गालातीयापा 4:18 - ॱलोवा

¹⁸ दो़न शाङपो क्षीला दो़पा क्षे झ्‍यीना घा लाक हीना ङा खीकीमुला हो़ती घाङला च्‍यीगा मालाक।

गालातीयापा 4:18 Iomraidhean Croise

योहान्‍ना 2:17

खोङबागी ङेनेक्‍याई सुङरापला देरे ढीक्‍टागो ढेन सो़वालाक, “खेराङगी फोडाङगी क्षीला, ङी चेवा दीगी ङाला मेताला ताङगीलाक।”

१ कोरीन्‍थुपा 15:58

होझ्‍येरी ङी चेवे पी़नक्‍याओ, खेक्‍या तेन्‍पो धाङ घु-घु मीझ्‍यीदा धो़क। धेनी चोवोगी नाङ खीकी काल्‍ले ग्‍याप्‍कीनगो दो़न मेगीन मेयोङालाक ॱनेरी, खेक्‍याई स्‍येगीन झ्‍येरी, खेक्‍या चोवोगी क्षाक्‍ले ॱमीच्‍यीकी हुरा झ्‍येरी झ्‍यीदी सोङ।

गालातीयापा 4:13

ङी एन्‍ला खीकीचारु ताम्‍शाङ स्‍येगीनगी दो़न्‍दाकगो, ङी शु ॱमेथाङा झ्‍येरी लाक ॱनेरी खेक्‍याला स्‍येये हो़तालाक।

गालातीयापा 4:17

शोक्‍पो ॱलापच्‍या ॱलाप्‍कीनक्‍याई, खेक्‍याला खोरी स्‍योकला ॱयो़ये ॱमीच्‍यीकी थापस्‍यी तो़न्‍दी, हीना खुङक्‍याई ॱमीक्‍यु घा मीदुक। धेनी खीकी खुङक्‍याला ॱमीच्‍यीकी चीलास्‍योक ॱनेरी, खुङक्‍याई खेक्‍याला हेक्‍याने खा टाये झ्‍यीदालाक।

गालातीयापा 4:20

धान्‍दा ङा खीकीमुला हो़ना, ङी केकगी दाङ ग्‍युरये रेवा हो़क घीझ्‍येरी ॱनाना ङा खीकी क्षीला गो थोम्‍दी धेहो़क।

फीलीप्‍पीपा 1:27

खेक्‍याई मीछेगी चो़लामगो, मास्‍यीकागी ताम्‍शाङला थी़न्‍गीन हुङघो़। धेनी ङा होरी खेक्‍याला थुक्‍ना याङना ङा मेनाः, खेक्‍या थुक्‍ङी च्‍यीकला तेन्‍पो ॱनेगीन धाङ धेनी ताम्‍शाङगी धेपागी क्षीला, खेक्‍या सेम्‍ङी च्‍यीक झ्‍युरी काल्‍ले ग्‍याप्‍कीन धाङ

फीलीप्‍पीपा 2:12

होझ्‍येरी ङी चेवेक्‍याओ, खेक्‍याई च्‍योई ङी खाला ङेन्‍गीन च्‍योक्‍रे, ङा हो़ती घाङला च्‍यीगा मेन्‍दा, हीना देले ल्‍हाक ङा मेताराङ, खेक्‍या जीक्‍नाङ धाङ घुस्‍यापगी थोक्‍ने, राङगी थारपागी क्षीला काल्‍ले ग्‍योप।

तीतोस 2:14

धेनी होरी धीक्‍पा घीरीने थारपा ॱनाङयेला धाङ होराङला चाङमा शो़री, खोङबा खोराङगी क्षीला मीरीक जेयेला धाङ लेगा ढाङपो झ्‍यीयेला खेलेन झ्‍यीगीन झ्‍युङयेला, मास्‍यीकागी राङगी कुसोक होरी क्षीला ॱलो़ तावालाक।

ॱङो़न्‍पा 3:19

ङी झाम्‍पा झ्‍यीगीनक्‍याला, ङा आङजी ताङाहीन धेनी ची़न्‍दाहीन। होझ्‍येरी ढाङपो झ्‍युरी राङगी धीक्‍पा पारी, सेम ग्‍युरवा तोङ।