गालातीयापा 5:1 - ॱलोवा

¹ राङवाङगी क्षीला, मास्‍यीकागी होराङला राङवाङ ॱनावालाक होझ्‍येरी क्षो़ठीमगी ढेन्‍योक होकला ॱमीछी़दा, तेन्‍पो झ्‍येरी धो़क।

गालातीयापा 5:1 Iomraidhean Croise

मेथा 23:4

देक्‍याई खु खुर ॱमीथुप्‍कीन धाम्‍दी, मीक्‍याई ग्‍यापला कालालाक हीना खोराङक्‍या राङगी जु च्‍यीकगीया, होदेला जी़ङी मेदो़दालाक।

लुका 5:38

हीना घुन्‍क्षाङ साबागो पीखु साबा नाङदुराङ ॱलुक घोगुलाक।

जेपा 15:10

धा, होराङ धाङ होरी धाङबी फामाक्‍यागीयाः खुर ॱमाथुप्‍कीन खु दे, खुङक्‍या खाला कारी, घीझ्‍येरी को़न्‍क्षोकला खोङडो लाङाले?

रोमापा 6:14

धा धीक्‍पागी खेक्‍याला वाङ झ्‍यीगीमालाक घीझ्‍येरी ॱनाना खेक्‍या क्षो़ठीमगी वाङ होकदु मेन्‍दा, थुक्‍जेगी वाङ होकदु हो़तालाक।

रोमापा 6:18

धेनी खेक्‍याला को़न्‍क्षोकगी धीक्‍पाने थारपा जेदी, धा खेक्‍या ढाङतेनगी ढेन्‍योक झ्‍युदुक।

रोमापा 7:3

धा ॱहाना मो मोरी ख्‍योवा सो़न्‍पो हो़ताराङ, मी श्‍येम्‍मामुला धेना, मोला लोक्‍येम्‍मा ॱनेरी ॱनागीलाक। हीना मी़ ख्‍योवा स्‍यीना, मो होदे क्षो़ठीमने थारालाक धेनी मी़ मी श्‍येम्‍मामुला ॱनामाला डोनाः, मो लोक्‍येम्‍मा मीझ्‍युङालाक।

रोमापा 7:6

हीना धान्‍दा होराङ क्षो़ठीमने थार हो़तालाक घीझ्‍येरी ॱनाना होराङ क्षो़ठीमगी थोक्‍ने स्‍यीवालाक धेनी धा होदेगी वाङ होकला मेतालाक। धा होराङ ॱरो ॱङीङबा च्‍योक्‍रे क्षो़ठीमगी छीकला चीरी मेन्‍दा, हीना ॱरो साबा च्‍योक्‍रे थुक्‍ङीगी थोक्‍ने छोवा क्‍यारी, को़न्‍क्षोकला श्‍याप्‍ची श्‍यु थुक्‍कीलाक।

रोमापा 8:15

याङ जीक्‍नाङगी नाङ छी़येला, खेक्‍याला ढेन्‍योकगी सेम थोप्‍पा मालाक हीना खेक्‍याला को़न्‍क्षोकगी से धाङ सेमो झ्‍युङयेगी थुक्‍ङी थोप हो़तालाक। धेनी खोङगी थोक्‍ने होराङ “आब्‍बा, याप।” ॱनेरी भो़ली घाङला,

रोमापा 8:2

घीझ्‍येरी ॱनाना छे ॱनाङगीन धाम्‍पे थुक्‍ङीगी वाङगी, मास्‍यीका येशुगी थोक्‍ने, खेक्‍याला धीक्‍पा धाङ छीवागी वाङने थारपा जे हो़तालाक।

१ कोरीन्‍थुपा 15:58

होझ्‍येरी ङी चेवे पी़नक्‍याओ, खेक्‍या तेन्‍पो धाङ घु-घु मीझ्‍यीदा धो़क। धेनी चोवोगी नाङ खीकी काल्‍ले ग्‍याप्‍कीनगो दो़न मेगीन मेयोङालाक ॱनेरी, खेक्‍याई स्‍येगीन झ्‍येरी, खेक्‍या चोवोगी क्षाक्‍ले ॱमीच्‍यीकी हुरा झ्‍येरी झ्‍यीदी सोङ।

१ कोरीन्‍थुपा 16:13

च्‍याङजे झ्‍यी। धेपाला तेन्‍पो ॱनेती धो़क धेनी ॱलोगोक क्षे धाङ स्‍युक क्षे झ्‍युङ।

१ कोरीन्‍थुपा 7:22

घीझ्‍येरी ॱनाना चोवोगी नाङ भो़ली घाङला, ढेन्‍योक हो़गीनगो धा चोवोगी राङवाङगी मी झ्‍यु हो़तालाक। होदेरेराङ झ्‍येरी चोवोगी भो़ली घाङला राङवाङ हो़गीन मीगो, धा मास्‍यीकागी ढेन्‍योक झ्‍यु हो़तालाक।

२ कोरीन्‍थुपा 11:20

घीझ्‍येरी ॱनाना मीक्‍याई खेक्‍याला ॱयोक्‍पो शो़ना याङना खेक्‍याला हो़गीन घीरी ठोक्‍ना याङना खेक्‍याने खेब्‍साङ लेन्‍ना याङना खेक्‍याला ॱङ्याप्‍चो़ स्‍येना याङना खीकी डाबाला डाम्‍चा श्‍युरनाः, खेक्‍या शो़पा झ्‍यीदीक।

२ कोरीन्‍थुपा 3:17

धा चोवो नी थुक्‍ङी लाक धेनी चोवोगी थुक्‍ङी घारु श्‍युक्‍यी होदुरु राङवाङ हुङालाक।

गालातीयापा 2:4

घीझ्‍येरी ॱनाना हेक्‍याई खोकला मास्‍यीकावा शोक्‍पो रीङगा सारी जुरी, मास्‍यीकाने होराङला हो़गीन राङवाङगोला सोवा ग्‍याप्‍तु होरी, होराङला क्षो़ठीमगी वाङला स्‍योरतु च्‍युक्‍ये थापस्‍यी झ्‍यीदीक।

गालातीयापा 3:25

हीना धान्‍दा धेपा ॱङो़न्‍सुमदु ग्‍युरती, धा होराङ तादोक झ्‍यीगीन क्षो़ठीमगी होकदु मेतालाक।

गालातीयापा 4:26

हीना नाम्‍खे येरुसालेमगोला राङवाङ हो़तालाक धेनी मो होरी आमा लाक।

गालातीयापा 4:31

होझ्‍येरी पी़नक्‍याओ, होराङ ढेन्‍योक्‍मागी टुवा मेन्‍दा राङवाङ हो़गीन केमीगी टुवा लाक।

गालातीयापा 4:9

हीना धान्‍दा खेक्‍याई को़न्‍क्षोकला ङोस्‍ये धेनी को़न्‍क्षोक राङगी खेक्‍याला ङो खेन्‍दीयाः, खेक्‍या घाङगी झ्‍येरी जाम्‍बुलीङगी नी़थु मेगीन धाङ फेन ॱमेथोक्‍कीन ल्‍हाक्‍या स्‍योकला लोक्‍ती, धाब्‍ले देक्‍याई ढेन्‍योक झ्‍यीये दो़पा झ्‍यीदाले?

गालातीयापा 5:13

पी़नक्‍याओ, खेक्‍या राङवाङगी दो़नला भो़वालाक। होदे राङवाङ दे ली़गी दो़छाक काङयेला भेचो़ माझ्‍यी, हीना खेक्‍या झाम्‍पागी थोक्‍ने च्‍यीकगी च्‍यीकला श्‍याप्‍ची श्‍यी़।

एफीसुपा 6:14

होझ्‍येरी तेन्‍पो ॱनेयेला, खेरी केपाला धेन्‍पागी केराक रे धेनी ढाङतेनगी ढाङठाप घो़न।

फीलीप्‍पीपा 1:27

खेक्‍याई मीछेगी चो़लामगो, मास्‍यीकागी ताम्‍शाङला थी़न्‍गीन हुङघो़। धेनी ङा होरी खेक्‍याला थुक्‍ना याङना ङा मेनाः, खेक्‍या थुक्‍ङी च्‍यीकला तेन्‍पो ॱनेगीन धाङ धेनी ताम्‍शाङगी धेपागी क्षीला, खेक्‍या सेम्‍ङी च्‍यीक झ्‍युरी काल्‍ले ग्‍याप्‍कीन धाङ

१ थेसालोनीकेपा 3:8

खेक्‍या चोवोगी नाङ धेपाला तेन्‍पो ॱनेना, हेक्‍या ॱङोन्‍ने सो़न्‍पो हीन।

२ थेसालोनीकेपा 2:15

होझ्‍येरी पी़न्‍दाक्‍याओ, तेन्‍पो झ्‍येरी धो़क धेनी हीकी खाने ॱनेना तामक्‍या याङमेना ढीक्‍टा यीक्‍याने, खेक्‍याला तेरता ॱलापच्‍याक्‍या तेन्‍पो झ्‍येरी ॱरुङ।

ईब्‍रीपा 10:23

होरी खेलेन झ्‍येजा रेवाला तेन्‍पोमा ॱरुङघो़ घीझ्‍येरी ॱनाना धाम्‍चा जेगीन को़न्‍क्षोक नी, ॱलोते छोक्‍पा हो़तालाक।

ईब्‍रीपा 3:14

घीझ्‍येरी ॱनाना होराङगी गोमागी ॱलोतेला, था थुक्‍पे तेन्‍पो झ्‍येरी था ख्‍योला झ्‍यीना, होराङ मास्‍यीकागी लेरोक झ्‍युङालाक।

ईब्‍रीपा 3:6

हीना मास्‍यीका नी, को़न्‍क्षोकगी नाङमी खाला से च्‍योक्‍रे ॱलोते छोक्‍पा हो़तालाक। धा होरी रेवाला होराङ ॱङीङक्षे झ्‍ये धेनी ॱलोते तेन्‍पो श्‍याक्‍ना, होराङ को़न्‍क्षोकगी नाङमी लाक।

ईब्‍रीपा 4:14

होझ्‍येरी नाम्‍खे श्‍यीङखामदु फेया जेगीन, को़न्‍क्षोकगी से येशु होरी चो क्षो़पो़न झ्‍युजा झ्‍येरी, होराङक्‍या राङगी खेलेन झ्‍येजा धेपागोला तेन्‍पोमा ॱरुङघो़।

१ पेटो 2:16

खेक्‍या राङवाङगी मी च्‍योक्‍रे मीछे क्‍यो हीना राङगी राङवाङगो ङेन्‍पे लेगा काप्‍येला भेचो़ माझ्‍यी। खेक्‍या को़न्‍क्षोकगी श्‍याप्‍चीपा च्‍योक्‍रे मीछे क्‍यो।

२ पेटो 2:19

धेनी खुङक्‍याला राङवाङ तेरयेगी धाम्‍चा श्‍याक्‍नाः, हीना ॱलोपो़न शोक्‍पो खोराङक्‍या राङ तोरस्‍यीक ताङगीन चो़पागी ॱयोक्‍पो लाक घीझ्‍येरी ॱनाना मी घीन्‍गी वाङ होकदु स्‍योरी, होदेगीराङ ॱयोक्‍पो झ्‍युङालाक।

युदा 1:3

चेवे पी़नक्‍याओ, होराङ घीरीला थोप्‍था थारपागी कोरला, ङी खेक्‍याला ढीक्‍ये ॱमीच्‍यीकी थेहो़नाः, को़न्‍क्षोकगी राङगी धाम्‍पे मीक्‍याला लेन च्‍यीकदु ॱनाङना, धेपागो ॱरुङक्‍योप झ्‍यी ॱनेरी, श्‍योवा पुयेला, ङी खेक्‍याला दे यीक दे ढीक घो़जुङ।

ॱङो़न्‍पा 2:25

हीना ङा माहुङगीन थुक्‍पे, खेक्‍याला हो़गीनगो तेन्‍पो ॱरुरी धो़क।

ॱङो़न्‍पा 3:3

होझ्‍येरी ख्‍यो़ला घी थोप्‍था धाङ ख्‍यी़ घी घोरकागोला तेन्‍पोमा ॱरुङ धेनी राङगी धीक्‍पा पारी सेम ग्‍युरवा तोङ। धेनी ख्‍यो़ ॱङीने ॱमेसो़ना, ङा ख्‍यो़चारु कुमा च्‍योक्‍रे हुङयेहीन धेनी ङा हुङगीनगी धी़चो़गो ख्‍यी़ ॱमेस्‍येगीलाक।