गालातीयापा 2:14 - ॱलोवा

¹⁴ धेनी खुङक्‍याई लेगा दे, ताम्‍शाङगी धेन्‍पाला ॱमीथी़न्‍गीनगो थोरी, ङी घीरीगी दोङदु पेटोला ॱनेवी, “ख्‍यो़ याहुदापा झ्‍येरीया याहुदापा च्‍योक्‍रे मेन्‍दा, याहुदापा मेन्‍गीन मीरीक च्‍योक्‍रे मीछे पी़ना, याहुदापा मेन्‍गीन मीरीकक्‍याला याहुदापा च्‍योक्‍रे मीछे पी़ ॱनेरी, ख्‍यो़ घाङ झ्‍येरी उजुक ग्‍याप थुक्‍वाले?”

गालातीयापा 2:14 Iomraidhean Croise

जेपा 10:28

पेटोगी खुङक्‍याला ॱनेवालाक, “याहुदापा मी च्‍यीक याहुदापा मेन्‍गीन मीरीकगी नाङदु देरे झ्‍येरी जुये धाङ ढीवा झ्‍यीये याहुदापा क्षो़ठीमला ॱमीढीयालाक ॱनेरी, खेक्‍याला क्षा हो़तालाक। हीना ङी सुलाः ॱमेचाङा याङना चोक्‍पा ॱनेरी साम्‍लो ताङये मेतालाक ॱनेरी, को़न्‍क्षोकगी ङाला तो़न जेसोङ।

जेपा 15:1

होदे स्‍याम्‍ने मी रीङगा युदेयाने होरी, आन्‍तीयोक ग्‍याजागी धेपा-झ्‍यीगीनक्‍याला देरे ॱलापच्‍या तेरपालाक, “मोशेगी ॱनाङना क्षो़ठीमगी ॱरो च्‍योक्‍रे झ्‍यीये हीन्‍ना, पाउ चेदी ताक माग्‍याप्‍पा, खेक्‍याला थारपा राक थुक्‍कीमालाक।”

जेपा 15:24

हेक्‍या खोक्‍ने सोसा मी रीङगागी ॱलापच्‍या शोक्‍पो तेरती, खेराङक्‍याला दुक्‍पु तेरपालाक ॱनागीन लाब हेक्‍याई ॱहाघोहो़क। हीना हेक्‍याई होदे मीक्‍याला झावा मालाक।

जेपा 15:5

हीना फारुसीपाक्‍या नाङने धेपा-झ्‍यीगीन झ्‍युजाक्‍या लाङदी ॱनेवालाक, “याहुदापा मेन्‍गीन मीरीकगी धेपा-झ्‍यीगीनक्‍याः पाउ चेदी ताकगो ग्‍याप घोगीलाक धेनी मोशेगी ठीमक्‍याला चीघोलालाक।”

रोमापा 14:14

ॱङोपो घीया राङगी नाङ ॱमेचाङा मेयोङालाक हीना ॱमेचाङा साम्‍गीनगी क्षीदु, होदेगो ॱमेचाङाराङ हुङालाक ॱनेरी, ङाला स्‍येयेहो़क धेनी चोवो येशुगी नाङ ङा तेन-तेन हो़क।

गालातीयापा 1:18

धेनी लो सुम स्‍याम्‍ने, ङा येरुसालेमदु पेटोला थुक्‍तु सोवी धेनी खी़मुला श्‍याक्‍मो चेङा धेबी।

गालातीयापा 1:6

मास्‍यीकागी थुक्‍जेने भो़पा खेक्‍या देरे ग्‍योवा खोङला ङो ॱलोक्‍ती, ताम्‍शाङ श्‍येम्‍मागी स्‍याम्‍ला डागीनला ङा ॱहालेजुङ।

गालातीयापा 2:3

धा ङीमुला हो़गीन तीतोस गीरीक मी हीन्‍ना, खोला सी़या पाउ चेगीन ॱरो ॱरुङ ॱनेरी उजुक माझ्‍येजुङ।

गालातीयापा 2:5

हीना ताम्‍शाङगी धेन्‍पा दे, खीकी क्षीला क्‍योप्‍येला हीकी खुङक्‍याई होकला तीते च्‍यीया माघुर।

गालातीयापा 2:7

धा पेटोला याहुदापाक्‍याला ताम्‍शाङ स्‍येये गेन ॱनाङगीन च्‍योक्‍रे, ङालाः याहुदापा मेन्‍गीन मीरीकक्‍याला ताम्‍शाङ स्‍येये गेन ॱनाङनागो खुङक्‍याई थोजुङ।

गालातीयापा 2:9

धेनी क्षो़छोकगी कावा चीगीन, याकोब धाङ पेटो धाङ योहान्‍नागी को़न्‍क्षोकगी ङाला ॱनाङगीन क्षाक्‍लेगो ॱहाघोरती, ङा धाङ बारनाबाला खुङक्‍याई लेरोक झ्‍यीयेला खेलेन्‍जुङ। धेनी हेक्‍या याहुदापा मेन्‍गीन मीरीकक्‍या चारु धाङ खुङक्‍या याहुदापाक्‍या खोक्‍दु डोये थाक चो़पालाक।

गालातीयापा 6:12

राङला जीक्‍तेनदु ढा छाक्‍पोमा तो़न्‍ये दो़पा हो़गीनक्‍याई राङ, खेक्‍याला पाउ चेगीन ताक ग्‍याप्‍येला उजुक झ्‍यीये थापस्‍यी झ्‍यीदालाक। खुङक्‍या राङला मास्‍यीकागी ग्‍याङस्‍यीङगी झ्‍येरी दुक्‍पु मारास्‍योक ॱनेरी, च्‍यीगा देरे झ्‍यीदालाक।

कोलोसेपा 1:5

धेपा धाङ चेवा दे, खीकी दो़न्‍दु नाम्‍खे श्‍यीङखामदु श्‍याकश्‍या रेवागी झ्‍येरी लाक। दी कोरला खेक्‍याई धेन्‍पे कागी ताम्‍शाङने एन्‍दुरु घोर हो़तालाक।

१ तीमोथेउ 5:20

धीक्‍पा झ्‍यीगीनक्‍याला मी घीरीगी, दोङदु आङजी तोङ। देरे झ्‍यीना श्‍येम्‍माक्‍या जीक्‍कीलाक।

ईब्‍रीपा 12:13

श्‍याक्‍योक्‍याई छीकक्‍या मीबी़दा हीना ढाक्‍वा स्‍योक ॱनेरी, खेरी काङबी क्षीदु लाम खाप्‍ते शो़।

ईब्‍रीपा 9:10

देक्‍या नी शाये धाङ थुङये धाङ ठी़ ॱनाछोक झ्‍यीगीनगी ॱरो च्‍यीगा लाक। धेनी को़न्‍क्षोकने का साबा ॱमाथोप थुक्‍पे, देक्‍या नी फीदाने झ्‍यीगीन ठीमक्‍या लाक।