गालातीयापा 3:9 - ॱलोवा

⁹ होझ्‍येरी धेपा झ्‍यीगीन मीक्‍या घीरीला, धेपागी मी आब्‍राहाममुला राङ झ्‍यीलाप थोप्‍पालाक।

गालातीयापा 3:9 Iomraidhean Croise

रोमापा 4:11

आब्‍राहामगी पाउ चेगीन ताक माग्‍याप घाङलाराङ, खोङगी धेपागी झ्‍येरी ढाङपो चीचागी ताकगी क्षीदु, खोङला पाउ चेगीन ताक दे थोप्‍पालाक। दी ॱमीक्‍यु नी, पाउ चेदी ताक माग्‍यापक्‍या हीना धेपा झ्‍यीगीन घीरीगी यापगो, खोङला को़येगी क्षीदु लाक। धेनी खुङक्‍याला धेपागी झ्‍येरी ढाङपो चीगीलाक।

रोमापा 4:16

होझ्‍येरी धाम्‍चागो थुक्‍जेला तेन्‍ती धेनी आब्‍राहामगी भुग्‍यु घीरीला गेन्‍लेन झ्‍युङयेगी क्षीदु, धेपागी खाला रा ली़दालाक। दे धाम्‍चा दे नी, क्षो़ठीम ॱरुङगीनक्‍याई क्षीदु च्‍यीगा मेन्‍दा, आब्‍राहामगी धेपा च्‍योक्‍रे हो़गीनक्‍याई क्षीदुवाः लाक। घीझ्‍येरी ॱनाना खोङ नी होराङ घीरीगी याप लाक।

रोमापा 4:24

हीना होरी क्षीदुवाः ढीक्‍पालाक। होरी चोवो येशुला छीवाने कुसो़न्‍पो श्‍याङा जेगीन, को़न्‍क्षोकला धेपा झ्‍यीगीन होराङक्‍याला को़न्‍क्षोकगी ढाङपो चीगीलाक।

गालातीयापा 3:14

आब्‍राहामला ॱनाङना झ्‍यीलापगो मास्‍यीकागी थोक्‍ने, याहुदापा मेन्‍गीन मीरीकक्‍याला थोबास्‍योक धेनी धेपागी थोक्‍ने होराङला धाम्‍चा जेजा धाम्‍पे थुक्‍ङीगो थोबास्‍योक ॱनेरी, मास्‍यीका येशुगी होराङला ॱली़री थारपा जेपालाक।

गालातीयापा 3:29

धा खेक्‍या मास्‍यीकागी हीन्‍ना, खेक्‍या आब्‍राहामगी भुग्‍यु लाक धेनी को़न्‍क्षोकगी धाम्‍चाला थी़न्‍गीन ग्‍युज्‍यीनक्‍या लाक।

गालातीयापा 4:28

धा पी़नक्‍याओ, खेक्‍या को़न्‍क्षोकगी धाम्‍चागी गोने केक्‍या, ईसाक च्‍योक्‍रे टुवा लाक।