गालातीयापा 4:17 - ॱलोवा

¹⁷ शोक्‍पो ॱलापच्‍या ॱलाप्‍कीनक्‍याई, खेक्‍याला खोरी स्‍योकला ॱयो़ये ॱमीच्‍यीकी थापस्‍यी तो़न्‍दी, हीना खुङक्‍याई ॱमीक्‍यु घा मीदुक। धेनी खीकी खुङक्‍याला ॱमीच्‍यीकी चीलास्‍योक ॱनेरी, खुङक्‍याई खेक्‍याला हेक्‍याने खा टाये झ्‍यीदालाक।

गालातीयापा 4:17 Iomraidhean Croise

मेथा 23:15

“खे शोक्‍पो क्षो़ठीमगी ॱलोपो़न धाङ फारुसीपाक्‍याला दुक्‍ङा क्षे हुङास्‍योक। घीझ्‍येरी ॱनाना खेक्‍या मी च्‍यीकला याहुदापा क्षो़ला ग्‍युरतु च्‍युक्‍येला, ग्‍याछो धाङ काम्‍साक्‍याला कोरा ग्‍यालाक। धेनी मी दे याहुदापा क्षो़ला ग्‍युरसाना, खेक्‍या खोला राङने दाप ॱङीने ल्‍हाक ॱङ्यावागी भु शोवालाक।

रोमापा 10:2

घीझ्‍येरी ॱनाना खुङक्‍या को़न्‍क्षोकला ॱमीच्‍यीकी सेमस्‍युक क्षे दुक हीना दे स्‍येयो़नला तेन्‍दी मीदुक ॱनेरी, ङा धेन्‍पाङ झ्‍यीदाहीन।

रोमापा 16:18

घीझ्‍येरी ॱनाना देरे मीक्‍याई होरी चोवो मास्‍यीकागी क्षीदु श्‍याप्‍ची पुला मेन्‍दा, हीना राङगी फोवा क्षीदु झ्‍यीदालाक। धेनी देरेक्‍याई खा जेवा धाङ पेले स्‍येदी, मी क्‍युमाक्‍याई सेमक्‍या ॱली़लालाक।

१ कोरीन्‍थुपा 11:2

दो़न घीरीला खेक्‍याई ङाला ढेन्‍दी धेनी ङी खेक्‍याला तेरता ॱलापच्‍याक्‍या खेक्‍याई ॱरुङगीनला, ङा खेक्‍याई तो़टा ताङाहीन।

१ कोरीन्‍थुपा 4:18

ङा खेक्‍याचारु मेयोङगीलाक ॱनेरी साम्‍दी, खेक्‍याने रीङगा राङडा क्षे झ्‍युदुक।

१ कोरीन्‍थुपा 4:8

खेक्‍याला घो़गीन घीरी थोप्‍साले? खेक्‍या धा क्षुक्‍पु झ्‍युसाले? हेक्‍या मेना, खेक्‍या ग्‍यावु झ्‍युसाले? खेक्‍या ॱङोन्‍ने ग्‍यावु झ्‍युहो़ना ढीक्‍येहो़क धेनी हेक्‍याला खीकीमुला वाङ झ्‍यीये राक हो़टु।

२ कोरीन्‍थुपा 11:3

हीना डुगी राङगी च्‍याङग्‍यु थोक्‍ने हाव्‍वाला ॱली़गीन च्‍योक्‍रे, मास्‍यीकागी क्षीदु खेक्‍याई सेम ढाङपो धाङ चाङमे थोक्‍ने दाम्‍छीक हो़गीनगोने, खेक्‍याई साम्‍लोक्‍या ॱली़टोङ ॱनेरी, ङा जीई।

गालातीयापा 4:16

ङी खेक्‍याला धेन्‍पा स्‍येदी, धा धान्‍दा ङा खीकी डाला ग्‍युरजे?

गालातीयापा 4:18

दो़न शाङपो क्षीला दो़पा क्षे झ्‍यीना घा लाक हीना ङा खीकीमुला हो़ती घाङला च्‍यीगा मालाक।

फीलीप्‍पीपा 2:21

मी श्‍येम्‍माक्‍या नी येशु मास्‍यीकागी दो़नला मेन्‍दा, राङगी दो़न्‍दाक च्‍यीगा चाली।

२ पेटो 2:18

देक्‍याई दो़न मेगीन धाङ ङागेलगी तामक्‍या स्‍येये धेनी ङेन्‍पे मीछे पी़गीनक्‍याने, धान्‍दाका थारती होवा मीक्‍याला, ली़गी दो़छाकक्‍याई गोने ॱली़लालाक।

२ पेटो 2:3

धेनी खुङक्‍याई ॱहाम्‍बा झ्‍येरी, खेक्‍याला शोक्‍पो तामक्‍या चोम्‍दी गोकोर ताङगीलाक। खुङक्‍याला फोक्‍ये हीन्‍गीन ठीमगो, एम्‍माने थाक्‍चो़सा हो़तालाक धेनी खुङक्‍याला मेताला ताङगीनगो, ॱङीला ॱमास्‍योर हो़तालाक।