गालातीयापा 3:18 - ॱलोवा

¹⁸ घीझ्‍येरी ॱनाना ग्‍युज्‍यीन दे, क्षो़ठीमने थोप्‍ये हीन्‍ना धाम्‍चाने थोप्‍येगी लाबराङ मेयोङगीलाक हीना को़न्‍क्षोकगी आब्‍राहामला दे धाम्‍चाने राङ थुक्‍जे जेपालाक।

गालातीयापा 3:18 Iomraidhean Croise

रोमापा 8:17

धेनी होराङ से धाङ सेमो हीन्‍ना, होराङ ग्‍युज्‍यीनगोवाः लाक। होराङ को़न्‍क्षोकगी ग्‍युज्‍यीन धाङ मास्‍यीकामुला ग्‍युज्‍यीनगी रोवा लाक। धेनी होराङ मास्‍यीकामुला दुक्‍पु ङ्याङना, खोङगी शीजेगोवाः मुला घो़ये राक्‍कीलाक।

गालातीयापा 2:21

को़न्‍क्षोकगी थुक्‍जेला, ङा ङोग्‍येल मीझ्‍यी घीझ्‍येरी ॱनाना क्षो़ठीमगी थोक्‍ने ढाङपो ग्‍युरये हीन्‍ना, मास्‍यीका दो़न मेताला ढोवालाक।

गालातीयापा 3:10

क्षो़ठीमगी लेगाक्‍याला तेन्‍गीनक्‍या छेपागी होकला धेतालाक घीझ्‍येरी ॱनाना सुङरापला देरे ढीक हो़तालाक, “क्षो़ठीमगी धेपला ढीक्‍टा घीरी चीरी ॱमेनेगीनक्‍याला छेपा फोवालाक।”

गालातीयापा 3:12

हीना क्षो़ठीम दे धेपाला ॱमेतेन्‍दालाक। घीहीन्‍ना “होदे चीगीनक्‍या क्षो़ठीमगी थोक्‍नेराङ छोवा क्‍यागीलाक।”

गालातीयापा 3:16

धाम्‍चाक्‍या आब्‍राहाम धाङ खी़ भुग्‍युला ॱनावालाक। सुङराप नाङदु “भुग्‍युक्‍याला” ॱनेरी, से माङागी कोरला ॱमेनालाक हीना “ख्‍यी़ भु” ॱनेरी, से च्‍यीकगी कोरला ॱनालाक धेनी से दे मास्‍यीका लाक।

गालातीयापा 3:26

घीझ्‍येरी ॱनाना मास्‍यीका येशुला धेपा झ्‍येरी, खेक्‍या घीरी को़न्‍क्षोकगी से धाङ सेमो लाक।

गालातीयापा 3:29

धा खेक्‍या मास्‍यीकागी हीन्‍ना, खेक्‍या आब्‍राहामगी भुग्‍यु लाक धेनी को़न्‍क्षोकगी धाम्‍चाला थी़न्‍गीन ग्‍युज्‍यीनक्‍या लाक।