गालातीयापा 3:28 - ॱलोवा

²⁸ धा देने ॱहाला खेक्‍या याहुदापा धाङ गीरीक, ढेन्‍योक धाङ राङवाङ हो़गीन धेनी फो धाङ मो ॱनेरी ॱयेवा मेन्‍दा, मास्‍यीका येशुगी थोक्‍ने घीरी च्‍यीक्‍पा लाक।

गालातीयापा 3:28 Iomraidhean Croise

योहान्‍ना 10:16

लुक्‍रा दी मेन्‍गीन, ङी लुक श्‍येम्‍माक्‍या हो़तालाक। ङी देक्‍यालाः ठीक घो़गुलाक धेनी देक्‍याई ङी केक ङेन्‍गीलाक। धेनी खुङक्‍या लुकख्‍यु च्‍यीकगी झीउ च्‍यीक झ्‍युङगीलाक।

योहान्‍ना 11:52

धेनी याहुदापे मीरीक क्षीला च्‍यीगा मेन्‍दा थोरती धेता, को़न्‍क्षोकगी से धाङ सेमोक्‍या च्‍यीकदु धी़येगी क्षीला स्‍येपालाक।

योहान्‍ना 17:11

“धेनी धान्‍दा ङा जीक्‍तेन नाङला मेक हीना खुङक्‍या जीक्‍तेन नाङला हो़तालाक। ङा नी खेराङगी डुङदु च्‍याराहीन। धाम्‍पे याप, खेराङगी ङाला ॱनाङना मीक्‍या होराङ ॱङीउ च्‍यीक हीन्‍गीन च्‍योक्‍रे खुङक्‍या च्‍यीक झ्‍युङयेला, खेराङगी छेन थोक्‍ने खुङक्‍याला ॱरुङा जे।

रोमापा 1:16

ङा नी ताम्‍शाङगी क्षीदु ङोजा मीझ्‍यीहो़क घीझ्‍येरी ॱनाना ताम्‍शाङ दे नी, धेपा झ्‍यीगीन घीरीगी थारपागी क्षीदु को़न्‍क्षोकगी नी़थु लाक। धाङपो याहुदापा धेनी याहुदापा मेन्‍गीनक्‍याई थारपागी क्षीदु लाक।

रोमापा 3:22

धेनी को़न्‍क्षोकगी डुङदु होराङ ढाङपो झ्‍युङये दे, येशु मास्‍यीका खाला होरी धेपागी थोक्‍ने झ्‍युङालाक। धेनी दे नी, धेपा झ्‍यीगीन घीरीला ॱयेवा मेजेदा ॱनाङालाक।

रोमापा 8:1

होझ्‍येरी धा, मास्‍यीका येशुगी नाङ ॱनेगीनक्‍याला छेपा फोक्‍ये मेतालाक।

रोमापा 9:24

धेनी होराङक्‍यालाः भो़ जेपालाक। धेनी याहुदापाक्‍याला च्‍यीगा मेन्‍दा याहुदापा मेन्‍गीनक्‍यालाः भो़ जेपालाक।

१ कोरीन्‍थुपा 7:14

घीझ्‍येरी ॱनाना धेपा मीझ्‍यीगीन ख्‍योवा नी, राङगी केमी थोक्‍ने धाम्‍पा झ्‍युङालाक धेनी धेपा मीझ्‍यीगीन केमी नी, राङगी ख्‍योवा थोक्‍ने धाम्‍पा हुङालाक। देरे मेन्‍ना खुङक्‍याई टुवाक्‍या ॱमेचाङा झ्‍युङयेहो़क हीना धान्‍दा खुङक्‍या धाम्‍पा झ्‍युवालाक।

१ कोरीन्‍थुपा 7:19

पाउ चेदी ताक ग्‍याप्‍ना घीया मालाक धेनी पाउ चेगीन ताक मेग्‍याप्‍नाः घीया मालाक। को़न्‍क्षोकगी का ॱरुङयेगो चाक्षे लाक।

गालातीयापा 3:14

आब्‍राहामला ॱनाङना झ्‍यीलापगो मास्‍यीकागी थोक्‍ने, याहुदापा मेन्‍गीन मीरीकक्‍याला थोबास्‍योक धेनी धेपागी थोक्‍ने होराङला धाम्‍चा जेजा धाम्‍पे थुक्‍ङीगो थोबास्‍योक ॱनेरी, मास्‍यीका येशुगी होराङला ॱली़री थारपा जेपालाक।

गालातीयापा 3:26

घीझ्‍येरी ॱनाना मास्‍यीका येशुला धेपा झ्‍येरी, खेक्‍या घीरी को़न्‍क्षोकगी से धाङ सेमो लाक।

गालातीयापा 4:14

धेनी ङा थाङा मेगीनगो खीकी क्षीला छो़ता झ्‍युरीयाः, खीकी ङाला ॱनाम्‍दोक याङना थोङच्‍युङ माझ्‍येजुङ हीना को़न्‍क्षोकगी भाङछेन धाङ येशु मास्‍यीका हीन्‍गीन च्‍योक्‍रे, ङालाः खेलेन झ्‍येजुङ।

गालातीयापा 5:24

धेनी मास्‍यीका येशुगी हीन्‍गीनक्‍याई, खोरी धीक्‍चेन राङश्‍यीगो दो़क्षाक धाङ दो़पाक्‍यामुला ग्‍याङस्‍यीङदु क्‍याङदी सेपालाक।

गालातीयापा 5:6

घीझ्‍येरी ॱनाना मास्‍यीका येशुगी दोङदु पाउ चेगीन ॱरो चीगीन हीन्‍ना लाक, ॱमीचीगीन हीन्‍ना घीया फेन मेतालाक हीना झाम्‍पागी थोक्‍ने लेगा झ्‍यीगीन धेपा च्‍यीगा फेन थोक्‍वालाक।

एफीसुपा 1:1

को़न्‍क्षोकगी थुकोङ थोक्‍ने, मास्‍यीका येशुगी कुछाप ङा पाउलुने, येशु मास्‍यीकाला धेपा झ्‍यीगीन एफीसु ग्‍याजारु हो़गीन धाम्‍पे मीक्‍याला;

एफीसुपा 4:4

को़न्‍क्षोकगी खेक्‍याला भो़ली घाङला, रेवा च्‍यीकला भो़पा च्‍योक्‍रे ली़ च्‍यीक धाङ थुक्‍ङी च्‍यीक,

फीलीप्‍पीपा 1:1

मास्‍यीका येशुगी ढेन्‍योक, पाउलु धाङ तीमोथेउने फीलीप्‍पीरु हो़गीन, मास्‍यीका येशुगी नाङ धाम्‍पे मीक्‍या धाङ क्षो़छोकगी तातोक्‍पाक्‍या धाङ श्‍याप्‍तोक्‍पाक्‍यामुला घीरीला,

कोलोसेपा 1:4

घीझ्‍येरी ॱनाना मास्‍यीका येशुगी खाला, खीकी धेपा धाङ धाम्‍पे मीक्‍या घीरीला खीकी चेवागी कोरला हीकी घोरहो़क।

कोलोसेपा 3:11

दुरु गीरीक धाङ याहुदापा धेनी पाउ चेचा धाङ ॱमाचेचा धेनी क्षीग्‍या धाङ यारके मेगीन धेनी ढेन्‍योक धाङ राङवाङगी मी ॱनेरी, ॱयेवा मेतालाक हीना मास्‍यीका नी, घीरी लाक धेनी घीरीगी नाङ श्‍युक हो़तालाक।

१ तीमोथेउ 1:12

ङाला स्‍युक ॱनाङगीन, होरी चोवो मास्‍यीका येशुला ङा थुक्‍चीछे पुलाहीन। घीझ्‍येरी ॱनाना एम्‍मा, ङा को़न्‍क्षोकला कुरवा धेप्‍कीन च्‍यीक धाङ दुक्‍जोङ ताङगीन धाङ मी चुपो च्‍यीक झ्‍येरीयाः, खोङबागी श्‍याप्‍चीला ङाला को़ जेदी, खोङबागी ङाला ॱलोते जेसोङ।

२ तीमोथेउ 1:1

मास्‍यीका येशुगी नाङ हो़गीन छेगी धाम्‍चा च्‍योक्‍रे, को़न्‍क्षोकगी थुकोङ थोक्‍ने, मास्‍यीका येशुगी कुछाप ङा पाउलुने,