गालातीयापा 1:18 - ॱलोवा

¹⁸ धेनी लो सुम स्‍याम्‍ने, ङा येरुसालेमदु पेटोला थुक्‍तु सोवी धेनी खी़मुला श्‍याक्‍मो चेङा धेबी।

गालातीयापा 1:18 Iomraidhean Croise

योहान्‍ना 1:42

धेनी खी़ सीमोनला येशु डुङदु ठीक्‍ती होवालाक। येशुगी खोला शीक्‍ती सुवालाक, “ख्‍यो़ योहान्‍नागी भीजा सीमोन लाक धेनी ख्‍यो़ला केफास ॱनेरी भो़गीलाक।” (केफासला पेटो ॱनालाक धेनी होदे मीङ ॱङीगारागी दो़नगो “फोङगीङ” लाक।)

गालातीयापा 2:11

हीना पेटो (केफास) आन्‍तीयोक ग्‍याजारु होरी, ङी खोला दोङदुराङ खाते झ्‍येवी घीझ्‍येरी ॱनाना खी़ मेढाङा झ्‍येवालाक।

गालातीयापा 2:14

धेनी खुङक्‍याई लेगा दे, ताम्‍शाङगी धेन्‍पाला ॱमीथी़न्‍गीनगो थोरी, ङी घीरीगी दोङदु पेटोला ॱनेवी, “ख्‍यो़ याहुदापा झ्‍येरीया याहुदापा च्‍योक्‍रे मेन्‍दा, याहुदापा मेन्‍गीन मीरीक च्‍योक्‍रे मीछे पी़ना, याहुदापा मेन्‍गीन मीरीकक्‍याला याहुदापा च्‍योक्‍रे मीछे पी़ ॱनेरी, ख्‍यो़ घाङ झ्‍येरी उजुक ग्‍याप थुक्‍वाले?”

गालातीयापा 2:7

धा पेटोला याहुदापाक्‍याला ताम्‍शाङ स्‍येये गेन ॱनाङगीन च्‍योक्‍रे, ङालाः याहुदापा मेन्‍गीन मीरीकक्‍याला ताम्‍शाङ स्‍येये गेन ॱनाङनागो खुङक्‍याई थोजुङ।

गालातीयापा 2:9

धेनी क्षो़छोकगी कावा चीगीन, याकोब धाङ पेटो धाङ योहान्‍नागी को़न्‍क्षोकगी ङाला ॱनाङगीन क्षाक्‍लेगो ॱहाघोरती, ङा धाङ बारनाबाला खुङक्‍याई लेरोक झ्‍यीयेला खेलेन्‍जुङ। धेनी हेक्‍या याहुदापा मेन्‍गीन मीरीकक्‍या चारु धाङ खुङक्‍या याहुदापाक्‍या खोक्‍दु डोये थाक चो़पालाक।