गालातीयापा 5:24 - ॱलोवा

²⁴ धेनी मास्‍यीका येशुगी हीन्‍गीनक्‍याई, खोरी धीक्‍चेन राङश्‍यीगो दो़क्षाक धाङ दो़पाक्‍यामुला ग्‍याङस्‍यीङदु क्‍याङदी सेपालाक।

गालातीयापा 5:24 Iomraidhean Croise

रोमापा 13:14

हीना खेक्‍या चोवो येशु मास्‍यीकागी गोठापक्‍या घो़न, धेनी धीक्‍पे राङश्‍यीगी दो़छाकक्‍या डुप्‍येगी साम्‍लो ॱमाताङ।

रोमापा 6:6

धेनी धीक्‍पागी वाङ होकदु हो़गीन होरी ली़ दे, मेताला ताङये धाङ होराङ धीक्‍पागी ढेन्‍योक मीझ्‍युङयेगी क्षीदु, होरी धीक्‍पे स्‍यीकागो खोङमुला ग्‍याङस्‍यीङला क्‍याङबालाक ॱनेरी, होराङ स्‍येलालाक।

रोमापा 8:13

घीझ्‍येरी ॱनाना धीक्‍पे राङश्‍यीला तेन्‍दी छोवा क्‍याना, खेक्‍या स्‍यीगीलाक हीना धाम्‍पे थुक्‍ङीगी गोने धीक्‍पे लेगाक्‍या स्‍यीरु च्‍युक्‍ना, खेक्‍या सो़न्‍पो ॱनेगीलाक।

रोमापा 8:9

धा ॱङोन्‍ने को़न्‍क्षोकगी थुक्‍ङी खेक्‍याई नाङ श्‍युक हो़ना, खेक्‍या धीक्‍पे राङश्‍यीगी नाङ मेयोङालाक हीना धाम्‍पे थुक्‍ङीगी नाङ हुङालाक। धेनी मास्‍यीकागी थुक्‍ङी मेगीनक्‍या सुवाः खोङबागी मालाक।

१ कोरीन्‍थुपा 15:23

हीना दे नी रेमीला झ्‍युङगीलाक, ढेबु धाङपोगो मास्‍यीका लाक धेनी मास्‍यीका धाब्‍ले फेई घाङला, खोङगी हीन्‍गीनक्‍या छीवाने सो़न्‍गीलाक।

१ कोरीन्‍थुपा 3:23

धेनी खेक्‍यागो मास्‍यीकागी लाक धेनी मास्‍यीका नी, को़न्‍क्षोकगी लाक।

१ कोरीन्‍थुपा 6:13

खेक्‍या “फोवागी क्षीदु शामा धाङ शामागी क्षीदु फोवा लाक।” ॱनेरी ॱनालाक हीना को़न्‍क्षोकगी दे ॱङीगाराला मेताला जेगीलाक। धेनी ली़ नी, लोक्‍येमगी क्षीदु मेन्‍दा चोवोगी क्षीदु लाक धेनी चोवो नी, ली़गी क्षीदु लाक।

२ कोरीन्‍थुपा 10:7

खेक्‍याई ॱमीकगी दोङदु हो़गीनगोला तो़। धेनी राङला मास्‍यीकागी हीन्‍गीनगोला यीच्‍चे तेन्‍पो हो़ना, खी़ राङला मास्‍यीकागी हीन्‍गीन च्‍योक्‍रे हेक्‍याः मास्‍यीकागी लाक ॱनेरी, ढेन्‍सो ॱलाङघो़।

गालातीयापा 2:20

ङा मास्‍यीकामुला ग्‍याङस्‍यीङला स्‍यीवी। धा देने ॱहाला ङाराङ छोवा क्‍याला मेन्‍दा, मास्‍यीका ङी नाङदु छोवा क्‍यालालाक। धा धान्‍दा ङा ली़ला छोवा क्‍यागीन मीछे दे, ङाला झाम्‍पा झ्‍यीगीन धाङ ङी क्षीला राङगी कुसोक ॱलो़ ताङगीन को़न्‍क्षोकगी सेला धेपा झ्‍येरी क्‍यालाहीन।

गालातीयापा 3:26

घीझ्‍येरी ॱनाना मास्‍यीका येशुला धेपा झ्‍येरी, खेक्‍या घीरी को़न्‍क्षोकगी से धाङ सेमो लाक।

गालातीयापा 3:28

धा देने ॱहाला खेक्‍या याहुदापा धाङ गीरीक, ढेन्‍योक धाङ राङवाङ हो़गीन धेनी फो धाङ मो ॱनेरी ॱयेवा मेन्‍दा, मास्‍यीका येशुगी थोक्‍ने घीरी च्‍यीक्‍पा लाक।

गालातीयापा 3:29

धा खेक्‍या मास्‍यीकागी हीन्‍ना, खेक्‍या आब्‍राहामगी भुग्‍यु लाक धेनी को़न्‍क्षोकगी धाम्‍चाला थी़न्‍गीन ग्‍युज्‍यीनक्‍या लाक।

गालातीयापा 5:20

कुन्‍डाला क्षो़गीन धाङ ङेन ॱङाक धाङ दाङसेम धाङ धुगा धाङ ठादोक धाङ श्‍येताङ धाङ राङदो़ धाङ छोक झ्‍यीगीन धाङ खा डागीन धाङ

गालातीयापा 6:14

ङा राङ-राङला चोवो येशु मास्‍यीकागी ग्‍याङस्‍यीङला माना, श्‍येम्‍मा घीला ङोमग्‍यु ॱमीझ्‍युङास्‍योक। खोङबागी ग्‍याङस्‍यीङगी गोने ङी क्षीला जीक्‍तेन धाङ ङा जीक्‍तेनगी क्षीला स्‍यीवा हीन।

एफीसुपा 3:1

होझ्‍येरी ङा पाउलु, ख्‍ये याहुदापा मेन्‍गीनक्‍याई दो़न्‍दु, मास्‍यीका येशुगी चो़न्‍पा हीन।

एफीसुपा 3:11

दे नी, को़न्‍क्षोकगी थामेपे थुकोङला तेन्‍ती, मास्‍यीका येशु होरी चोवोगी थोक्‍ने डुपा जेपालाक।

एफीसुपा 3:6

साङवा दे नी, ताम्‍शाङगी थोक्‍ने याहुदापा मेन्‍गीनक्‍याः ईस्‍राएल्‍पाक्‍यामुला ग्‍युज्‍यीन च्‍यीक्‍पा धाङ ली़ च्‍यीकगी येन्‍लाकक्‍या धाङ मास्‍यीका येशुगी नाङ, धाम्‍चागी कादा थोप्‍गीन लाक।

कोलोसेपा 2:11

मास्‍यीकागी नाङ खेक्‍यागीयाः पाउ चेबालाक। दे नी, मी लाक्‍पी झ्‍येजा पाउ चेगीन ॱरो मालाक हीना खेरी स्‍यारी़गी दो़क्षाकक्‍या मास्‍यीकागी सेदी, खेक्‍याई पाउ चेबालाक।

१ पेटो 2:11

चेवे रोवाक्‍याओ, ङा खेक्‍याला श्‍योवा पुलाहीन, खेक्‍या ॱनेचाङ ॱयारती धेगीन धाङ ङो ॱमेस्‍येगीन मीक्‍या झ्‍येरी, राङगी सेम्‍ङीगी डाला हो़गीन ली़गी दो़क्षाकक्‍या पोङ।