एफीसुपा 6:9 - ॱलोवा

⁹ दाक्‍पोक्‍याओ, राङगी ढेन्‍योकक्‍याला देरेराङ चो़पा झ्‍यी धेनी नाम्‍खे श्‍यीङखामदु खे ॱङीगाराला ॱयेवा मेजेगीन खे ॱङीगारागी दाक्‍पो श्‍युक हो़तालाक ॱनेरी स्‍येरी, राङगी ढेन्‍योकक्‍याला जीक्‍नाङ ॱमाकु।

एफीसुपा 6:9 Iomraidhean Croise

मेथा 22:10

धेनी होदे ॱयोक्‍पोक्‍या लाम्‍गाक्‍याला सोरी ॱङेगीन मी शाङा धाङ ङेन्‍पा घीरीला रुक्‍पालाक। धेनी क्षाङसागी डो़न्‍खाङगो खावालाक।

मेथा 22:8

“धेनी खी़ खोरी ॱयोक्‍पोक्‍याला ॱनेवालाक, ‘क्षाङसागी डो़नगो डाढीक दुक हीना भो़पा डो़न्‍पोक्‍या, दुरु हुङरीन खाये मीदुक।

मेथा 24:48

हीना ॱयोक्‍पो ङेन्‍पागी़ खोरी दाक्‍पो गोरा ॱलेप्‍टु साम्‍दी,

मेथा 24:51

धेनी खी़ खोला दुबु-दुबुला चेदी शोक्‍पोक्‍याई, मुला मीक्‍या ङुगीन धाङ सो ढीक्‍कीन साजारु ॱयुक्‍कीलाक।”

मेथा 7:12

“होझ्‍येरी मी श्‍येम्‍मागी खेक्‍याला घारे झ्‍यीगीनगो दो़दी, होदेरेराङ श्‍येम्‍माक्‍याला झ्‍यी। देराङ क्षो़ठीम धाङ ॱङो़नस्‍येखेनक्‍याई तो़न्‍गीनगी दो़न दोरधी़गो लाक।

लुका 6:31

श्‍येम्‍मागी ख्‍यो़ला घारे झ्‍यीगीनगो दो़दी, होदेरेराङ खुङक्‍याला झ्‍यी।

योहान्‍ना 13:13

खेक्‍या ङाला ॱलोपो़न धाङ चोवो ॱनेरी ॱनालाक। होदे खेक्‍या धेन्‍पा ॱनालाक। घीझ्‍येरी ॱनाना ङा होगोराङ हीन।

जेपा 10:34

धेनी पेटोगी गो चुक्‍पालाक, “को़न्‍क्षोकगी सुलाः ॱयेवा मेजेदालाक ॱनेरी, धा ङी ॱङोन्‍ने ॱहाघोजुङ।

रोमापा 2:11

घीझ्‍येरी ॱनाना को़न्‍क्षोकगी क्षोक्‍री मेजेदालाक।

१ कोरीन्‍थुपा 1:2

कोरीन्‍थुरु हो़गीन, को़न्‍क्षोकगी क्षो़छोक धाङ मास्‍यीका येशुगी थोक्‍ने, को़न्‍क्षोकगी धाम्‍पा जेजा धाङ धाम्‍पे मी झ्‍युङयेला भो़पाक्‍यामुला साजा हो़लेने, खुङक्‍या धाङ होरी चोवो हीन्‍गीन होरी चोवो येशु मास्‍यीकागी छेन भो़गीन घीरीला,

१ कोरीन्‍थुपा 7:22

घीझ्‍येरी ॱनाना चोवोगी नाङ भो़ली घाङला, ढेन्‍योक हो़गीनगो धा चोवोगी राङवाङगी मी झ्‍यु हो़तालाक। होदेरेराङ झ्‍येरी चोवोगी भो़ली घाङला राङवाङ हो़गीन मीगो, धा मास्‍यीकागी ढेन्‍योक झ्‍यु हो़तालाक।

कोलोसेपा 3:25

हीना ङेन्‍पा झ्‍यीगीनला ङेन्‍पे ढेबु थोप्‍कीलाक। को़न्‍क्षोकगी क्षोक्‍री मेजेदालाक।

कोलोसेपा 4:1

खे दाक्‍पोक्‍याओ, नाम्‍खे श्‍यीङखामदु खेक्‍यालाः दाक्‍पो हो़तालाक ॱनेरी स्‍येरी, राङगी ढेन्‍योकला ढाङपो धाङ ॱयेवा मेगीन चो़पा झ्‍यी।

याकोब 2:13

घीझ्‍येरी ॱनाना श्‍येम्‍माला ॱङीङजे मीझ्‍यीगीनला, ॱङीङजे मेगीन ठीम फोक्‍कीलाक। ठीम्‍चो़गी खाला ॱङीङजेगी ग्‍यालालाक।

याकोब 2:8

सुङरापला, “खेक्‍याई राङगी खीम्‍चेला राङला च्‍योक्‍रे, चेवा झ्‍यी” सुरी सुङसा ग्‍यावुगी का दे ॱङोन्‍ने डुप्‍तु च्‍युक्‍ना, खेक्‍याई शाङा झ्‍यीदालाक।

याकोब 5:4

तो़दाङ, खीकी श्‍यीङ ॱङागीनक्‍याई ॱलागोला खीकी ॱहाबा झ्‍येरी, खुङक्‍या दुकेक ग्‍यावी धेनी ॱङागीनक्‍याई दुकेकगो कुवाङ चोवोगी सेन्‍दुक।