गालातीयापा 2:21 - ॱलोवा

²¹ को़न्‍क्षोकगी थुक्‍जेला, ङा ङोग्‍येल मीझ्‍यी घीझ्‍येरी ॱनाना क्षो़ठीमगी थोक्‍ने ढाङपो ग्‍युरये हीन्‍ना, मास्‍यीका दो़न मेताला ढोवालाक।

गालातीयापा 2:21 Iomraidhean Croise

मारकु 7:9

येशुगी खुङक्‍याला याङ सुवालाक, “खेक्‍या राङगी लुक्‍सो़ला ॱरुङक्‍योप झ्‍यीयेला, को़न्‍क्षोकगी काक्‍याला ङोलोक झ्‍यीयेगी लाम्‍गा घा च्‍यीक जोरदुक।

रोमापा 10:3

खुङक्‍याई को़न्‍क्षोकने झ्‍युङगीन ढाङतेनगो ॱमास्‍येवा, खोराङक्‍या राङगी थापस्‍यीने को़न्‍क्षोकमुला ढाङपो झ्‍युङयेला चावालाक। धेनी खुङक्‍याई राङला को़न्‍क्षोकगी ढाङतेनगी होकला ॱमापुवालाक।

रोमापा 11:6

धा दे थुक्‍जेगी थोक्‍ने हीन्‍ना, मीगी लेगाला राली़दी झ्‍युवामालाक। देरे हीन्‍ना थुक्‍जेगो नी, थुक्‍जे ॱङोन्‍ने मालाक।

रोमापा 4:25

होरी धीक्‍पाक्‍याई झ्‍येरी, येशु छीवाला तेरपालाक धेनी होराङला ढाङपो जेयेगी क्षीदु, खोङ कुसो़न्‍पो श्‍याङदु च्‍युक्‍पालाक।

रोमापा 8:31

धा ॱहाना होराङ दो़न देक्‍याई कोरला घी ॱनाये? को़न्‍क्षोक होरी छोकला हो़ना, सु होरी ग्‍यापला लाङ थुक्‍कीलाक से?

१ कोरीन्‍थुपा 15:14

धेनी मास्‍यीकाला कुसो़न्‍पो श्‍याङ माजे हो़ना, हीकी ताम्‍शाङ स्‍येगीनगो धाङ खेक्‍याई धेपागो दो़न मेगीन झ्‍युङालाक।

१ कोरीन्‍थुपा 15:17

धेनी याङ मास्‍यीकाला कुसो़न्‍पो श्‍याङा माजे हो़ना, खेक्‍याई धेपागो दो़न मेगीन झ्‍युङालाक धेनी धान्‍दाः, खेक्‍या खेरी धीक्‍पा नाङदु हुङालाक।

१ कोरीन्‍थुपा 15:2

धेनी ङी खेक्‍याला स्‍येस्‍या ताम्‍शाङगोला खेक्‍या तेन्‍पो ॱनेना, दी थोक्‍नेराङ खेक्‍या क्‍योप्‍कीलाक। देरे मेन्‍ना, खेक्‍याई क्षो मेताला धेपा झ्‍येवालाक।

गालातीयापा 2:16

हीना क्षो़ठीमगी लेक्‍याने ढाङपो मीग्‍युरा, येशु मास्‍यीकाला धेपा झ्‍यीना ढाङपो ग्‍युरालाक ॱनेरी, होराङक्‍या स्‍येलालाक। होझ्‍येरी क्षो़ठीमगी लेने सुवा ढाङपो मीग्‍युरकीन झ्‍येरी, लेगाने मेन्‍दा मास्‍यीकाला धेपा झ्‍येरी ढाङपो ग्‍युरयेगी क्षीला, होराङक्‍यागीया येशु मास्‍यीकाला धेपा झ्‍येवालाक।

गालातीयापा 2:18

घीझ्‍येरी ॱनाना ङी ठीम तोतागो, ङी याङ शोना, ङाराङ ठीम तोगीन लाक ॱनेरी खुङ क्‍यागीलाक।

गालातीयापा 3:21

धा हाना, को़न्‍क्षोकगी धाम्‍चाक्‍याला क्षो़ठीमगी ग्‍याप्‍केल झ्‍यीदाले? देरे फुक्‍की मालाक। छे ॱनाङ थुप्‍कीन क्षो़ठीम तेर हो़ना, क्षो़ठीमने राङ ढाङतेनला ग्‍युरये हो़क।

ईब्‍रीपा 7:11

धा मीमाङक्‍याला ॱनाङना क्षो़ठीमला तेन्‍दी, लेवी क्षो़पो़नगी घोक्‍जा थोक्‍ने फी़न्‍सुम छोक्‍पा थोप्‍ये हीन्‍ना, आरोनगी ग्‍युपाने मेन्‍दा मेल्‍कीजेदेक च्‍योक्‍रे, श्‍येम्‍मा क्षो़पो़न झ्‍युङघोये हो़तालाक से?