक मेग्‍याप्‍नाः घीया मालाक। को़न्‍क्षोकगी का ॱरुङयेगो चाक्षे लाक।

२ कोरीन्‍थुपा 5:14

घीझ्‍येरी ॱनाना मास्‍यीकागी झाम्‍पागी हेक्‍याला वाङग्‍युर जेदालाक। धेनी मी च्‍यीक घीरीगी दो़न्‍दु ढोङगीन झ्‍येरी, घीरी ढोवालाक ॱनेरी हेक्‍या तेन्‍देन हो़क।

गालातीयापा 3:26

घीझ्‍येरी ॱनाना मास्‍यीका येशुला धेपा झ्‍येरी, खेक्‍या घीरी को़न्‍क्षोकगी से धाङ सेमो लाक।

गालातीयापा 3:28

धा देने ॱहाला खेक्‍या याहुदापा धाङ गीरीक, ढेन्‍योक धाङ राङवाङ हो़गीन धेनी फो धाङ मो ॱनेरी ॱयेवा मेन्‍दा, मास्‍यीका येशुगी थोक्‍ने घीरी च्‍यीक्‍पा लाक।

गालातीयापा 6:15

साबा केगीन माना, पाउ चेगीन ॱरो ॱरुङगीन धाङ ॱमीरुङगीन ॱङीगारा दो़न मेतालाक।

एफीसुपा 6:23

याप को़न्‍क्षोक धाङ चोवो येशु मास्‍यीकाने पी़नक्‍याला, श्‍यीदे धाङ धेपाला तेन्‍पे झाम्‍पा थोप्‍पास्‍योक।

कोलोसेपा 1:4

घीझ्‍येरी ॱनाना मास्‍यीका येशुगी खाला, खीकी धेपा धाङ धाम्‍पे मीक्‍या घीरीला खीकी चेवागी कोरला हीकी घोरहो़क।

कोलोसेपा 3:11

दुरु गीरीक धाङ याहुदापा धेनी पाउ चेचा धाङ ॱमाचेचा धेनी क्षीग्‍या धाङ यारके मेगीन धेनी ढेन्‍योक धाङ राङवाङगी मी ॱनेरी, ॱयेवा मेतालाक हीना मास्‍यीका नी, घीरी लाक धेनी घीरीगी नाङ श्‍युक हो़तालाक।

१ थेसालोनीकेपा 1:3

होरी याप को़न्‍क्षोकगी डुङदु, खेक्‍याई धेपागी लेगा धाङ झाम्‍पागी काल्‍ले धाङ होरी चोवो येशु मास्‍यीकागी खाला रेवा तेन्‍पोगोला, हेक्‍याई ॱमो़लामला ॱमेक्षेता ढेन्‍दी हो़क।

ईब्‍रीपा 11:8

धेपागी गोने को़न्‍क्षोकगी आब्‍राहामला ॱनाङयेगी धाम्‍चा जेजा, यु च्‍यीकरु डोयेला भो़ली घाङला, खो घारु डोये हीन्‍गीनगो स्‍येये मेतालाः, खो काला ङेन्‍दी सोवालाक।

१ पेटो 1:8

खेक्‍याई खोङबाला ज्‍या माङ्युङ हो़ना, खोङला चेवा झ्‍यीदालाक। धेनी धान्‍दा खेक्‍याई खोङबाला मेज्‍यानाः, खेक्‍या खोङबाला धेपा झ्‍यीदालाक धेनी खेक्‍या स्‍ये ॱमीथुक्‍कीन धाङ शीजेगी खाङखा घाटो क्षे झ्‍यीदालाक।