गालातीयापा 2:3 - ॱलोवा

³ धा ङीमुला हो़गीन तीतोस गीरीक मी हीन्‍ना, खोला सी़या पाउ चेगीन ॱरो ॱरुङ ॱनेरी उजुक माझ्‍येजुङ।

गालातीयापा 2:3 Iomraidhean Croise

जेपा 15:24

हेक्‍या खोक्‍ने सोसा मी रीङगागी ॱलापच्‍या शोक्‍पो तेरती, खेराङक्‍याला दुक्‍पु तेरपालाक ॱनागीन लाब हेक्‍याई ॱहाघोहो़क। हीना हेक्‍याई होदे मीक्‍याला झावा मालाक।

जेपा 16:3

पाउलुगी खोला मुला ठीक्‍ङी दो़पालाक। धेनी याहुदापाक्‍याला घीन्‍दा क्‍यो़न माझ्‍युङवास्‍योक ॱनेरी, खी़ तीमोथेउगी पाउ चेदी ताक ग्‍याप्‍कीन ॱरोगो झ्‍येवालाक। घीझ्‍येरी ॱनाना होदे साजाला धेगीन याहुदापाक्‍याला, तीमोथेउगी आकी गीरीक लाक ॱनागीन लाब क्षा हो़तालाक।

२ कोरीन्‍थुपा 2:13

हीना होदुरु ङी पी़न तीतोसला ॱमाथुक्‍पा, ङी सेम कीदा माझ्‍युजुङ। होझ्‍येरी ङा खुङक्‍याने घोङपा श्‍यी़री, माकेडोनीयारु सोवी।

गालातीयापा 2:1

लो च्‍युपश्‍यी स्‍याम्‍ने, तीतोसला ठीक्‍ती ङा याङ बारनाबामुला येरुसालेमदु सोवी।

२ तीमोथेउ 4:10

घीझ्‍येरी ॱनाना देमा, जीक्‍तेन देला छाक्‍ती ङाला पारी थेसालोनीकेरु लाजुङ। धेनी कारेसीकेन नी, गालातीया यु स्‍योकदु लाजुङ धेनी तीतोस नी दालमातीया यु स्‍योकदु लाजुङ।

तीतोस 1:4

ङीमुला धेपा च्‍यीक्‍पा हो़गीन, ङी ॱङोन्‍नेगी भीजा तीतोसला, दे यीक ढीयाहीन। याप को़न्‍क्षोक धाङ होराङला थारपा ॱनाङगीन येशु मास्‍यीकागी, ख्‍यो़ला थुक्‍जे धाङ श्‍यीदे ॱनाङास्‍योक।