गालातीयापा 2:15 - ॱलोवा

¹⁵ होराङ केने ॱहालाराङ याहुदापा झ्‍येरी “याहुदापा मेन्‍गीन मीरीक धीक्‍चेनक्‍या” ॱनागीन च्‍योक्‍रे मालाक।

गालातीयापा 2:15 Iomraidhean Croise

मेथा 9:11

धेनी फारुसीपाक्‍याई दे थोरी, खोङबागी ङेनेक्‍याला ॱनेवालाक, “खेक्‍याई घेगेन घीझ्‍येरी ठा धुगीनक्‍या धाङ धीक्‍चेन श्‍येम्‍माक्‍यामुला शामा शाले?”

लुका 24:7

‘मी-भु धीक्‍चेनक्‍याई लागाला ची ग्‍याप्‍ती, ग्‍याङस्‍यीङला टोङगीलाक धेनी श्‍याक्‍मो सुम्‍बागोला ॱलार सो़न्‍पो श्‍याङगीलाक।’”

जेपा 22:21

हीना चोवोगी ङाला सुजुङ, ‘ख्‍यो़ सोङ, ङा ख्‍यो़ला ॱमीच्‍यीकी थाक्‍रीङा याहुदापा मेन्‍गीन मीरीकक्‍या चारु झाङयेहीन।’”

रोमापा 3:9

धा ॱहाना थामे दो़नगो घी ले? हे याहुदापाक्‍या मी श्‍येम्‍माक्‍याने ल्‍हाक शाङा हो़तालाक से? मेतालाक, फुक्‍की मेतालाक। घीझ्‍येरी ॱनाना याहुदापा धाङ याहुदापा मेन्‍गीन, मी घीरी धीक्‍पे वाङ होकदु हो़तालाक ॱनेरी, ङी तो़न्‍साहो़क।

रोमापा 4:16

होझ्‍येरी धाम्‍चागो थुक्‍जेला तेन्‍ती धेनी आब्‍राहामगी भुग्‍यु घीरीला गेन्‍लेन झ्‍युङयेगी क्षीदु, धेपागी खाला रा ली़दालाक। दे धाम्‍चा दे नी, क्षो़ठीम ॱरुङगीनक्‍याई क्षीदु च्‍यीगा मेन्‍दा, आब्‍राहामगी धेपा च्‍योक्‍रे हो़गीनक्‍याई क्षीदुवाः लाक। घीझ्‍येरी ॱनाना खोङ नी होराङ घीरीगी याप लाक।

गालातीयापा 2:17

हीना होराङ मास्‍यीकागी गोने ढाङपो झ्‍युङयेगी थापस्‍यी चाली घाङला, होराङक्‍याराङ क्षो़ठीमगो पारी धीक्‍पा झ्‍यीगीन थुक्‍ना, मास्‍यीकागी धीक्‍पा झ्‍यीरु च्‍युक्‍पाले? दे फुक्‍की मालाक।

एफीसुपा 2:3

खुङक्‍याई घुङदु होराङ घीरीयाः राङगी दो़क्षाकगी वाङ होकदु धेदी, राङगी ली़सेमगी दो़पाला थी़न्‍गीन लेगाक्‍या एम्‍मा झ्‍यीदालाक। धेनी मी श्‍येम्‍माक्‍या च्‍योक्‍रे, होराङक्‍याला को़न्‍क्षोकगी थुक्‍ठो़ फोक घोये हो़तालाक।

फीलीप्‍पीपा 3:4

घीहीन्‍ना ङा ङाराङला ली़ला क्षा श्‍याक्‍घोयेगी दो़न्‍दाक हो़क। मी च्‍यीकगी राङगी ली़ला क्षा श्‍याक्‍येगी दो़न्‍दाक हो़क ॱनेरी साम्‍ना, ङाला ॱयोल्‍ले माङा दो़न्‍दाक हो़क।

तीतोस 3:3

थेङ च्‍यीकला होराङक्‍याः ॱलेन्‍पो धाङ खाला मेङेन्‍गीन धाङ गो खोरती धेता धाङ दो़पा धाङ दो़ङेन ॱनाछोकगी वाङदु स्‍योरस्‍या धाङ ॱमीच्‍यीकी ङेन्‍पा धाङ ठादोकगी, खाङखा हो़तालाक। मी घीरीगी होराङला दाङा झ्‍येवालाक धेनी होराङ नाङदु च्‍यीकगी च्‍यीकला दाङा झ्‍येवालाक।