गालातीयापा 5:22 - ॱलोवा

²² हीना धाम्‍पे थुक्‍ङीगी ढेबुगो झाम्‍पा धाङ घाटो धाङ श्‍यीदे धाङ शो़पा धाङ ॱङीङजे धाङ शाङपो धाङ ॱलो का थुप्‍कीन धाङ

गालातीयापा 5:22 Iomraidhean Croise

मेथा 12:33

“ढेबुने स्‍यीङदोङ स्‍येगीन झ्‍येरी, स्‍यीङदोङ शाङा शोना ढेबु घा केगीलाक धेनी स्‍यीङदोङ आ शोना ढेबु आ केगीलाक।

लुका 13:9

धेनी लो स्‍याम्‍मागोला ढेबु केना घायेरे लाक। ॱमेकेना खेराङगी देला चेरो जे।’”

योहान्‍ना 15:16

खेक्‍याई ङाला दाम्‍बामेन हीना ङी खेक्‍याला दाम्‍बाहीन। धेनी खेक्‍या सोरी ढेबु क्षाक्‍ये धाङ ढेबु दे ताक्‍दु ॱनेयेला, ङी खेक्‍याला को़वाहीन। होझ्‍येरी खेक्‍याई ङी मीङगी थोक्‍ने यापला घी श्‍यी़ना, खोङबागी खेक्‍याला ॱनाङगीलाक।

योहान्‍ना 15:2

ङी नाङ हो़गीन याक्‍का घीरीने ढेबु ॱमेक्षाक्‍कीन याक्‍काक्‍या, खोङबागी च्‍ये जेदालाक धेनी ढेबु क्षाक्‍कीन याक्‍का घीरी देले ल्‍हाक ढेबु क्षाक्‍येला, खोङबागी होदे घीरी ढेक्‍चो़ जेदालाक।

योहान्‍ना 15:5

“ङा नी, घुन्‍डुम स्‍यीङदोङ हीन धेनी खेक्‍यागो याक्‍काक्‍या हीन। ङी नाङ सु ॱनेली धेनी खी़ नाङ ङा ॱनेना, खोला ढेबु माङा क्षाक्‍कीलाक घीझ्‍येरी ॱनाना ङाने डारी, खेक्‍याई घीया झ्‍यी ॱमीथुक्‍कीलाक।

रोमापा 14:17

घीझ्‍येरी ॱनाना को़न्‍क्षोकगी ग्‍यासी नी, शाये धाङ थुङये मालाक हीना धाम्‍पे थुक्‍ङीगी नाङ ढाङतेन धाङ श्‍यीदे धाङ घाटो लाक।

रोमापा 15:14

ङी पी़नक्‍याओ, खेक्‍या शाङा धाङ स्‍येयो़नगी खाङखा धाङ च्‍यीकगी च्‍यीकला ॱलोप्‍तो़न झ्‍यी थुप्‍कीन दुक ॱनेरी, ङाला यीच्‍चे तेन्‍पो हो़क।

रोमापा 15:3

घीझ्‍येरी ॱनाना मास्‍यीकागीयाः राङगी थुक घेरु च्‍युक्‍वा माजेपालाक। दी कोरला सुङरापला देरे ढीक हो़तालाक, “खेराङला ॱमेटा ताङगीनगी ॱमेटा, ङी खाला फोक्‍दुक।”

रोमापा 15:30

पी़नक्‍याओ, होरी चोवो येशु मास्‍यीका धाङ धाम्‍पे थुक्‍ङीगी झाम्‍पागी थोक्‍ने, ङीमुला ङी काल्‍लेला को़न्‍क्षोकला ॱमो़लाम श्‍यी़ ॱनेरी, ङा खेक्‍याला श्‍योवा पुलाहीन।

रोमापा 6:22

हीना धान्‍दा खेक्‍या धीक्‍पागी वाङने थारपा थोप्‍ती, को़न्‍क्षोकगी ढेन्‍योक झ्‍युङ हो़तालाक। होझ्‍येरी दी फेन्‍थोक नी, खेक्‍या धाम्‍पाला ग्‍युरी हो़तालाक धेनी ढेबुगो थामेपे छेसोक लाक।

रोमापा 7:4

देरेराङ झ्‍येरी ङी पी़नक्‍याओ, खेक्‍याः मास्‍यीकागी कुली़गी थोक्‍ने, क्षो़ठीमगी क्षीदु स्‍यीवालाक। दे नी खेक्‍या छीवाने कुसो़न्‍पो श्‍याङस्‍या, मी श्‍येम्‍मा याङना मास्‍यीकामुला दुमा स्‍योक ॱनेरी, धेनी होराङक्‍या को़न्‍क्षोकगी क्षीदु ढेबु केलास्‍योक ॱनेरी लाक।

रोमापा 8:5

धीक्‍पे राङश्‍यीला तेन्‍दी छोवा क्‍यागीनक्‍याई, धीक्‍पागी दो़नक्‍याला साम्‍लो ताङालाक हीना धाम्‍पे थुक्‍ङीला तेन्‍दी छोवा क्‍यागीनक्‍याई, थुक्‍ङीगी दो़नक्‍याला साम्‍लो ताङालाक।

१ कोरीन्‍थुपा 13:13

धेनी धा धेपा धाङ रेवा धाङ झाम्‍पा सुम ॱनेगीलाक। हीना देक्‍या नाङने गेक्षेस्‍योकगो झाम्‍पा लाक।

गालातीयापा 5:13

पी़नक्‍याओ, खेक्‍या राङवाङगी दो़नला भो़वालाक। होदे राङवाङ दे ली़गी दो़छाक काङयेला भेचो़ माझ्‍यी, हीना खेक्‍या झाम्‍पागी थोक्‍ने च्‍यीकगी च्‍यीकला श्‍याप्‍ची श्‍यी़।

एफीसुपा 4:23

धेनी राङगी सेम्‍ङीदु साबा झ्‍युङ।

एफीसुपा 5:9

(घीझ्‍येरी ॱनाना हो़गी ढेबुक्‍या नी, शाङा धाङ ढाङा धाङ धेन्‍पा हीन्‍गीन घीरी नाङ थोवालाक।)

फीलीप्‍पीपा 1:11

धेनी को़न्‍क्षोकगी शीजे धाङ तो़पागी क्षीदु, येशु मास्‍यीकागी थोक्‍ने थोप्‍कीन ढाङतेनगी ढेबुगी, खेक्‍या खाङास्‍योक।

कोलोसेपा 1:10

धेनी चोवोला कुरती हुङगीन मीछे पी़ये धाङ खोङबाला घीरीने थुक घेरु च्‍युक्‍ये धेनी ले शाङा घीरीला, ढेबु केये धाङ को़न्‍क्षोकगी स्‍येयो़नला, खेक्‍या छारती डोयेगी क्षीला, हेक्‍या ॱमो़लाम ग्‍यावीहो़क।

२ थेसालोनीकेपा 3:2

धेनी याङ नाकसेम्‍चेन धाङ ङेनसेम्‍चेन मीक्‍याने, हेक्‍या डोयेला ॱमो़लाम श्‍यी़रोझ्‍यी घीझ्‍येरी ॱनाना मी घीरीगी धेपा मीझ्‍यीदालाक।

१ तीमोथेउ 3:11

खुङक्‍याई केमीक्‍या होझ्‍येरीराङ याराप धाङ ठामा मीझ्‍यीगीन धाङ साम्‍लो थोङा धाङ घीरीला ढाङपो हुङघो़गीलाक।

१ तीमोथेउ 4:12

ख्‍यो़ श्‍यो़न्‍पा झ्‍येरी, सी़या ख्‍यो़ला थोङछुङ झ्‍यीरु ॱमाच्‍युक हीना धेपा झ्‍यीगीनक्‍याई दोङदु, ख्‍यी़ ङाक धाङ चो़पा धाङ झाम्‍पा धाङ धेपा धाङ चाङमे गोने राङला पाङपो च्‍यीक तो़न।

१ पेटो 1:22

को़न्‍क्षोकगी धेन्‍पे काला चीगीनगी गोने, खेक्‍याई राङगी सेम चाङमा शो़ हो़तालाक। होझ्‍येरी पी़नक्‍याला ॱनाम्‍पा दाक्‍पो चेवा झ्‍यी धेनी च्‍यीकगी च्‍यीकला सेम तीङनेराङ चेवा झ्‍यी।

१ पेटो 1:8

खेक्‍याई खोङबाला ज्‍या माङ्युङ हो़ना, खोङला चेवा झ्‍यीदालाक। धेनी धान्‍दा खेक्‍याई खोङबाला मेज्‍यानाः, खेक्‍या खोङबाला धेपा झ्‍यीदालाक धेनी खेक्‍या स्‍ये ॱमीथुक्‍कीन धाङ शीजेगी खाङखा घाटो क्षे झ्‍यीदालाक।

१ पेटो 5:12

ङी ॱलो का थुप्‍कीन चीचा पी़न सीलवानुगी थोक्‍ने, यीक तुङा दे ढीयाहीन। को़न्‍क्षोकगी थुक्‍जे धेन्‍पागो देराङ हीन ॱनेरी, ङा खेक्‍याला सेमस्‍युक धाङ पाङपो तेराहीन। धेनी देलाराङ तेन्‍पो ॱनेती धो़क।