गालातीयापा 3:14 - ॱलोवा

¹⁴ आब्‍राहामला ॱनाङना झ्‍यीलापगो मास्‍यीकागी थोक्‍ने, याहुदापा मेन्‍गीन मीरीकक्‍याला थोबास्‍योक धेनी धेपागी थोक्‍ने होराङला धाम्‍चा जेजा धाम्‍पे थुक्‍ङीगो थोबास्‍योक ॱनेरी, मास्‍यीका येशुगी होराङला ॱली़री थारपा जेपालाक।

गालातीयापा 3:14 Iomraidhean Croise

लुका 11:13

धा खेक्‍या ङेन्‍पा झ्‍येरीयाः, खेरी टुवाक्‍याला ॱङेन्‍बा शाङा तेरा स्‍येना, धा नाम्‍खे श्‍यीङखामदु श्‍युक्‍कीन खीकी यापगी खोङबाला श्‍युगीनक्‍याला, घाजो़ माङा धाम्‍पे थुक्‍ङी ॱनाङी हेटु।”

लुका 24:49

तो़, ङा ङी यापगी धाम्‍चा जेजागो, खेक्‍याचारु झाङयेहीन हीना तो़ने वाङगो खेक्‍याई खाला माभाप्‍कीन थुक्‍पे, खेक्‍या दे ग्‍याजारु राङ धो़क।”

योहान्‍ना 7:39

हीना खोङला धेपा झ्‍यीगीनक्‍याला थोप्‍ये हीन्‍गीन, धाम्‍पे थुक्‍ङीगी कोरला येशुगी सुवालाक। घीहीनाः येशु शीजेला ॱमाफाक्‍पा झ्‍येरी, धाम्‍पे थुक्‍ङीगो धोराङा ॱमानाङ हो़तालाक।

जेपा 2:33

याप को़न्‍क्षोकगी येशुला थोस्‍योक को़री, खोरी क्षाक ये स्‍योकला श्‍याक जे हो़तालाक धेनी खोरी धाम्‍चा च्‍योक्‍रे, खोङबाला धाम्‍पे थुक्‍ङी ॱनावालाक। होदे धाम्‍पे थुक्‍ङी चोवो येशुगी धान्‍दा, होराङक्‍या खाला ॱनाङ जेपालाक। होदे लाबगो खेराङक्‍याई धान्‍दा ॱहाघोरये धाङ थोङी हो़तालाक।

जेपा 4:12

“श्‍येम्‍मा सुनेः थारपा ॱमेथोप्‍कीलाक घीझ्‍येरी ॱनाना होरी थारपागी क्षीला येशुगी छेन माना, को़न्‍क्षोकगी श्‍येम्‍मा मीङ नाम्‍खे श्‍यीङखाम होकदु ॱमानावालाक।”

जेपा 5:32

हेक्‍या दे लाबक्‍याई पाङपो हीन धेनी को़न्‍क्षोकगी राङगी काला ङेन्‍गीनक्‍याला ॱनाङना, धाम्‍पे थुक्‍ङीगीयाः दे लाबक्‍याई पाङपो तो़न्‍दा जेदुक।”

१ कोरीन्‍थुपा 12:13

घीझ्‍येरी ॱनाना होराङ याहुदापा हीन्‍ना गीरीक हीन्‍ना याङना ढेन्‍योक हीन्‍ना राङवाङगी मी हीन्‍ना, होराङ घीरी ली़ च्‍यीकला ग्‍युरयेला, धाम्‍पे थुक्‍ङी च्‍यीगारागी थोक्‍ने ठी़सो़ थोप्‍पालाक धेनी होराङ घीरीगी नाङ धाम्‍पे थुक्‍ङी च्‍यीक्‍पाराङ ॱनाङ हो़तालाक।

२ कोरीन्‍थुपा 1:22

धेनी खोङबागी होराङक्‍या खाला, राङगी हीन्‍गीनगी थेचे ग्‍याप जे हो़तालाक धेनी खोङबागी थुक्‍ङीगो, होरी सेम नाङला गेलेनगी क्षीदु ॱनाङ हो़तालाक।

गालातीयापा 3:16

धाम्‍चाक्‍या आब्‍राहाम धाङ खी़ भुग्‍युला ॱनावालाक। सुङराप नाङदु “भुग्‍युक्‍याला” ॱनेरी, से माङागी कोरला ॱमेनालाक हीना “ख्‍यी़ भु” ॱनेरी, से च्‍यीकगी कोरला ॱनालाक धेनी से दे मास्‍यीका लाक।

गालातीयापा 3:2

ङा खेक्‍याला लाब दे च्‍यीगा ढीलाहीन, खेक्‍याला क्षो़ठीमगी लेगाने धाम्‍पे थुक्‍ङी थोप्‍जो याङमेना ताम्‍शाङ घोरती धेपा झ्‍येरी थोप्‍जो?

गालातीयापा 4:6

खेक्‍या से धाङ सेमो झ्‍येरी, को़न्‍क्षोक राङगी सेगी थुक्‍ङी, होरी सेमला ताङा जेपालाक धेनी होदेगी “आब्‍बा, याप” ॱनेरी भो़लालाक।

एफीसुपा 2:18

घीझ्‍येरी ॱनाना मास्‍यीकागी थोक्‍ने, होराङ ॱङीगारा धाम्‍पे थुक्‍ङी च्‍यीकगी गोने यापगी डुङदु डो थुप्‍कीन झ्‍युवालाक।

एफीसुपा 2:22

धेनी धाम्‍पे थुक्‍ङीगी थोक्‍ने, को़न्‍क्षोकगी श्‍युक्‍सा झ्‍युङयेला, खेक्‍याः खोङमुला चीक्‍ती डोवालाक।

एफीसुपा 3:16

को़न्‍क्षोकगी ढाङमेगी शीजेला तेन्‍ती, थुक्‍ङीगी थोक्‍ने नी़थु ॱनाङदी, खेक्‍याई सेमला तोपस्‍युक ॱनाङास्‍योक,

एफीसुपा 4:30

धेनी थारपे ङीमागी क्षीला धाम्‍पे थुक्‍ङीगी ताक ग्‍यापक्‍या झ्‍येरी, को़न्‍क्षोकगी धाम्‍पे थुक्‍ङीला क्‍योरु ॱमाच्‍युक।

१ पेटो 1:22

को़न्‍क्षोकगी धेन्‍पे काला चीगीनगी गोने, खेक्‍याई राङगी सेम चाङमा शो़ हो़तालाक। होझ्‍येरी पी़नक्‍याला ॱनाम्‍पा दाक्‍पो चेवा झ्‍यी धेनी च्‍यीकगी च्‍यीकला सेम तीङनेराङ चेवा झ्‍यी।

१ पेटो 3:9

ङेन्‍पाला ङेन्‍पा याङना ॱमेबेप छापला, ॱमेबेपगी लेन ॱमालोक। हीना दी छापला झ्‍यीलाप तेर घीझ्‍येरी ॱनाना खेक्‍याला झ्‍यीलाप थोप्‍येगी क्षीलाराङ खेक्‍या भो़वालाक।