5 ग्युने ग्युन्दु को़न्क्षोकला शीजे हुङास्योक। आमेन।
धेनी ङी खेक्याला ॱलाप्कीन का घीरी ॱरुङयेला, खुङक्याला ॱलोप। धेनी थागी धी़ थुक्पे नाम्हीना, ङा खेक्यामुला हो़क ॱनेरी ॱहाघोरा झ्यी।”
हेला छो़ताला छी़दु ॱमाच्युक्रो जे, हीना ङेन्पागोने, हेला थारपा जे। ग्यासी, वाङ धाङ शीजे नी, ग्युने ग्युन्दु खेराङगी हीन। आमेन।’
“थोस्योकला श्युक्कीन को़न्क्षोकला तो़टा, धेनी जाम्बुलीङदु खोङबा थुक्ङेउ जेगीन मीक्याला श्यीदे हुङास्योक।”
घीझ्येरी ॱनाना घीरी खोङगी को़वालाक। धेनी घीरी खोङगी थोक्ने खोङगी क्षीला झ्युवालाक। खोङला शीजे ग्युने ग्युन्दु हुङवास्योक। आमेन।
कुन खेन्गीन को़न्क्षोक च्यीक्पोला, येशु मास्यीकागी थोक्ने ग्युने ग्युन्दु शीजे हुङवास्योक। आमेन।
होझ्येरी शामागी ङी पी़नला धीक्पा झ्यीदु च्युक्ना, ङा खोला धीक्पे नाङ छी़दु ॱमीच्युक्येगी क्षीदु नामा स्या मेशा।
दे नी मास्यीकाला रेवा झ्यीगीन हे धाङस्योकक्याई को़न्क्षोकगी शीजेला, तो़पा हुङयेगी क्षीला लाक।
होरी को़न्क्षोक धाङ यापला, ग्युने ग्युन्दु शीजे हुङास्योक। आमेन।
धी़ तेन्दु ॱनेगीन ग्यावु, जोक्ये मेगीन, ॱमीकगी थोङ ॱमीथुप्कीन को़न्क्षोक च्यीक च्यीक्पोला, ग्युने ग्युन्दु कुरती धाङ तो़पा झ्युङवास्योक। आमेन।
चोवोगी ङाला ज्यावा ङेन्पा घीरीने क्योप जेगीलाक धेनी खोङबागी नाम्खे ग्यासीगी क्षीला, ङाला थारपा जेगीलाक। खोङबाला ग्युने ग्युन्दु शीजे हुङास्योक। आमेन।
राङगी थुकोङ डुप्येगी क्षीदु, खेक्याला दो़न शाङा घीरी ॱनाङास्योक। धेनी ग्युने ग्युन्दु शीजे हो़गीन येशु मास्यीकागी थोक्ने, खोङबा को़न्क्षोकला थुक्ङेउ हो़गीन लेगागो, खेक्या नाङ जेदास्योक। आमेन।
धी़ तेन्दु वाङ खोङबागी हुङास्योक। आमेन।
हीना होरी चोवो धाङ क्याम्गो़न येशु मास्यीकागी थुक्जे धाङ स्येयो़नला छारलुङ झ्येरी सोङ। खोङलाराङ धान्दा धाङ थामे ङीमा थुक्पे, शीजे हुङास्योक। आमेन।
खोङबा होरी क्याम्गो़न धाङ को़न्क्षोक च्यीक च्यीक्पोला, होरी चोवो येशु मास्यीकागी थोक्ने, शीजे धाङ ॱङेन्डाक धाङ नी़थु धाङ आङजा, कावा घीरीगी एम्माने धान्दा धाङ ग्युने ग्युन थुक्पे हुङास्योक। आमेन।
खोङबागी सुङकेक क्षेला सुवालाक, “को़न्क्षोकला जीक्नाङ झ्यी धेनी तो़पा पु घीझ्येरी ॱनाना खोङबागी ठीम्चो़गी धी़चो़गो ॱलेप्दुक। नाम्खे श्यीङखाम धाङ साश्यी धाङ ग्याछो धाङ क्षु क्षुमीकक्या को़ जेगीन, खोङबाला क्षाक्क्षो़पा पु।”
खोङबाक्या सुङकेक क्षेला देरे सुङी हो़तालाक, “सेसा लुक्टुगोला, वाङ धाङ नोर धाङ स्येराप धाङ स्युक, धेनी कुरती धाङ शीजे धाङ तो़पा थोप घोयेदुक।”
“आमेन। तो़पा धाङ शीजे, स्येराप धाङ काटीन धाङ कुरती, वाङ धाङ नी़थु, होरी को़न्क्षोकला ग्युने ग्युन्दु हुङवास्योक। आमेन।”
