गालातीयापा 3:22 - ॱलोवा

²² हीना मी घीरी धीक्‍पागी होकला ॱनेम हो़तालाक, ॱनेरी सुङरापगी ॱनालाक होझ्‍येरी को़न्‍क्षोकगी धाम्‍चा दे, येशु मास्‍यीकाला धेपा झ्‍यीगीनक्‍याला थोप्‍कीलाक।

गालातीयापा 3:22 Iomraidhean Croise

मारकु 16:16

धेपा झ्‍येरी, ठी़सो़ लेन्‍गीन घीरीला थारपा थोप्‍कीलाक हीना धेपा मीझ्‍यीगीनक्‍याला छेपा फोक्‍कीलाक।

योहान्‍ना 12:46

ङाला धेपा झ्‍यीगीनक्‍या मी़नाकगी नाङदु ॱमीली़येला, ङा हो़ झ्‍युरी जीक्‍तेनदु होवाहीन।

योहान्‍ना 20:31

हीना येशु, मास्‍यीका धाङ को़न्‍क्षोकगी सेगो लाक धेनी खोङबाला धेपा झ्‍येरी, खोङबागी छेनने खेक्‍याला थामेपे छेसोक थोप्‍कीलाक ॱनेरी खीकी धेपा झ्‍यीयेला, ङी देक्‍या ढीक हो़क।

योहान्‍ना 3:36

सेला धेपा झ्‍यीगीनला थामेपे छेसोक थोबालाक। सेला धेपा मीझ्‍यीगीनगी़ छे ॱमेथोङगीलाक हीना को़न्‍क्षोकगी थुक्‍ठो़, खी़ खाला ॱनेदी धेतालाक।

योहान्‍ना 5:24

“ङा खेक्‍याला धेन्‍पा धेनक्‍याङ ॱनाहीन, ङी का ङेन्‍गीन धाङ ङाला ॱङाक्‍कीनगोला धेपा झ्‍यीगीनला, थामेपे छेसोक थोप हो़तालाक। खोला ङेपा ॱमेफोक्‍कीलाक हीना छीवाने छेगी नाङदु थार हो़तालाक।

योहान्‍ना 6:40

घीझ्‍येरी ॱनाना ङी यापगी थुकोङ नी, सेला ज्‍यारी धेपा झ्‍यीगीनला थामेपे छेसोक थोप्‍घोगुलाक धेनी थामे ङीमागोला ङा खोला सो़न्‍पो ॱलाङयेहीन।”

जेपा 16:31

खुङक्‍याई ॱनेवालाक, “चोवो येशुला धेपा झ्‍यी धेनी ख्‍यो़ला थारपा थोप्‍कीलाक। दे ख्‍यो़ धाङ ख्‍यी़ नाङमी घीरीगी क्षीला थारपालाक।”

रोमापा 10:9

खेक्‍याई राङगी खागी “येशु नी चोवो लाक” ॱनेरी ॱनाना धेनी को़न्‍क्षोकगी खोङला छीवाने ॱलार सो़न्‍पो जेपालाक ॱनेरी, धेपा झ्‍यीना खेक्‍याला थारपा थोप्‍कीलाक।

रोमापा 11:32

घीझ्‍येरी ॱनाना मी घीरीला थुक्‍जे ॱनाङयेगी क्षीला, को़न्‍क्षोकगी घीरीला काला मेङेन्‍गीन चो़न्‍पा च्‍योक्‍रेराङ श्‍याक जेपालाक।

रोमापा 3:22

धेनी को़न्‍क्षोकगी डुङदु होराङ ढाङपो झ्‍युङये दे, येशु मास्‍यीका खाला होरी धेपागी थोक्‍ने झ्‍युङालाक। धेनी दे नी, धेपा झ्‍यीगीन घीरीला ॱयेवा मेजेदा ॱनाङालाक।

रोमापा 3:23

घीझ्‍येरी ॱनाना मी घीरीगी धीक्‍पा झ्‍ये हो़तालाक धेनी को़न्‍क्षोकगी शीजेने ग्‍याङ रीङदु शो़ हो़तालाक।

रोमापा 5:12

होझ्‍येरी मी च्‍यीकगी थोक्‍ने, जीक्‍तेनदु धीक्‍पा झ्‍युवालाक धेनी धीक्‍पाने छीवा झ्‍युवालाक। धेनी मी घीरीगी धीक्‍पा झ्‍येजा झ्‍येरी, मी घीरीगी खाला छीवा झ्‍युवालाक।

गालातीयापा 3:14

आब्‍राहामला ॱनाङना झ्‍यीलापगो मास्‍यीकागी थोक्‍ने, याहुदापा मेन्‍गीन मीरीकक्‍याला थोबास्‍योक धेनी धेपागी थोक्‍ने होराङला धाम्‍चा जेजा धाम्‍पे थुक्‍ङीगो थोबास्‍योक ॱनेरी, मास्‍यीका येशुगी होराङला ॱली़री थारपा जेपालाक।

गालातीयापा 3:17

ङी ॱनागीन लाबगी दो़न्‍दाकगो दे लाक, लो श्‍यीपग्‍या सुमच्‍यु स्‍याम्‍ला होवा क्षो़ठीम दी, को़न्‍क्षोकगी थाक चेगीन धाम्‍चा देला मेताला डोगीन झ्‍येरी स्‍यीक ॱमीथुक्‍कीलाक।

गालातीयापा 3:23

हीना धेपा माडुप्‍कीन एन्‍ला, होराङ क्षो़ठीमगी होकला छी़ हो़तालाक धेनी धेपा ॱङो़न्‍सुमदु माग्‍युरकीन थुक्‍पे, होराङ ॱनेम्‍दी धे हो़तालाक।

गालातीयापा 3:29

धा खेक्‍या मास्‍यीकागी हीन्‍ना, खेक्‍या आब्‍राहामगी भुग्‍यु लाक धेनी को़न्‍क्षोकगी धाम्‍चाला थी़न्‍गीन ग्‍युज्‍यीनक्‍या लाक।

२ तीमोथेउ 1:1

मास्‍यीका येशुगी नाङ हो़गीन छेगी धाम्‍चा च्‍योक्‍रे, को़न्‍क्षोकगी थुकोङ थोक्‍ने, मास्‍यीका येशुगी कुछाप ङा पाउलुने,

ईब्‍रीपा 9:15

को़न्‍क्षोकगी खुङक्‍याला उ ॱना श्‍येस्‍या थामेपे ग्‍युज्‍यीनगो, भो़पा घीरीला थोप्‍येगी क्षीदु, खोङबा नी को़न्‍क्षोक धाङ मीगी घुङदु धाम्‍चा साबागी भारमी जेगीनगो लाक। होदे धाम्‍चा धाङपोगी धी़ला मीक्‍याई झ्‍येजा धीक्‍पाक्‍याई छेपाने, खुङक्‍याला थारपा ॱनाङयेला मास्‍यीका ढोङवा जेपालाक।

२ पेटो 1:4

धेनी खोङबागी शीजे धाङ थुक शाङपोगी गोने, होराङला खोङगी धाम्‍चा खाक्‍क्षेक्‍या धाङ चाछेक्‍या ॱनाङ हो़तालाक। देक्‍या गोने दो़पा ङेन्‍पाक्‍याई झ्‍येरी, जीक्‍तेन नाङ हो़गीन ङेन्‍पाक्‍याने थारती, खेक्‍या को़न्‍क्षोकगी ॱलानामेपे राङश्‍यीला थेये राक हो़तालाक।

२ पेटो 3:13

हीना खोङबागी धाम्‍चाला तेन्‍ती, ढाङतेन ॱनेसा नाम्‍खे श्‍यीङखाम साबा धाङ साश्‍यी साबाला, होराङक्‍या घुक्‍ती धेतालाक।

१ योहान्‍ना 2:25

धेनी खोङगी होराङला ॱनाङना धाम्‍चागो नी, थामेपे छेसोक लाक।