गालातीयापा 2:7 - ॱलोवा

⁷ धा पेटोला याहुदापाक्‍याला ताम्‍शाङ स्‍येये गेन ॱनाङगीन च्‍योक्‍रे, ङालाः याहुदापा मेन्‍गीन मीरीकक्‍याला ताम्‍शाङ स्‍येये गेन ॱनाङनागो खुङक्‍याई थोजुङ।

गालातीयापा 2:7 Iomraidhean Croise

जेपा 15:12

होदे घाङला मी घीरी खाबा धेपालाक। पाउलु धाङ बारनाबागी याहुदापा मेन्‍गीन मीक्‍याई खोक्‍दु, को़न्‍क्षोकगी खुङक्‍याई थोक्‍ने जेजा ॱहाङसागीन ताकक्‍या धाङ लेगाक्‍याई कोरला स्‍येली घाङला, घीरीगी घामोमा श्‍यीप्‍ता झ्‍येरी ङेन्‍दी धेपालाक।

जेपा 18:6

हीना खुङक्‍याई पाउलुला खेमेलेन्‍दा ॱमेटा तावालाक। धेनी पाउलुगी खोरी घो़ पी़दी होदेगी थाला ॱरुक्‍ती ॱनेवालाक, “खेक्‍याला छेपा फोक्‍ना, खेरी घोवालाराङ फोक्‍कीलाक। ङी क्‍यो़न घीया मेक। धा देने ॱहाला, ङा याहुदापा मेन्‍गीन मीरीकक्‍या चारु डोयेहीन।”

जेपा 28:28

“होझ्‍येरी को़न्‍क्षोकने थोप्‍कीन थारपा दे, याहुदापा मेन्‍गीन मीरीकक्‍याला ॱनाङ हो़तालाक धेनी खुङक्‍याई होदे ङेन्‍गीलाक ॱनेरी, खेक्‍याई स्‍येलाझ्‍यी ॱनेरी ङा दो़दीहो़क।”

जेपा 9:15

धेनी चोवोगी खोला सुवालाक, “सोङ, घीझ्‍येरी ॱनाना याहुदापा मेन्‍गीन मीरीकक्‍या धाङ ग्‍यावुक्‍या धाङ ईस्‍राएल्‍पाक्‍याचारु, ङी कोरला स्‍येयेला खो नी ङी दाम्‍दा लाक्‍चा हीन।

रोमापा 1:5

धेनी खोङगी छेनगी क्षीदु, याहुदापा मेन्‍गीन घीरीगी धेपा झ्‍यीये धाङ खोङगी काला ङेन्‍येगी क्षीला, खोङगी थोक्‍ने हेक्‍याला को़न्‍क्षोकगी थुक्‍जे धाङ कुछापगी लेगेनगो थोप हो़तालाक।

रोमापा 11:13

धा ङा खे याहुदापा मेन्‍गीनक्‍याला देक्‍या ॱनाहीन। याहुदापा मेन्‍गीनक्‍याई क्षीदु ङा कुछाप च्‍यीक झ्‍येरी, ङा ङारी श्‍याप्‍चीला थोङक्षे चीलीहो़क।

१ कोरीन्‍थुपा 9:17

घीझ्‍येरी ॱनाना ङा ङारी थेदी ताम्‍शाङ स्‍येना, ङाला ज्‍यागा हो़क। हीना ङी ङारी थेदी मेन्‍नाः, ताम्‍शाङ स्‍येयेगी गेन दे ङाला चोवालाक।

गालातीयापा 1:16

याहुदापा मेन्‍गीन मीरीकक्‍याला ताम्‍शाङ स्‍येयेगी क्षीला, खोङबागी से ङाला तो़न जेसुङ धेनी ङी छाटाक झ्‍येरी सी़मुला ढो़ माझ्‍ये,

गालातीयापा 1:18

धेनी लो सुम स्‍याम्‍ने, ङा येरुसालेमदु पेटोला थुक्‍तु सोवी धेनी खी़मुला श्‍याक्‍मो चेङा धेबी।

गालातीयापा 1:6

मास्‍यीकागी थुक्‍जेने भो़पा खेक्‍या देरे ग्‍योवा खोङला ङो ॱलोक्‍ती, ताम्‍शाङ श्‍येम्‍मागी स्‍याम्‍ला डागीनला ङा ॱहालेजुङ।

गालातीयापा 2:11

हीना पेटो (केफास) आन्‍तीयोक ग्‍याजारु होरी, ङी खोला दोङदुराङ खाते झ्‍येवी घीझ्‍येरी ॱनाना खी़ मेढाङा झ्‍येवालाक।

गालातीयापा 2:14

धेनी खुङक्‍याई लेगा दे, ताम्‍शाङगी धेन्‍पाला ॱमीथी़न्‍गीनगो थोरी, ङी घीरीगी दोङदु पेटोला ॱनेवी, “ख्‍यो़ याहुदापा झ्‍येरीया याहुदापा च्‍योक्‍रे मेन्‍दा, याहुदापा मेन्‍गीन मीरीक च्‍योक्‍रे मीछे पी़ना, याहुदापा मेन्‍गीन मीरीकक्‍याला याहुदापा च्‍योक्‍रे मीछे पी़ ॱनेरी, ख्‍यो़ घाङ झ्‍येरी उजुक ग्‍याप थुक्‍वाले?”

गालातीयापा 2:9

धेनी क्षो़छोकगी कावा चीगीन, याकोब धाङ पेटो धाङ योहान्‍नागी को़न्‍क्षोकगी ङाला ॱनाङगीन क्षाक्‍लेगो ॱहाघोरती, ङा धाङ बारनाबाला खुङक्‍याई लेरोक झ्‍यीयेला खेलेन्‍जुङ। धेनी हेक्‍या याहुदापा मेन्‍गीन मीरीकक्‍या चारु धाङ खुङक्‍या याहुदापाक्‍या खोक्‍दु डोये थाक चो़पालाक।

१ थेसालोनीकेपा 2:4

हीना ताम्‍शाङ दे हीकी खाला ॱलो कायेला, को़न्‍क्षोकगी हेक्‍याला थाक्‍चो़ जेदी, हेक्‍या मीगी घाटोगी क्षीला मेन्‍दा, होरी ॱङीङगी छो़ शीक्‍कीन को़न्‍क्षोकला थुक्‍ङेउ हुङयेला स्‍येदाहीन।

१ तीमोथेउ 2:7

देगी क्षीलाराङ, ङा धेपा धाङ धेन्‍पाला याहुदापा मेन्‍गीन मीरीकक्‍याई ॱलो का थुप्‍कीन ॱलोपो़न, धेनी क्षो़ स्‍येगीन च्‍यीक धाङ कुछाप ॱनेरी को़वालाक। (ङा शोक ॱमेस्‍येदा, धेन्‍पाराङ ॱनाहीन।)

२ तीमोथेउ 1:11

दे ताम्‍शाङगी क्षीलाराङ ङा क्षो़ सेटाक झ्‍यीगीन, धाङ कुछाप धाङ ॱलोपो़न च्‍यीक को़वाहीन।

२ पेटो 3:15

होरी चोवोगी शो़गोम नी, थारपा हीन्‍गीनगो ची ग्‍योप। धेनी होरी चेवे पी़न पाउलुगीयाः, को़न्‍क्षोकगी खोला ॱनाङना स्‍येरापगी गोने खेक्‍याला ढीक हो़तालाक।