गालातीयापा 3:2 - ॱलोवा

² ङा खेक्‍याला लाब दे च्‍यीगा ढीलाहीन, खेक्‍याला क्षो़ठीमगी लेगाने धाम्‍पे थुक्‍ङी थोप्‍जो याङमेना ताम्‍शाङ घोरती धेपा झ्‍येरी थोप्‍जो?

गालातीयापा 3:2 Iomraidhean Croise

जेपा 15:8

धेनी होराङ घीरीगी सेम नाङगी घीरी खेन जेगीन को़न्‍क्षोकगीराङ, याहुदापा मेन्‍गीन मीरीकक्‍याला होराङला च्‍योक्‍रे धाम्‍पे थुक्‍ङी ॱनाङदी, खुङक्‍यालाः दाम्‍बालाक ॱनेरी पाङपो तो़न जेपालाक।

जेपा 2:38

धेनी पेटोगी ॱनेवालाक, “खेराङक्‍या घीरीगी राङगी धीक्‍पा पारी सेम ग्‍युरवा तोङ धेनी येशु मास्‍यीकागी छेनने ठी़सो़ श्‍यी़। धेनी खेराङक्‍याई धीक्‍पाने घोयाङ थोप्‍कीलाक धेनी को़न्‍क्षोकगी धाम्‍पे थुक्‍ङीगी ॱङेन्‍बा राक्‍कीलाक।

जेपा 8:15

खोङ ॱङीउ होदुरु ॱलेप्‍ती, दे मीक्‍याला धाम्‍पे थुक्‍ङी जोरास्‍योक ॱनेरी, ॱमो़लाम ग्‍याप्‍पालाक।

रोमापा 1:17

धेनी को़न्‍क्षोकने झ्‍युङगीन ढाङतेन नी, ताम्‍शाङला ॱङो़न्‍पालाक। दे ढाङतेन नी, धेपागी गोने धेपागी था थुक्‍पे डुपालाक। दी कोरला सुङरापला देरे ढीक हो़तालाक, “मी ढाङपो नी, धेपागी गोने सो़न्‍पो ॱनेगीलाक।”

१ कोरीन्‍थुपा 9:21

क्षो़ठीम मेगीनक्‍याई सेम क्‍योप्‍येगी क्षीदु, ङा क्षो़ठीम मेगीनक्‍यामुला क्षो़ठीम मेगीन च्‍योक्‍रे झ्‍युवी। हीना ङा ङाराङ को़न्‍क्षोकगी क्षो़ठीमने डारी मेन्‍दा, ङा मास्‍यीकागी ठीम होकला धे हो़तालाक।

२ कोरीन्‍थुपा 11:4

घीझ्‍येरी ॱनाना मी रीङगा होरी हीकी सेटाक झ्‍येजा, येशु मेन्‍दा श्‍येम्‍मा च्‍यीक सेटाक झ्‍यीना याङना खेक्‍याई थोप्‍था थुक्‍ङी मेन्‍दा, सेम्‍ङी श्‍येम्‍मा खेक्‍याई खेलेन्‍ना याङना खेक्‍याला थोप्‍था ताम्‍शाङने श्‍येम्‍मा ताम्‍शाङ खेक्‍याई खेलेन्‍ना, खेक्‍या दे घीरीगी होकला लेल्‍हामोमा छी़दालाक।

गालातीयापा 3:14

आब्‍राहामला ॱनाङना झ्‍यीलापगो मास्‍यीकागी थोक्‍ने, याहुदापा मेन्‍गीन मीरीकक्‍याला थोबास्‍योक धेनी धेपागी थोक्‍ने होराङला धाम्‍चा जेजा धाम्‍पे थुक्‍ङीगो थोबास्‍योक ॱनेरी, मास्‍यीका येशुगी होराङला ॱली़री थारपा जेपालाक।

गालातीयापा 3:3

खेक्‍या धाम्‍पे थुक्‍ङीने गो चुक्‍ती, धा धान्‍दा खेरी स्‍युकगी थाक्‍चेये झ्‍यीदी, खेक्‍या हुरे ॱलेन्‍दा ले?

गालातीयापा 3:5

खेक्‍याला धाम्‍पे थुक्‍ङी ॱनारी, खेक्‍या खोक्‍दु ॱहाङसागीन लेगाक्‍या जेगीन को़न्‍क्षोकगी, दे लेगा घीरी खीकी क्षो़ठीमगी लेगा गोने ले याङमेना ताम्‍शाङ ङेन्‍दी, धेपा झ्‍येरी ले?

ईब्‍रीपा 2:4

धेनी को़न्‍क्षोकगीयाः ताकक्‍या धाङ ॱहाङसागीन क्षाक्‍लेक्‍या धाङ नी़थु ॱनाछोकगी क्षाक्‍लेक्‍या धाङ राङगी थुकोङला तेन्‍ती टामा जेजा, धाम्‍पे थुक्‍ङीगी ॱनाङज्‍यीनक्‍याई थोक्‍ने होदेगी धेन्‍पाङ जेपालाक।

ईब्‍रीपा 4:2

घीझ्‍येरी ॱनाना खुङक्‍याला च्‍योक्‍रे, हेक्‍यालाः ताम्‍शाङगो सेटाक झ्‍येवालाक। हीना ङेन्‍गीनक्‍याई धेपागी थोक्‍ने, होदे ताम्‍शाङगो खेमालेम्‍बाला खुङक्‍याला घीया फेन्‍थोक माझ्‍युवालाक।

ईब्‍रीपा 6:4

घीझ्‍येरी ॱनाना थेङ च्‍यीक को़न्‍क्षोकगी हो़ थोप्‍सासा धाङ नाम्‍खे श्‍यीङखामगी ॱनाङज्‍यीनगो, ङ्यामङ्युङ झ्‍येसासाक्‍या धाङ धाम्‍पे थुक्‍ङीगी कादा जोरसासाक्‍या,

१ पेटो 1:12

धेनी राङला मेन्‍दा खेक्‍याई श्‍याप्‍ची श्‍युगीनगो, ॱङो़नस्‍येखेनक्‍याला ॱङो़न्‍पालाक। धेनी धान्‍दा नाम्‍खे श्‍यीङखामने ॱङाक्‍ङा धाम्‍पे थुक्‍ङीगी वाङगी गोने क्षो़ सुङगीनक्‍याई, खेक्‍याला ताम्‍शाङ दे स्‍ये हो़तालाक। धेनी नाम्‍खे भाङछेनक्‍यागीयाः दो़न देक्‍या स्‍येङी दो़दालाक।