गालातीयापा 4:25 - ॱलोवा

²⁵ हागारगी आराब युगी सीना रीला तो़न्‍दालाक धेनी धान्‍दागी येरुसालेमला क्षा श्‍याक्‍ना ढीक्‍कीलाक घीझ्‍येरी ॱनाना मो मोरी टुवाक्‍यामुला क्षो़ठीमगी ढेन्‍योकला दुक।

गालातीयापा 4:25 Iomraidhean Croise

मेथा 23:37

“के येरुसालेम, येरुसालेम, ख्‍यो़ ॱङो़नस्‍येखेनक्‍याला सेगीन, धाङ ख्‍यी़चारु ताङगीनक्‍याला धोगोङ श्‍युरकीन ख्‍यो़। झ्‍यामोगी राङगी टुवाक्‍याला स्‍योक्‍पा होकदु धुगीन च्‍योक्‍रे, ङी थेङ माङा ख्‍यी़ टुवाक्‍याला दुयेगी दो़पा झ्‍येवी हीना ख्‍यी़ झ्‍यीदु च्‍युक्‍की मीदुक।

लुका 13:34

“येरुसालेम, येरुसालेम, ॱङो़नस्‍येखेनक्‍या सेगीन धाङ ख्‍यी़चारु झाजाक्‍याला धोगोङ श्‍युरकीन ख्‍यो़! झ्‍यामोगी राङगी टुवाक्‍याला स्‍योक्‍पा होकदु धुगीन च्‍योक्‍रे, ङी थेङ माङपो ख्‍यी़ टुवाक्‍याला दुयेगी दो़पा झ्‍येवी, हीना ख्‍यी़ दो़पा झ्‍यीगी मीदुक।

लुका 19:44

धेनी खुङक्‍याई ख्‍यो़ धाङ ख्‍यी़ टुवाक्‍याला साला दाप्‍कीलाक। खुङक्‍याई धोगोङ च्‍यीकगी खाला श्‍येम्‍मा धोगोङ च्‍यीया ल्‍हाक्‍तु च्‍युक्‍कीमालाक घीझ्‍येरी ॱनाना ख्‍यी़ को़न्‍क्षोक फेप्‍कीन धी़गो ङो ॱमास्‍येवालाक।”

जेपा 1:11

होदे मी ङीउगी ॱनेवालाक, “खे गालीलगी मीक्‍याओ, खेक्‍या घीझ्‍येरी लारी ॱनाम स्‍योकला तेरी धेदाले? खेक्‍याई खोक्‍ने ठीया जेजा येशु नी, धान्‍दा नाम्‍खे श्‍यीङखामदु फेप्‍कीनगो खेक्‍याई थोथा च्‍योक्‍रे, याङ खोङबा खेक्‍याचारु देरेराङ झ्‍येरी फेप्‍कीलाक।”

गालातीयापा 1:17

धेनी ङी एन्‍ला हो़गीन कुछापक्‍या चारु, येरुसालेमदु ङा ॱमासो हीना ङा लाम्‍साङ आराब युला सोवी धेनी स्‍याम्‍ला दामासेको ग्‍याजारु लोक्‍ती होवी।

गालातीयापा 4:24

दे नी पे च्‍यीक श्‍याक्‍ना, केमी दे ॱङीउ धाम्‍चा ॱङी लाक। सीना रीने झ्‍युजा धाम्‍चा च्‍यीकगो ढेन्‍योकगी क्षीला, टुवा केगीन हागार लाक।

गालातीयापा 4:26

हीना नाम्‍खे येरुसालेमगोला राङवाङ हो़तालाक धेनी मो होरी आमा लाक।

ईब्‍रीपा 12:18

खेक्‍या ईस्‍राएल्‍पाक्‍या च्‍योक्‍रे, लाक्‍पी जु थुक्‍कीन धाङ मे भारती धेता धाङ मी़नाक धाङ ॱमुक्‍पी तुम्‍दा धाङ ॱलुङ खोरती धेता रीला मायो हो़तालाक।