गालातीयापा 5:2 - ॱलोवा

² धा, ङा पाउलु खेक्‍याला ॱनाहीन, खेक्‍याई याहुदापाक्‍याई पाउ चेगीन ॱरो चीना, मास्‍यीका खीकी क्षीला घीया फेन थोक्‍कीमालाक।

गालातीयापा 5:2 Iomraidhean Croise

जेपा 15:1

होदे स्‍याम्‍ने मी रीङगा युदेयाने होरी, आन्‍तीयोक ग्‍याजागी धेपा-झ्‍यीगीनक्‍याला देरे ॱलापच्‍या तेरपालाक, “मोशेगी ॱनाङना क्षो़ठीमगी ॱरो च्‍योक्‍रे झ्‍यीये हीन्‍ना, पाउ चेदी ताक माग्‍याप्‍पा, खेक्‍याला थारपा राक थुक्‍कीमालाक।”

जेपा 15:24

हेक्‍या खोक्‍ने सोसा मी रीङगागी ॱलापच्‍या शोक्‍पो तेरती, खेराङक्‍याला दुक्‍पु तेरपालाक ॱनागीन लाब हेक्‍याई ॱहाघोहो़क। हीना हेक्‍याई होदे मीक्‍याला झावा मालाक।

जेपा 15:5

हीना फारुसीपाक्‍या नाङने धेपा-झ्‍यीगीन झ्‍युजाक्‍या लाङदी ॱनेवालाक, “याहुदापा मेन्‍गीन मीरीकगी धेपा-झ्‍यीगीनक्‍याः पाउ चेदी ताकगो ग्‍याप घोगीलाक धेनी मोशेगी ठीमक्‍याला चीघोलालाक।”

१ कोरीन्‍थुपा 16:21

ङा पाउलु, ङाराङगी लाक्‍पी दे छाम्‍डी ढीक्‍यीहो़क।

२ कोरीन्‍थुपा 10:1

धा ङा पाउलु ङाराङ मास्‍यीकागी ॱङ्यामच्‍युङ धाङ झामगी गोने, खेक्‍याला श्‍योवा पुलाहीन। खेक्‍याई दोङदु ङा ॱङ्यामच्‍युङ धाङ खेक्‍याने थाक्‍रीङा हो़ताराङ ॱलोगोक क्षे हो़क।

गालातीयापा 5:11

हीना पी़नक्‍याओ, ङा धोराङा पाउ चेगीन ॱरोगो ची घोगीलाक, ॱनेरी स्‍येना ङाला श्‍येम्‍माक्‍याई घीझ्‍येरी ॱनो़ क्‍याला ले? देगी कोरला ङी स्‍येहो़नाः, मास्‍यीकागी ग्‍याङस्‍यीङगी कोरला ङी स्‍येगीनगी घीया ॱनो़ क्‍याये मेतालाक।

गालातीयापा 5:6

घीझ्‍येरी ॱनाना मास्‍यीका येशुगी दोङदु पाउ चेगीन ॱरो चीगीन हीन्‍ना लाक, ॱमीचीगीन हीन्‍ना घीया फेन मेतालाक हीना झाम्‍पागी थोक्‍ने लेगा झ्‍यीगीन धेपा च्‍यीगा फेन थोक्‍वालाक।

१ थेसालोनीकेपा 2:18

हेक्‍या खेक्‍याचारु हुङयेला दो़पा झ्‍येवी धेनी ङा पाउलुगीया धाब्‍ले कुल्‍ले दो़पा झ्‍येवी हीना धी़कगी हेक्‍याला काक्‍जुङ।

फीलेमोन 1:19

ङा पाउलु ङाराङगी लाक्‍पागी दे ढीयाहीन, ङी होदे जाङु। हीना ख्‍यी़ मीछेगी ढीन्‍लेनगो, ङी केनगी हीन्‍गीनगो ख्‍यो़ला ॱनाघोगुमालाक।

फीलेमोन 1:9

झाम्‍पे केनगी ङा ख्‍यो़ला श्‍योवा पुलाहीन, ङा मी घेबो पाउलु, मास्‍यीका येशुगी दो़न्‍दु चो़न्‍पा च्‍यीक,

ईब्‍रीपा 4:2

घीझ्‍येरी ॱनाना खुङक्‍याला च्‍योक्‍रे, हेक्‍यालाः ताम्‍शाङगो सेटाक झ्‍येवालाक। हीना ङेन्‍गीनक्‍याई धेपागी थोक्‍ने, होदे ताम्‍शाङगो खेमालेम्‍बाला खुङक्‍याला घीया फेन्‍थोक माझ्‍युवालाक।