गालातीयापा 2:19 - ॱलोवा

¹⁹ धेनी को़न्‍क्षोकगी क्षीला ङा सो़न्‍पो ॱनेयेला, ङा क्षो़ठीमगी थोक्‍ने स्‍यीसागीन झ्‍येरी, क्षो़ठीमगी गेन घीया खुर मेघोगीलाक।

गालातीयापा 2:19 Iomraidhean Croise

रोमापा 4:15

घीझ्‍येरी ॱनाना क्षो़ठीमगी थुक्‍ठो़ खेरती हुङालाक। धेनी क्षो़ठीम मेसारु, क्षो़ठीम ॱमीचीगीन लेगागोवाः मेयोङालाक।

रोमापा 5:20

धीक्‍पा फेरु च्‍युक्‍येगी क्षीदु क्षो़ठीम ॱनावालाक। हीना धीक्‍पा फेसारु, को़न्‍क्षोकगी थुक्‍जे ॱयोल्‍ले माङा फेवालाक।

रोमापा 6:11

देरेराङ झ्‍येरी खेक्‍याः धीक्‍पे वाङ होकदु ॱमेनेला स्‍यीछारसा, हीना मास्‍यीका येशु थोक्‍ने को़न्‍क्षोकगी शीजेगी क्षीदु सो़न्‍पो चीघो़।

रोमापा 6:14

धा धीक्‍पागी खेक्‍याला वाङ झ्‍यीगीमालाक घीझ्‍येरी ॱनाना खेक्‍या क्षो़ठीमगी वाङ होकदु मेन्‍दा, थुक्‍जेगी वाङ होकदु हो़तालाक।

रोमापा 6:2

देरे फुक्‍की मालाक। होराङ नी, धीक्‍पागी नाङ स्‍यीछारसा झ्‍येरी, धा धोराङा होदे नाङदु घाङगी झ्‍येरी छोवा क्‍याथुक्‍कीले?

रोमापा 7:14

धा क्षो़ठीम नी, थुक्‍ङीने झ्‍युङगीनगो होराङ स्‍येलालाक। हीना ङा नी ली़ला झ्‍येरी, धीक्‍पागी ढेन्‍योकला चोचा च्‍योक्‍रे हीन।

रोमापा 7:4

देरेराङ झ्‍येरी ङी पी़नक्‍याओ, खेक्‍याः मास्‍यीकागी कुली़गी थोक्‍ने, क्षो़ठीमगी क्षीदु स्‍यीवालाक। दे नी खेक्‍या छीवाने कुसो़न्‍पो श्‍याङस्‍या, मी श्‍येम्‍मा याङना मास्‍यीकामुला दुमा स्‍योक ॱनेरी, धेनी होराङक्‍या को़न्‍क्षोकगी क्षीदु ढेबु केलास्‍योक ॱनेरी लाक।

रोमापा 8:2

घीझ्‍येरी ॱनाना छे ॱनाङगीन धाम्‍पे थुक्‍ङीगी वाङगी, मास्‍यीका येशुगी थोक्‍ने, खेक्‍याला धीक्‍पा धाङ छीवागी वाङने थारपा जे हो़तालाक।

१ कोरीन्‍थुपा 10:31

होझ्‍येरी खेक्‍या शाना याङना थुङना याङना घी झ्‍यीना घीरी को़न्‍क्षोकगी शीजेगी क्षीदु झ्‍यी।

१ कोरीन्‍थुपा 9:20

याहुदापाक्‍याई सेम क्‍योप्‍येगी क्षीदु, ङा याहुदापाक्‍यामुला याहुदापा च्‍योक्‍रेराङ झ्‍युवी। क्षो़ठीमगी होकदु हो़गीनक्‍याई सेम क्‍योप्‍येगी क्षीदु (ङा ङाराङ क्षो़ठीमगी होकदु मेनाः), ङा क्षो़ठीमगी होकदु हो़गीनक्‍यामुला क्षो़ठीमगी होकदु धेगीनक्‍या च्‍योक्‍रे झ्‍युवी।

२ कोरीन्‍थुपा 5:15

धेनी खोङबा घीरीगी क्षीदु ढोङा जेपालाक। धा सो़न्‍पो ॱनेगीनक्‍या राङगी क्षीदु मेन्‍दा, खुङक्‍याई क्षीदु ढोङा जेगीन धाङ ॱलार सो़न्‍पो श्‍याङा जेगीन, खोङ मास्‍यीकागी क्षीदु सो़न्‍पो ॱनेघो़।

गालातीयापा 2:20

ङा मास्‍यीकामुला ग्‍याङस्‍यीङला स्‍यीवी। धा देने ॱहाला ङाराङ छोवा क्‍याला मेन्‍दा, मास्‍यीका ङी नाङदु छोवा क्‍यालालाक। धा धान्‍दा ङा ली़ला छोवा क्‍यागीन मीछे दे, ङाला झाम्‍पा झ्‍यीगीन धाङ ङी क्षीला राङगी कुसोक ॱलो़ ताङगीन को़न्‍क्षोकगी सेला धेपा झ्‍येरी क्‍यालाहीन।

गालातीयापा 3:10

क्षो़ठीमगी लेगाक्‍याला तेन्‍गीनक्‍या छेपागी होकला धेतालाक घीझ्‍येरी ॱनाना सुङरापला देरे ढीक हो़तालाक, “क्षो़ठीमगी धेपला ढीक्‍टा घीरी चीरी ॱमेनेगीनक्‍याला छेपा फोवालाक।”

गालातीयापा 3:24

होराङ धेपागोने को़न्‍क्षोक डुङदु याङदाक्‍पा ग्‍युरयेला, मास्‍यीका ॱमाफेप्‍कीन थुक्‍पे क्षो़ठीम होरी तादोक झ्‍यीगीन झ्‍युवालाक।

गालातीयापा 6:14

ङा राङ-राङला चोवो येशु मास्‍यीकागी ग्‍याङस्‍यीङला माना, श्‍येम्‍मा घीला ङोमग्‍यु ॱमीझ्‍युङास्‍योक। खोङबागी ग्‍याङस्‍यीङगी गोने ङी क्षीला जीक्‍तेन धाङ ङा जीक्‍तेनगी क्षीला स्‍यीवा हीन।

कोलोसेपा 2:20

खेक्‍या जीक्‍तेनगी तावाक्‍याने मास्‍यीकामुला स्‍यीवा हीन्‍ना, खेक्‍या धोराङा दे, जीक्‍तेनगी हीन्‍गीन च्‍योक्‍रे मीछे घीझ्‍येरी पी़दा ले? ठीमक्‍याई होकला घीझ्‍येरी घुरा ले?

कोलोसेपा 3:3

घीझ्‍येरी ॱनाना खेक्‍या स्‍यीवालाक धेनी खीकी छे नी, मास्‍यीकामुला को़न्‍क्षोकगी नाङ बे हो़तालाक।

१ थेसालोनीकेपा 5:10

होराङ सो़न्‍पो धेना स्‍यी हो़ना खोङबा मुलाराङ धेयेला, खोङबा होरी क्षीला ढोङ जेपालाक।

तीतोस 2:14

धेनी होरी धीक्‍पा घीरीने थारपा ॱनाङयेला धाङ होराङला चाङमा शो़री, खोङबा खोराङगी क्षीला मीरीक जेयेला धाङ लेगा ढाङपो झ्‍यीयेला खेलेन झ्‍यीगीन झ्‍युङयेला, मास्‍यीकागी राङगी कुसोक होरी क्षीला ॱलो़ तावालाक।

ईब्‍रीपा 9:14

होराङ सो़न्‍पो को़न्‍क्षोकला श्‍याप्‍ची श्‍यु थुप्‍येगी क्षीदु, मास्‍यीकागी कुठाकगी होरी स्‍येशाङला, धीक्‍पे लेगाक्‍याने देले ल्‍हाक चाङमा शो थुप्‍की माले? घीझ्‍येरी ॱनाना थामेपे थुक्‍ङीगी नी़थुगी गोने, होरी धीक्‍पाक्‍याई क्षीदु मास्‍यीकागी राङला याङदाक्‍पे ॱमारछो़ च्‍योक्‍रे को़न्‍क्षोकला पुवालाक।

१ पेटो 2:24

होराङ धीक्‍पाला छोवा क्‍यायेगो भोरती, ढाङतेनगी दो़नला छोवा क्‍याये क्षीदु, खोङबागी राङगी कुली़ला होरी धीक्‍पाक्‍या ग्‍याङस्‍यीङ खाला खुरा जेपालाक। खोङगी ॱमाक्‍याई थोक्‍ने खेक्‍याला ढाक्‍सो़ थोप्‍पालाक।

१ पेटो 4:6

होझ्‍येरी मीला च्‍योक्‍रे स्‍यीम्‍पोक्‍याला ली़ला ठीम्‍चो़ झ्‍येहो़नाः, सेम्‍ङीला खुङक्‍या को़न्‍क्षोक च्‍योक्‍रे सो़न्‍पो ॱनेयेगी क्षीदु, खुङक्‍यालाः ताम्‍शाङगो स्‍येपालाक।