गालातीयापा 2:1 - ॱलोवा

¹ लो च्‍युपश्‍यी स्‍याम्‍ने, तीतोसला ठीक्‍ती ङा याङ बारनाबामुला येरुसालेमदु सोवी।

गालातीयापा 2:1 Iomraidhean Croise

जेपा 11:25

धेनी बारनाबा साउलला चारु टारसोरु सोवालाक।

जेपा 11:30

देरे झ्‍येरी होदे आलेगो क्षो़छोकगी गोठीक्‍याला पुयेला, बारनाबा धाङ साउलगी लागाला कुरपालाक।

जेपा 12:25

धेनी बारनाबा धाङ साउल खोरी लेगा घीरी येरुसालेम थुक्‍पे डुप्‍ती, मारकु ॱनागीन योहान्‍नाला ठीक्‍ती लोक्‍ती सोवालाक।

जेपा 13:2

खुङक्‍या ॱङ्युङनेला श्‍युक्‍ती चोवोला तो़पा पुरी धेदी घाङला, धाम्‍पे थुक्‍ङीगी होदेक्‍याला सुवालाक, “बारनाबा धाङ साउलला ङी खुङक्‍याला भो़पा लेगागी क्षीदु पेरी श्‍योक।”

जेपा 13:50

हीना याहुदापाक्‍याई, याहुदापागी क्षो़लुक झ्‍यीगीन भोमो खाक्‍क्षेक्‍या धाङ ग्‍याजागी पो़न्‍पोक्‍याला खोक ग्‍यावालाक धेनी खुङक्‍याई होदे ग्‍याजागी मीक्‍याला, पाउलु धाङ बारनाबाला दुक्‍पु ताङयेला ॱलाप्‍पालाक। धेनी खुङ ॱङीउला होदे ग्‍यारापने फीला तो़न्‍बालाक।

जेपा 14:12

खुङक्‍याई बारनाबाला जीउस ॱनागीन ल्‍हा साम्‍बालाक धेनी पाउलुगो लाब ताङगीनगो झ्‍येरी, खोला हेरमे ॱनागीन ल्‍हा साम्‍बालाक।

जेपा 15:25

होझ्‍येरी हेक्‍याई मुला ढो़ झ्‍येरी, खेक्‍याचारु झाङयेला, हीकी खोक्‍नेराङ पी़न रीङगा दाम्‍दी, हीकी रोवा ढेन्‍जे पाउलु धाङ बारनाबामुला झाङये थाक चेवी।

१ कोरीन्‍थुपा 9:6

याङना ङा धाङ बारनाबा च्‍यीगा, राङगी छोवा क्‍यायेला लेगा मीझ्‍यीयेगी आङजा मेताले?

२ कोरीन्‍थुपा 2:13

हीना होदुरु ङी पी़न तीतोसला ॱमाथुक्‍पा, ङी सेम कीदा माझ्‍युजुङ। होझ्‍येरी ङा खुङक्‍याने घोङपा श्‍यी़री, माकेडोनीयारु सोवी।

२ कोरीन्‍थुपा 8:16

हीना ङी खेक्‍याला दो़नाङ तेरकीन च्‍योक्‍रे, तीतोसगी सेम नाङदु खीकी क्षीला होदे दो़नाङ ॱनाङा जेगीन, को़न्‍क्षोकला काटीन्‍क्षे श्‍युवाहीन।

२ कोरीन्‍थुपा 8:23

धेनी तीतोस नी, रोवा धाङ खेक्‍याला श्‍याप्‍तोक पुयेगी क्षीदु ङी लेरोक लाक। धेनी होरी पी़न श्‍येम्‍माक्‍या नी, मास्‍यीकागी शीजे हीन्‍गीन क्षो़छोकक्‍याई भाङछेनक्‍या लाक।

गालातीयापा 1:18

धेनी लो सुम स्‍याम्‍ने, ङा येरुसालेमदु पेटोला थुक्‍तु सोवी धेनी खी़मुला श्‍याक्‍मो चेङा धेबी।

गालातीयापा 2:13

धेनी खी़मुला श्‍येम्‍मा याहुदापाक्‍यागीया देरे शोक झ्‍येवालाक। धेनी खुङक्‍याई शोकगी, बारनाबाला ॱली़री ठीक्‍पालाक।

गालातीयापा 2:3

धा ङीमुला हो़गीन तीतोस गीरीक मी हीन्‍ना, खोला सी़या पाउ चेगीन ॱरो ॱरुङ ॱनेरी उजुक माझ्‍येजुङ।

गालातीयापा 2:9

धेनी क्षो़छोकगी कावा चीगीन, याकोब धाङ पेटो धाङ योहान्‍नागी को़न्‍क्षोकगी ङाला ॱनाङगीन क्षाक्‍लेगो ॱहाघोरती, ङा धाङ बारनाबाला खुङक्‍याई लेरोक झ्‍यीयेला खेलेन्‍जुङ। धेनी हेक्‍या याहुदापा मेन्‍गीन मीरीकक्‍या चारु धाङ खुङक्‍या याहुदापाक्‍या खोक्‍दु डोये थाक चो़पालाक।

कोलोसेपा 4:10

चो़न्‍खाङ नाङदु ङी रोवा आरीस्‍तारकु धाङ बारनाबागी छाउ मारकुगीयाः, खेक्‍याला छाम्‍डी श्‍यी़क। (मारकुगी कोरला ङी खेक्‍याला एन्‍दुरु स्‍येसाहो़क। धेनी खो खीकीचारु हुङना खोला नाङला सी़।)

तीतोस 1:4

ङीमुला धेपा च्‍यीक्‍पा हो़गीन, ङी ॱङोन्‍नेगी भीजा तीतोसला, दे यीक ढीयाहीन। याप को़न्‍क्षोक धाङ होराङला थारपा ॱनाङगीन येशु मास्‍यीकागी, ख्‍यो़ला थुक्‍जे धाङ श्‍यीदे ॱनाङास्‍योक।