गालातीयापा 4:19 - ॱलोवा

¹⁹ ङी चेवे टुवाक्‍याओ, खेक्‍या मास्‍यीकागी स्‍यीका च्‍योक्‍रे माझ्‍युङगीन थुक्‍पे, ङा खीकी क्षीला याङदा केशुकला हो़गीन च्‍योक्‍रे दुक।

गालातीयापा 4:19 Iomraidhean Croise

लुका 22:44

खोङबागी सेम ॱमीच्‍यीकी दुक्‍पुगी खारी, खोङबागी ॱङीङ थाक्‍पाने सोवा ताप्‍पालाक। धेनी खोङबागी ॱङुना ठाकगी थीक्‍पा च्‍योक्‍रे साला थीक्‍पालाक।

रोमापा 13:14

हीना खेक्‍या चोवो येशु मास्‍यीकागी गोठापक्‍या घो़न, धेनी धीक्‍पे राङश्‍यीगी दो़छाकक्‍या डुप्‍येगी साम्‍लो ॱमाताङ।

रोमापा 8:29

घीझ्‍येरी ॱनाना को़न्‍क्षोकगी राङगी मीक्‍याला थोक्‍माने, ङो खेन्‍दा जेदालाक धेनी खोङगी से, पी़न माङागी नाङने एन्‍ला, केक्‍या झ्‍युङयेगी क्षीदु राङगी मीक्‍यालाः राङगी से च्‍योक्‍रे, झ्‍युङयेला खोङबागी दामा जेपालाक।

२ कोरीन्‍थुपा 12:14

धा ङा खीकीचारु थेङमा सुम्‍बागो, हुङयेला डाढीक हो़क। धेनी ङा खीकी क्षीदु घाक्‍वा झ्‍युङयेमेन घीझ्‍येरी ॱनाना ङा खीकी ग्‍युनोर मेन्‍दा, खेक्‍याला चालाहीन। घीझ्‍येरी ॱनाना टुवागी फामी क्षीदु मेन्‍दा, फामागी टुवागी क्षीदु ग्‍यु साक घोवालाक।

एफीसुपा 4:13

धेनी होराङ घीरी धेपाला च्‍यीक माझ्‍युङगीन थुक्‍पे, धाङ को़न्‍क्षोकगी सेगी स्‍येयो़नला ॱनाटो ॱङेरी, मास्‍यीकागी फी़न्‍सुम छोक्‍पे छे च्‍योक्‍रे माझ्‍युङगीन थुक्‍पे, दे नी झ्‍युङगीलाक।

एफीसुपा 4:24

धेनी को़न्‍क्षोकगी स्‍यीकाला धेन्‍पे ढाङतेन धाङ धाम्‍पाला को़का स्‍यीका साबागो लेन ॱनेरी, खेक्‍याला ॱलाप हो़तालाक।

फीलीप्‍पीपा 1:8

मास्‍यीका येशुगी झाम्‍पागी थोक्‍ने, ङा खेक्‍याला ॱमीच्‍यीकी थुक्‍ङी दो़दीक। धेनी देला को़न्‍क्षोकगी ङाला धेन्‍पाङ जेदालाक।

फीलीप्‍पीपा 2:17

हीना खेक्‍याई धेपागी क्षो़पा धाङ ॱङीङकुर डुप्‍येगी क्षीला, ङी ठाक नी सेरकेम च्‍योक्‍रे फी़ घोये हीन्‍ना, ङा ङ्यामो घी धेनी खेक्‍या घीरीमुला घाटो झ्‍यीयेहीन।

फीलीप्‍पीपा 2:5

खेक्‍याई साम्‍लोगोवाः मास्‍यीका येशुगी नाङ हो़गीन च्‍योक्‍रे झ्‍युङघो़।

कोलोसेपा 1:27

को़न्‍क्षोकगी ढाङमेगी शीजेगी साङवा दे, याहुदापा मेन्‍गीन मीरीकगी क्षीला ॱमीच्‍यीकी चाक्षे हीन्‍गीनगो, राङगी धाम्‍पे मीक्‍याला ॱङो़न्‍दु जेयेगो, को़न्‍क्षोकगी थुक घेवालाक। साङवा दे नी, मास्‍यीका खेक्‍याई नाङ हो़तालाक धेनी खोङ नी शीजेगी रेवागो लाक।

कोलोसेपा 2:1

खेक्‍या धाङ लाउदीकेयागी मीक्‍या धाङ ङी ङोरोङ थोङ माङ्युङगीन श्‍येम्‍मा मी घीरीगी क्षीदु, ङी ग्‍यापक्‍या काल्‍ले क्षेगो खेक्‍याई स्‍येलाझ्‍यी ॱनेरी, ङा दो़दीहो़क।

कोलोसेपा 3:10

धेनी स्‍यीका साबा दे खेलेन हो़तालाक। धेनी दे नी, खेक्‍याई को़पापोगी कोरला स्‍येराप छाङघोगो थोप्‍येगी क्षीदु, खेक्‍याला खोङबाराङगी स्‍यीकाला साबा जेदी हो़तालाक।

कोलोसेपा 4:12

खेक्‍याने च्‍यीक हीन्‍गीन धेनी मास्‍यीका येशुगी श्‍याप्‍ची एपाब्‍रागी, खेक्‍याला छाम्‍डी श्‍यी़क। धेनी खेक्‍या को़न्‍क्षोकगी थुकोङ घीरीला, ॱनाटो ॱङ्येङ्या धाङ छाङवा झ्‍युङवास्‍योक ॱनेरी, खो खीकी क्षीला च्‍योई ची़न्‍डी़ झ्‍येरी ॱमो़लाम ग्‍यावी।

१ थेसालोनीकेपा 2:7

हीना आमागी राङगी टु क्‍योङगीन च्‍योक्‍रे, खेक्‍याई खोकला हेक्‍या जाबो झ्‍येरी धेपी।

१ तीमोथेउ 1:2

धेपाला ङी धेन्‍पा भु तीमोथेउला, याप को़न्‍क्षोक धाङ होरी चोवो मास्‍यीका येशुने, थुक्‍जे धाङ ॱङीङजे धाङ श्‍यीदे भापास्‍योक।

तीतोस 1:4

ङीमुला धेपा च्‍यीक्‍पा हो़गीन, ङी ॱङोन्‍नेगी भीजा तीतोसला, दे यीक ढीयाहीन। याप को़न्‍क्षोक धाङ होराङला थारपा ॱनाङगीन येशु मास्‍यीकागी, ख्‍यो़ला थुक्‍जे धाङ श्‍यीदे ॱनाङास्‍योक।

फीलेमोन 1:10

ङी भीजा च्‍योक्‍रे हीन्‍गीन ओनीसीमुगी दो़न्‍दु रेभो़ श्‍युवाहीन। चो़न्‍खाङदु ङा खी़ आकी झ्‍युवालाक।

फीलेमोन 1:19

ङा पाउलु ङाराङगी लाक्‍पागी दे ढीयाहीन, ङी होदे जाङु। हीना ख्‍यी़ मीछेगी ढीन्‍लेनगो, ङी केनगी हीन्‍गीनगो ख्‍यो़ला ॱनाघोगुमालाक।

ईब्‍रीपा 5:7

येशु जीक्‍तेनदु श्‍युक्‍वाराङ, खोङबा स्‍युम्‍ती सुङकेक क्षेगी थोक्‍ने, खोङबाला छीवाने क्‍योप थुक्‍कीन, को़न्‍क्षोकला ॱमो़लाम धाङ श्‍योवा पुवालाक। धेनी खोङगी को़न्‍क्षोकला कुरती क्षे जेगीनगी केनगी, खोङबागी ॱमो़लाम सेन्‍दा जेपालाक।

याकोब 1:18

खोङबागी को़पा घीरीने, लोदोक फी़गो होराङ झ्‍युङास्‍योक ॱनेरी, खोङबाराङगी थुकोङगी धेन्‍पे का थोक्‍ने, होराङला केवा साबा ॱनाङा जेपालाक।

१ योहान्‍ना 2:1

ङी चेवे टुवाक्‍याओ, खेक्‍याई धीक्‍पा मीझ्‍यीदास्‍योक ॱनेरी, ङा खेक्‍याला दे लाबक्‍या ढीयाहीन। हीना खेक्‍याने च्‍यीकगी धीक्‍पा झ्‍यीना यापगी डुङदु, होरी क्षीला श्‍योवा पुगीन च्‍यीक हो़तालाक। खोङ नी ढाङतेन्‍पा येशु मास्‍यीका लाक।

१ योहान्‍ना 2:12

चेवे टुवाक्‍याओ, ङा खेक्‍याला ढीयाहीन, घीझ्‍येरी ॱनाना येशुगी छेनगी थोक्‍ने, खीकी धीक्‍पाक्‍या सेल हो़तालाक।

१ योहान्‍ना 5:21

चेवे टुवाक्‍याओ, ल्‍हाकुन्‍डाक्‍याने जेम्‍दी धो़क।

३ योहान्‍ना 1:4

ङी टुवाक्‍या धेन्‍पाला तेन्‍ती मीजी क्‍यागीन, लाब दे घोरयेने ल्‍हाक, घाटो क्षे ङाला श्‍येम्‍मा घीया मेक।