गालातीयापा 5:13 - ॱलोवा

¹³ पी़नक्‍याओ, खेक्‍या राङवाङगी दो़नला भो़वालाक। होदे राङवाङ दे ली़गी दो़छाक काङयेला भेचो़ माझ्‍यी, हीना खेक्‍या झाम्‍पागी थोक्‍ने च्‍यीकगी च्‍यीकला श्‍याप्‍ची श्‍यी़।

गालातीयापा 5:13 Iomraidhean Croise

लुका 4:18

“चोवोगी थुक्‍ङी ङी खाला ॱने हो़तालाक, घीझ्‍येरी ॱनाना उटेक्‍याला ताम्‍शाङ स्‍येयेला, खोङबागी ङाला दामा जेपालाक। धेनी चो़न्‍पाक्‍याला राङवाङगी लो़न सेटाक झ्‍यीये, धाङ श्‍याराक्‍याई ॱमीक थोङगीन शोये, धाङ ॱनेम्‍दी धेताक्‍याला राङवाङ ॱनाङये,

जेपा 20:35

देरे झ्‍येरी ‘लेन्‍गीनक्‍यानेः तेरकीनक्‍याला माङा झ्‍यीलाप हो़तालाक’ ॱनेरी, चोवो येशु खोङबा राङगी सुङसा लाब देला ढेन्‍सो़ झ्‍येरी, मी क्‍योवाक्‍याला काल्‍ले झ्‍येरी रोवा झ्‍यी थुप्‍कीनगो झ्‍यीघोये लाब, दे ङी लेगा घीरीला तो़न्‍हो़क।”

१ कोरीन्‍थुपा 8:9

हीना खीकी राङवाङ दे धेपा तेन्‍पो मेगीनक्‍याला काक्‍दो माझ्‍युङवास्‍योक।

१ कोरीन्‍थुपा 9:19

ङा मी सी़याः होकदु मेनाः हीना मी माङागी सेम क्‍योप्‍येगी क्षीदु, ङा ङाराङ घीरीगी ॱयोक्‍पो झ्‍युहो़क।

२ कोरीन्‍थुपा 12:15

धेनी ङा खेक्‍याई क्षीदु घाटोगी गोने ङाला हो़गीन घीरी धाङ ङा राङ-राङला पुयेहीन। ङी खेक्‍याला चेवा माङा झ्‍यीना, ङाला चेवा ङ्युङा थोप्‍कुलाक से?

२ कोरीन्‍थुपा 2:8

होझ्‍येरी खेक्‍याई होदे मीला झाम्‍पा झ्‍यीगीनगो सावो तो़न ॱनेरी, ङा खेक्‍याला कुलाहीन।

२ कोरीन्‍थुपा 3:17

धा चोवो नी थुक्‍ङी लाक धेनी चोवोगी थुक्‍ङी घारु श्‍युक्‍यी होदुरु राङवाङ हुङालाक।

२ कोरीन्‍थुपा 4:5

घीझ्‍येरी ॱनाना हेक्‍या राङगी कोरला मेन्‍दा, हीना हेक्‍या येशुगी क्षीदु खेक्‍याई श्‍याप्‍चीपा झ्‍युरी, येशु मास्‍यीकाराङ चोवो हीन ॱनेरी सेटाक झ्‍यीदाहीन।

गालातीयापा 2:4

घीझ्‍येरी ॱनाना हेक्‍याई खोकला मास्‍यीकावा शोक्‍पो रीङगा सारी जुरी, मास्‍यीकाने होराङला हो़गीन राङवाङगोला सोवा ग्‍याप्‍तु होरी, होराङला क्षो़ठीमगी वाङला स्‍योरतु च्‍युक्‍ये थापस्‍यी झ्‍यीदीक।

गालातीयापा 4:22

सुङरापला ढीक हो़तालाक, आब्‍राहामला भीजा ॱङी हो़तालाक। ढेन्‍योक्‍मा स्‍योकने च्‍यीक धाङ राङवाङ हो़गीन केमीने च्‍यीक।

गालातीयापा 5:1

राङवाङगी क्षीला, मास्‍यीकागी होराङला राङवाङ ॱनावालाक होझ्‍येरी क्षो़ठीमगी ढेन्‍योक होकला ॱमीछी़दा, तेन्‍पो झ्‍येरी धो़क।

गालातीयापा 5:14

घीझ्‍येरी ॱनाना क्षो़ठीम घीरी “राङगी खीम्‍चेला राङला च्‍योक्‍रे चेवा झ्‍यी” ॱनागीन, का च्‍यीकगी डुप हो़तालाक।

गालातीयापा 5:22

हीना धाम्‍पे थुक्‍ङीगी ढेबुगो झाम्‍पा धाङ घाटो धाङ श्‍यीदे धाङ शो़पा धाङ ॱङीङजे धाङ शाङपो धाङ ॱलो का थुप्‍कीन धाङ

गालातीयापा 6:2

च्‍यीकगी श्‍येम्‍मागी खुक्‍या खुर धेनी देरे झ्‍येरीराङ मास्‍यीकागी क्षो़ठीम डुप्‍तु च्‍युक।

एफीसुपा 5:21

धेनी मास्‍यीकाला ॱङीङकुर फी़येला फेन्‍छुन खाला ङेन।

१ थेसालोनीकेपा 1:3

होरी याप को़न्‍क्षोकगी डुङदु, खेक्‍याई धेपागी लेगा धाङ झाम्‍पागी काल्‍ले धाङ होरी चोवो येशु मास्‍यीकागी खाला रेवा तेन्‍पोगोला, हेक्‍याई ॱमो़लामला ॱमेक्षेता ढेन्‍दी हो़क।

१ पेटो 2:16

खेक्‍या राङवाङगी मी च्‍योक्‍रे मीछे क्‍यो हीना राङगी राङवाङगो ङेन्‍पे लेगा काप्‍येला भेचो़ माझ्‍यी। खेक्‍या को़न्‍क्षोकगी श्‍याप्‍चीपा च्‍योक्‍रे मीछे क्‍यो।

२ पेटो 2:19

धेनी खुङक्‍याला राङवाङ तेरयेगी धाम्‍चा श्‍याक्‍नाः, हीना ॱलोपो़न शोक्‍पो खोराङक्‍या राङ तोरस्‍यीक ताङगीन चो़पागी ॱयोक्‍पो लाक घीझ्‍येरी ॱनाना मी घीन्‍गी वाङ होकदु स्‍योरी, होदेगीराङ ॱयोक्‍पो झ्‍युङालाक।

युदा 1:4

घीझ्‍येरी ॱनाना एम्‍माने ॱहाला ङेपा फोक्‍येला, थाक्‍चो़चा मी रीङगा, खेक्‍याई खोक्‍दु साङवाने जुदुक। खुङक्‍या को़न्‍क्षोकला ॱमीचीगीन मी लाक। खुङक्‍याई होरी, को़न्‍क्षोकगी थुक्‍जेला ॱयो़री दो़छाकला ग्‍युरदुक धेनी होरी दाक्‍पो धाङ चोवो च्‍यीगारा हीन्‍गीन, मास्‍यीका येशुला खेलेन मीझ्‍यीदालाक।