गालातीयापा 3:17 - ॱलोवा

¹⁷ ङी ॱनागीन लाबगी दो़न्‍दाकगो दे लाक, लो श्‍यीपग्‍या सुमच्‍यु स्‍याम्‍ला होवा क्षो़ठीम दी, को़न्‍क्षोकगी थाक चेगीन धाम्‍चा देला मेताला डोगीन झ्‍येरी स्‍यीक ॱमीथुक्‍कीलाक।

गालातीयापा 3:17 Iomraidhean Croise

योहान्‍ना 1:17

घीझ्‍येरी ॱनाना काठीमगो मोशेगी थोक्‍ने ॱनावालाक हीना थुक्‍जे धाङ धेन्‍पागो, येशु मास्‍यीका थोक्‍ने झ्‍युवालाक।

जेपा 7:6

को़न्‍क्षोकगी आब्‍राहामला देरे सुवालाक, ‘ख्‍यी़ ग्‍युपाक्‍या यु ङो ॱमेस्‍येगीन च्‍यीकदु धे घोगीलाक। धेनी होदे युगी मीक्‍याई, खुङक्‍याला ढेन्‍योक शोगीलाक धेनी लो श्‍यीपग्‍या थुक्‍पे, ॱमीच्‍यीकी दुक्‍पु तेरकीलाक।

रोमापा 3:25

धेनी खोङ मास्‍यीकागी कुठाक ॱली़री, धीक्‍पा सेल्‍येगी ॱमारछो़ झ्‍युङयेला, को़न्‍क्षोकगी खोङला पुवालाक। दे नी धेपा झ्‍येरी च्‍यीगा थोप्‍कीलाक। धेनी दे को़न्‍क्षोकगी राङगी ढाङतेन ॱङो़न्‍येगी क्षीदु जेपालाक घीझ्‍येरी ॱनाना एम्‍मा को़न्‍क्षोकगी शो़पा जेदी, मीक्‍याई झ्‍येजा धीक्‍पाक्‍याला छेपा का माजेपालाक।

रोमापा 3:3

खुङक्‍याने रीङगागी को़न्‍क्षोकगी काला धेपा मीझ्‍यीनाः, घी हो़तालाक से? खुङक्‍याई धेपा मीझ्‍यीगीनगी झ्‍येरी, को़न्‍क्षोकगीयाः राङगी ॱलोते चामेदु जेगीले?

१ कोरीन्‍थुपा 1:12

ङी ॱनागीनगो घी लाक ॱनाना, खेक्‍याने रीङगागी “ङा पाउलुगी हीन” धेनी रीङगागी “ङा आपोल्‍लोसगी हीन” धेनी रीङगागी “ङा केफासगी हीन” धेनी रीङगागी “ङा मास्‍यीकागी हीन” ॱनेरी ॱनी।

१ कोरीन्‍थुपा 1:17

घीझ्‍येरी ॱनाना मास्‍यीकागी ङाला ठी़सो़ तेरतु मेन्‍दा, ताम्‍शाङ स्‍येयेगी क्षीदु ॱङाक जेपालाक। धेनी दे नी, जीक्‍तेन्‍पा स्‍येरापगी तामक्‍याने मालाक। देरे हीन्‍ना मास्‍यीकागी ग्‍याङस्‍यीङला कु ढोङगीनगो दो़न्‍मेदु डोये हो़क।

१ कोरीन्‍थुपा 10:19

धा ॱहाना ङी ॱनागीनगी दो़नगो, कुन्‍डाला पुपा क्षो़पा दे शामाने ल्‍हाक याङना कुन्‍डा खोराङ ॱङोन्‍ने लाक ॱनेरी, ॱनालाक से?

१ कोरीन्‍थुपा 7:29

पी़नक्‍याओ, ङी ॱनागीनगी दो़न्‍दाकगो दे लाक। धी़चो़ तुङा दुक। धा देने ॱहाला केमी हो़गीनक्‍या केमी मेगीन च्‍योक्‍रे, झ्‍येरी मीछे क्‍याघो़।

२ कोरीन्‍थुपा 1:20

घीझ्‍येरी ॱनाना को़न्‍क्षोकगी धाम्‍चा घीरी, खोङबागी नाङ डुप्‍पालाक। होझ्‍येरी को़न्‍क्षोकगी शीजेगी क्षीदु, खोङगी थोक्‍ने होराङ “आमेन” ॱनालाक।

२ कोरीन्‍थुपा 9:6

ङी ॱनागीनगी दो़न नी दे लाक, साङा ङ्युङा ताप्‍कीनगी लोदोक ङ्युङा दुवालाक धेनी साङा माङा ताप्‍कीनगी लोदोक माङा दुवालाक।

गालातीयापा 3:15

पी़नक्‍याओ, श्‍याक्‍मो डाङी मीछेला तेरी पे च्‍यीक क्षा श्‍याक्‍ना, मीगी थेचे ग्‍याप्‍सागीन खाछेमला सी़या सुप ॱमीथुक्‍कीलाक धेनी होदेला ॱनो़न्‍गा ग्‍याप ॱमीथुक्‍कीलाक।

गालातीयापा 3:21

धा हाना, को़न्‍क्षोकगी धाम्‍चाक्‍याला क्षो़ठीमगी ग्‍याप्‍केल झ्‍यीदाले? देरे फुक्‍की मालाक। छे ॱनाङ थुप्‍कीन क्षो़ठीम तेर हो़ना, क्षो़ठीमने राङ ढाङतेनला ग्‍युरये हो़क।

गालातीयापा 5:16

हीना ङा ॱनाहीन, धाम्‍पे थुक्‍ङीने मीछे क्‍यो धेनी ख्‍यी़ खेरी ली़गी दो़पाक्‍या डुप्‍तु च्‍युक्‍कीमालाक।

गालातीयापा 5:4

खे क्षो़ठीमने ढाङपो ग्‍युरये दो़गीनक्‍या, मास्‍यीकाने खा डारी को़न्‍क्षोकगी थुक्‍जेने माला ल्‍हीम हो़तालाक।

एफीसुपा 2:12

होदे धी़ला खेक्‍या मास्‍यीकाने खा ढाडा धेनी ईस्‍राएल्‍पा मीरीकगी थोप्‍ताङने, पी़दी श्‍याकश्‍या धेनी को़न्‍क्षोकगी धाम्‍चाक्‍या स्‍येये मेगीन धेनी रेवा मेगीन धाङ दे जीक्‍तेनदु को़न्‍क्षोकमुला ढेवा मेगीन हो़तालाक, ॱनेरी ढेन्‍सो़ झ्‍यी।

एफीसुपा 4:17

धा ङा चोवोगी नाङ का स्‍युक्‍क्षे तेरती ॱनाहीन, खेक्‍या देने ॱहाला याहुदापा मेन्‍गीन मीक्‍या च्‍योक्‍रे, दो़न मेगीन साम्‍लोक्‍या तारी मीछे ॱमाक्‍या।

कोलोसेपा 2:4

मी सी़या खेक्‍याला ॱली़गीन ताम ॱङेन्‍बोगी गोकोर ॱमाताङास्‍योक ॱनेरी, ङा देरे ॱनाहीन।

ईब्‍रीपा 11:13

धाम्‍चा जेजागो ॱमाथोप्‍पालाराङ, खुङक्‍या घीरी धेपा झ्‍येरी ढोवालाक। धेनी खुङक्‍याई राङला दे जीक्‍तेनदु क्षीग्‍या धाङ ख्‍याम्‍बो हीन्‍गीनगो खेलेन्‍दी, होदे धाम्‍चा जेजागो थाक्‍रीङानेराङ थोरी फेप्‍सु श्‍यी़वालाक।

ईब्‍रीपा 7:18

एम्‍मागी कागो क्‍योवा धाङ फेन्‍थोक मेगीन झ्‍येरी, लाक्‍लेन ॱमाता श्‍याक हो़तालाक।

१ पेटो 1:20

जीक्‍तेन ॱमाको़ एन्‍लाराङ मास्‍यीकाला दामा जेपालाक हीना खेक्‍याई क्षीदु थामे धी़ला खोङबा ॱङो़न्‍दा जेपालाक।