गालातीयापा 1:9 - ॱलोवा

⁹ हीकी एम्‍मा ॱनागीन च्‍योक्‍रे, धान्‍दा ङा धाब्‍ले ॱनाहीन, खेक्‍यागी खेलेन्‍ला ताम्‍शाङने मेडावा श्‍येम्‍मा सु च्‍यीकगीया खेक्‍याला स्‍येना, होदेला को़न्‍क्षोकगी छेपा फोक्‍वास्‍योक।

गालातीयापा 1:9 Iomraidhean Croise

जेपा 18:23

ङीमा आरुङ माङा होदुरु धेसारती, खो गालातीया धाङ फारुगीया लुङबागी साजाक्‍या झ्‍युरी सोवालाक। धेनी होदे साजाक्‍याला हो़गीन धेपा-झ्‍यीगीनक्‍या, धेपाला स्‍युक्‍क्षेरु तारी सोवालाक।

रोमापा 16:17

पी़नक्‍याओ, खेक्‍याला ॱलाप्‍ला क्षो़गी तावाने श्‍येम्‍मा ॱलाप्‍ती, खेक्‍या घुङदु टुक्‍कीन धाङ काल्‍ले घाक्‍वा शोगीन, मीक्‍याने शाप-शाप झ्‍यी धेनी खुङक्‍याने डारी धो़क ॱनेरी, ङा खेक्‍याला श्‍योवा पुलाहीन।

रोमापा 9:3

धेनी ङा ङाराङगी रीग्‍यु च्‍यीक्‍पा हीन्‍गीन पी़न्‍दाक्‍याई दो़न्‍दु, ङा ङाराङला ॱमेमो फोक्‍ये धाङ मास्‍यीकाने खा डायेगी दो़पाः झ्‍यी थुक्‍येहो़क।

२ कोरीन्‍थुपा 1:17

ङी देरे दो़पा झ्‍यीगीनगो तेन्‍पो मेगीन च्‍योक्‍रे दुक्‍ये? याङना धी़ च्‍यीकला राङ “लाक, लाक” धेनी “मालाक, मालाक” ॱनेरी जीक्‍तेनगी मीक्‍या च्‍योक्‍रे, ङी क्षास्‍यीक्‍या शो़ दुक्‍ये?

फीलीप्‍पीपा 3:1

ङी पी़नक्‍याओ, चोवोगी नाङ घाटो झ्‍यी। खेक्‍याला च्‍योई लाब दे धाब्‍ले ढीक्‍येला, ङा ॱना ॱमीसी़न्‍दा। धेनी दे खेक्‍याई ॱरुङक्‍योपगी क्षीला लाक।

फीलीप्‍पीपा 4:4

खेक्‍या चोवोला तेन्‍दी, नाम्‍हीना घाटो झ्‍यी। ङा धाब्‍ले ॱनाहीन, घाटो झ्‍यी।