गालातीयापा 5:21 - ॱलोवा

²¹ ॱङीङनाक धाङ रा शीगीन धाङ चो़पा मेगीन श्‍युक्‍टा धाङ देरे च्‍योक्‍रे लेगाक्‍या लाक। देरे झ्‍यीगीनक्‍याला को़न्‍क्षोकगी ग्‍यासीगी ग्‍युज्‍यीन थोप्‍कीमालाक, ॱनेरी ङी एन्‍ला खेक्‍याला ॱनेवी धेनी धान्‍दाः ॱनाहीन।

गालातीयापा 5:21 Iomraidhean Croise

मेथा 25:34

धेनी ग्‍यावुगी़ राङगी ॱये स्‍योकला सुङगीलाक, ‘ङी यापने झ्‍यीलाप थोप्‍था, खेक्‍या स्‍योक। जीक्‍तेन को़ने ॱहाला, खीकी क्षीला स्‍यामस्‍या ग्‍यासीगो लेन।

लुका 21:34

“हीना खेक्‍या च्‍याङजे झ्‍येरी धो़क। मेन्‍ना खीकी सेम ङ्याम ताङये धाङ शीरी धेये धाङ मीछेगी दुङागी ॱनेम्‍गीलाक। धेनी होदे ङीमागो ॱहाताक्‍पाला, ॱङीपला थेम्‍गीन च्‍योक्‍रे हुङगीलाक।

रोमापा 13:13

ङीङमो च्‍योक्‍रे होराङ चो़पा शाङपो झ्‍यीघो़। चो़पा मेगीन श्‍युक्‍टाक्‍या धाङ शीये धाङ लोक्‍येम धाङ दो़छाक धाङ ठुक्‍पा धाङ ठादोक झ्‍यीये मालाक।

रोमापा 8:13

घीझ्‍येरी ॱनाना धीक्‍पे राङश्‍यीला तेन्‍दी छोवा क्‍याना, खेक्‍या स्‍यीगीलाक हीना धाम्‍पे थुक्‍ङीगी गोने धीक्‍पे लेगाक्‍या स्‍यीरु च्‍युक्‍ना, खेक्‍या सो़न्‍पो ॱनेगीलाक।

१ कोरीन्‍थुपा 15:50

धा पी़नक्‍याओ, ङा खेक्‍याला ॱनाहीन स्‍याठाकला को़न्‍क्षोकगी ग्‍यासीगी थोप्‍ताङ ॱमेथोबालाक धेनी मेताला डुगीन ली़ला मेताला मेडोगीनगी थोप्‍ताङ ॱमेथोबालाक।

१ कोरीन्‍थुपा 5:11

हीना राङला मास्‍यीकावा पी़न हीन ॱनेरी ॱनागीन, हीना लोक्‍येम धाङ ॱहाम्‍बा धाङ कुन्‍डाला क्षो़ये धाङ ॱमेबेप ताङये धाङ रा शीये धाङ ॱली़गीन लेगा झ्‍यीगीनक्‍यामुला ढेवा माझ्‍यी ॱनेरी, ङा धान्‍दा खेक्‍याला ढीयाहीन। देरे मीक्‍यामुला शामाः मुला माशा।

एफीसुपा 5:18

धेनी मीछे ठोप्‍ला ताङगीन, घुन्‍क्षाङगी शीरी माग्‍युक हीना धाम्‍पे थुक्‍ङीगी खारी,

कोलोसेपा 3:6

दो़न देक्‍याई झ्‍येरी, को़न्‍क्षोकगी थुक्‍ठो़ भाप्‍कीलाक।

१ थेसालोनीकेपा 5:7

घीझ्‍येरी ॱनाना ॱङी लोक्‍कीनक्‍या छेमु ङ्यालालाक धेनी थुरी शीगीनक्‍या छेमुराङ शीलालाक।

२ थेसालोनीकेपा 2:5

ङा खेक्‍यामुला हो़ती घाङला, खेक्‍याला दे ताम घीरीगी कोरला स्‍येगीनगो, खेक्‍याला ढेम्‍पा मीदुई?

ईब्‍रीपा 13:4

मी घीरीगी ॱङेन्‍डीला चीदोङ झ्‍यीघो़, धेनी नाङजाङ ॱङीगी घुङला लोक्‍येम मीझ्‍युङास्‍योक घीझ्‍येरी ॱनाना को़न्‍क्षोकगी लोक्‍येम्‍पाक्‍या धाङ दो़लोक झ्‍यीगीनक्‍याला ठीम्‍चो़ जेगीलाक।

१ पेटो 4:3

घीझ्‍येरी ॱनाना खेक्‍याई एम्‍मा धेपा मीझ्‍यीगीन मीक्‍या च्‍योक्‍रे, लोक्‍येम धाङ दो़क्षाक धाङ रा शीगीन धाङ क्षोमेगीन तेमो धाङ क्षाङ-आराकगी थुक्‍ठो़ धाङ आम्‍लोवा ल्‍हाकुन्‍डाला क्षो़गीन लेगाक्‍याला धी़चो़ माङा क्‍यावालाक।

ॱङो़न्‍पा 21:27

लुक्‍टुगी छेसोकगी धेप नाङला मीङ ढीक्‍टाक्‍या माना, श्‍येम्‍मा ॱमेचाङा धाङ आम्‍लोवा लेगा झ्‍यीगीन धाङ शोक स्‍येगीन सुवा, होदे ग्‍याजा नाङदु मीजुगीलाक।

ॱङो़न्‍पा 22:15

ग्‍याजागी फीला कीक्‍या धाङ ङेन ॱङाक झ्‍यीगीनक्‍या धाङ लोक्‍येम्‍पाक्‍या धाङ ॱरोक चेगीनक्‍या धाङ ल्‍हाकुन्‍डाक्‍या छो़गीनक्‍या धाङ शोक स्‍येयेला थेगीनक्‍या धाङ होदे च्‍योक्‍रे झ्‍यीगीनक्‍या हो़तालाक।