गालातीयापा 2:8 - ॱलोवा

⁸ घीझ्‍येरी ॱनाना याहुदापाक्‍याई खोक्‍दु कुछापगी क्षाक्‍ले पेटोने जेगीन को़न्‍क्षोकगीराङ, ङाने याहुदापा मेन्‍गीन मीरीकक्‍याई खोक्‍दु कुछापगी क्षाक्‍ले जे ॱनाङसोङ।

गालातीयापा 2:8 Iomraidhean Croise

जेपा 1:8

हीना धाम्‍पे थुक्‍ङी खेराङक्‍याई खाला फेप्‍ती, खेक्‍याला स्‍युक जोरकीलाक। होदे स्‍याम्‍ने, खेक्‍या येरुसालेम धाङ युदेया धाङ सामारीयागी साजा घीरीला धेनी जाम्‍बुलीङगी था थुक्‍पे, ङी पाङपो झ्‍युङगीलाक।”

जेपा 15:12

होदे घाङला मी घीरी खाबा धेपालाक। पाउलु धाङ बारनाबागी याहुदापा मेन्‍गीन मीक्‍याई खोक्‍दु, को़न्‍क्षोकगी खुङक्‍याई थोक्‍ने जेजा ॱहाङसागीन ताकक्‍या धाङ लेगाक्‍याई कोरला स्‍येली घाङला, घीरीगी घामोमा श्‍यीप्‍ता झ्‍येरी ङेन्‍दी धेपालाक।

जेपा 19:26

हीना दे पाउलुगी घी ॱनागीनगो, खेक्‍याई थोङालाक धेनी घोर हो़तालाक। मीगी शो़सा ल्‍हागो ल्‍हाराङ मालाक ॱनेरी ॱनी। खी़ दुरु एफीसु धाङ एशीयारु धेगीन मी माङक्षेला, खोरी लाब ॱलाप्‍ती गोवा कोरसादुक।

जेपा 21:19

धेनी पाउलुगी खुङक्‍याला घासु श्‍युरी, खुङक्‍याला याहुदापा मेन्‍गीन मीरीकक्‍याई घुङदु ताम्‍शाङ स्‍येली घाङला, को़न्‍क्षोकगी जेजा लेगाक्‍याई कोरला घीरी स्‍येबालाक।

जेपा 22:21

हीना चोवोगी ङाला सुजुङ, ‘ख्‍यो़ सोङ, ङा ख्‍यो़ला ॱमीच्‍यीकी थाक्‍रीङा याहुदापा मेन्‍गीन मीरीकक्‍या चारु झाङयेहीन।’”

जेपा 4:4

हीना होदे कुछाप ॱङीउगी का ङेन्‍गीनक्‍याने, मी माङक्षेगी धेपा झ्‍येवालाक धेनी धेपा झ्‍यीगीन मीक्‍याई ढाङगा माङदु सोरी, तोङ ॱङा चो़ झ्‍युवालाक।

जेपा 8:17

धेनी पेटो धाङ योहान्‍नागी खुङक्‍या खाला लाक्‍पा श्‍याक्‍पालाक धेनी खुङक्‍याला धाम्‍पे थुक्‍ङी थोप्‍पालाक।

जेपा 9:15

धेनी चोवोगी खोला सुवालाक, “सोङ, घीझ्‍येरी ॱनाना याहुदापा मेन्‍गीन मीरीकक्‍या धाङ ग्‍यावुक्‍या धाङ ईस्‍राएल्‍पाक्‍याचारु, ङी कोरला स्‍येयेला खो नी ङी दाम्‍दा लाक्‍चा हीन।

१ कोरीन्‍थुपा 15:10

हीना ङा घारे हो़गीनगो, को़न्‍क्षोकगी थुक्‍जे गोने हीन। धेनी ङाला थोप्‍था खोङबागी थुक्‍जे दे, दो़न्‍मेदु माझ्‍युजुङ। हीना खुङक्‍या घीरीने ल्‍हाक, ङी काल्‍ले माङा ग्‍याप्‍पी। घीहीन्‍ना ङी ङाराङगी झ्‍येरी मालाक हीना ङीमुला श्‍युक्‍कीन को़न्‍क्षोकगी थुक्‍जेगी थोक्‍ने लाक।

१ कोरीन्‍थुपा 9:2

मी श्‍येम्‍माक्‍याई क्षीदु ङा कुछाप च्‍यीक मेन्‍नाः, खीकी क्षीदु ङा हीन। घीझ्‍येरी ॱनाना चोवोगी नाङ, ङा कुछाप च्‍यीक हीन्‍गीनगी ताकगो खेक्‍या लाक।

गालातीयापा 3:5

खेक्‍याला धाम्‍पे थुक्‍ङी ॱनारी, खेक्‍या खोक्‍दु ॱहाङसागीन लेगाक्‍या जेगीन को़न्‍क्षोकगी, दे लेगा घीरी खीकी क्षो़ठीमगी लेगा गोने ले याङमेना ताम्‍शाङ ङेन्‍दी, धेपा झ्‍येरी ले?

कोलोसेपा 1:29

दो़न दी क्षीला, मास्‍यीकागी ङी नाङदु स्‍युक जेगीन नी़थु क्षेगी थोक्‍नेराङ, ङा ॱमीच्‍यीकी काल्‍ले ग्‍यावाहीन।

१ थेसालोनीकेपा 2:13

हेक्‍याने घोरकीन को़न्‍क्षोकगी का दे, खेक्‍याई होदेला मीगी का च्‍योक्‍रे मेन्‍दा, को़न्‍क्षोक राङगी का ॱनेरी खेलेन्‍बालाक धेनी खे धेपा झ्‍यीगीनक्‍याई खोक्‍दु को़न्‍क्षोकगी क्षाले डुप्‍कीनगोला, हेक्‍या ॱमेक्षेता को़न्‍क्षोकला थुक्‍जेक्षे पुलीहो़क।