गालातीयापा 4:8 - ॱलोवा

⁸ एम्‍मा खेक्‍या को़न्‍क्षोकला ङो ॱमेस्‍येली घाङला, को़न्‍क्षोक मेगीन ल्‍हाक्‍याला ॱयोक्‍पो ग्‍युक्‍वालाक।

गालातीयापा 4:8 Iomraidhean Croise

योहान्‍ना 1:10

कागो जीक्‍तेनदु श्‍युक हो़तालाक धेनी जीक्‍तेन खोङबागी थोक्‍ने को़वालाक हीना जीक्‍तेनगी खोङबाला ङो ॱमास्‍येवालाक।

जेपा 14:12

खुङक्‍याई बारनाबाला जीउस ॱनागीन ल्‍हा साम्‍बालाक धेनी पाउलुगो लाब ताङगीनगो झ्‍येरी, खोला हेरमे ॱनागीन ल्‍हा साम्‍बालाक।

जेपा 17:23

खीकी ग्‍याजाने डी़ घाङला ङी खेक्‍याई क्षो़ झ्‍यीजा च्‍यालाकक्‍याला तेवी। होदुरु ङी क्षो़ठी च्‍यीकला देरे ढीक्‍टा च्‍यीक थोजुङ, ‘ङो ॱमेस्‍येगीन ल्‍हागी क्षीला’। धा खेक्‍याई ङोमेस्‍येलाला चीगीन ल्‍हागो सु लाक ॱनेरी, ङी खेक्‍याला ॱनाउ।

रोमापा 1:23

धेनी छीवा मेगीन, को़न्‍क्षोकगी शीजेगो छीवा हो़गीन, मी धाङ झ्‍या धाङ धी़डो धाङ तोडोक्‍या च्‍योक्‍रे थोङगीन, कुन्‍डाक्‍यामुला खुङक्‍याई ज्‍येलालाक।

रोमापा 1:28

धा खुङक्‍याई को़न्‍क्षोकला ची घोगीनगो क्षा माश्‍याक्‍पा, को़न्‍क्षोकगी खुङक्‍याला खोरी साम्‍लो ॱलेन्‍दा नाङला, झ्‍यी ॱमेछोक्‍कीन लेगाक्‍या झ्‍यीदु च्‍युक जेपालाक।

१ कोरीन्‍थुपा 1:21

को़न्‍क्षोकगी स्‍येरापगी नाङ, दे जीक्‍तेनगी मीक्‍याई राङगी स्‍येरापगी गोने, को़न्‍क्षोकला ङो ॱमेस्‍येगीन झ्‍येरी, होरी ताम्‍शाङ स्‍येगीन क्षोमेगीन लेगागी थोक्‍ने धेपा झ्‍यीगीनक्‍याला क्‍योप्‍येला, को़न्‍क्षोक थुक घेवालाक।

१ कोरीन्‍थुपा 12:2

धेनी खेक्‍या धेपा मीझ्‍यीदी घाङला, थापस्‍यी माङागी थोक्‍ने लाब ताङ ॱमीथुक्‍कीन ल्‍हाकुन्‍डाक्‍या स्‍योकला, खेक्‍या क्षाक्‍क्षो़पा पुयेला यो़री सोसागो खेक्‍याई स्‍येलालाक।

१ कोरीन्‍थुपा 8:4

धा ॱहाना ल्‍हाकुन्‍डाला पुपा शामागी कोरला ॱनाना “ल्‍हाकुन्‍डा नी हो़याः मेतालाक।” धेनी “को़न्‍क्षोक च्‍यीक माना श्‍येम्‍मा मेतालाक।” ॱनेरी, होराङला स्‍येये हो़तालाक।

गालातीयापा 4:3

देरे च्‍योक्‍रे होराङक्‍या टुवा हो़ती घाङला, दे जाम्‍बुलीङगी ल्‍हाक्‍याई वाङगी होकला स्‍योर हो़तालाक।

एफीसुपा 4:18

धेनी खुङक्‍याई सेम ग्‍योङागी केनगी, खुङक्‍या नाङ हो़गीन तीमुकगी झ्‍येरी, खुङक्‍याई स्‍येयो़न मी़नाकगी तुम हो़तालाक धेनी को़न्‍क्षोकगी छेने खा ढा हो़तालाक।

१ थेसालोनीकेपा 1:9

घीझ्‍येरी ॱनाना खेक्‍याई हेक्‍याला फेप श्‍यी़गीन धाङ कुन्‍डाक्‍याला भोरती, खेक्‍या सो़न्‍पो धाङ धेन्‍पा, को़न्‍क्षोकला ॱङीङकुर श्‍यी़येला हुङगीन धाङ

२ थेसालोनीकेपा 1:8

होदे घाङला को़न्‍क्षोकला ङो ॱमेस्‍येगीनक्‍या धाङ होरी चोवो येशुगी ताम्‍शाङला ॱमीचीगीनक्‍याला, खोङबागी छेपा का जेगीलाक।

१ पेटो 4:3

घीझ्‍येरी ॱनाना खेक्‍याई एम्‍मा धेपा मीझ्‍यीगीन मीक्‍या च्‍योक्‍रे, लोक्‍येम धाङ दो़क्षाक धाङ रा शीगीन धाङ क्षोमेगीन तेमो धाङ क्षाङ-आराकगी थुक्‍ठो़ धाङ आम्‍लोवा ल्‍हाकुन्‍डाला क्षो़गीन लेगाक्‍याला धी़चो़ माङा क्‍यावालाक।

१ योहान्‍ना 3:1

तो़दाङ, यापगी होराङला ॱनाङगीन झाम्‍पा ॱमीच्‍यीकी क्षे राक्‍ती, होराङ खोङबागी से धाङ सेमो भो़घो झ्‍युवालाक। धेनी हीन्‍येगोवा ॱङोन्‍ने लाक। होझ्‍येरी जीक्‍तेनगी खोङबाला ङो ॱमेस्‍येगीन झ्‍येरी, होराङला ङो ॱमेस्‍येलालाक।