एफीसुपा 6:5 - ॱलोवा

⁵ ढेन्‍योकक्‍याओ, खेक्‍या मास्‍यीकागी काला ङेन्‍गीन च्‍योक्‍रे, सेम ढाङपोगी गोने जीक्‍नाङ धाङ घुस्‍याप झ्‍येरी, जीक्‍तेनगी राङगी दाक्‍पोक्‍याई काला ङेन।

एफीसुपा 6:5 Iomraidhean Croise

मेथा 6:22

“ॱमीक नी ली़गी मारमे लाक। होझ्‍येरी ख्‍यी़ ॱमीक थाङा हो़ना, ख्‍यी़ ली़ घीरी हो़गी खाङगीलाक।

मेथा 6:24

“मी च्‍यीक दाक्‍पो ॱङीगी ॱयोक ग्‍युक ॱमीथुवालाक घीझ्‍येरी ॱनाना ख्‍यी़ च्‍यीकला दाङा झ्‍यीना, श्‍येम्‍मागोला चेवा झ्‍यीगीलाक। याङ च्‍यीकला ॱलो काना, श्‍येम्‍मागोला थोङछुङ झ्‍यीगीलाक। ख्‍यो़ को़न्‍क्षोक धाङ ॱङु ॱङीगारागी ॱयोक ग्‍युक ॱमीथुक्‍वालाक।

मेथा 8:9

घीझ्‍येरी ॱनाना ङा श्‍येम्‍मागी वाङ होकदु हो़क धेनी ङी होक्‍दुवा ॱमाक्‍मीक्‍या हो़तालाक। ङी ॱमाक्‍मी च्‍यीकला, ‘सोङ’ ॱनाना खो डोवालाक धेनी श्‍येम्‍मा च्‍यीकला, ‘छुला स्‍योक’ ॱनाना हुङालाक धेनी ङी ॱयोक्‍पोला, ‘दे झ्‍यी’ ॱनाना, खी़ होदे झ्‍यीदालाक।”

जेपा 2:46

धेनी ङीमा च्‍योई खुङक्‍या क्षो़खाङदु जोमालाक। धेनी नाङ-नाङदु जोम्‍दी, ङ्यामो घेरी क्षाबोमा झ्‍येरी शामा शालाक।

रोमापा 9:3

धेनी ङा ङाराङगी रीग्‍यु च्‍यीक्‍पा हीन्‍गीन पी़न्‍दाक्‍याई दो़न्‍दु, ङा ङाराङला ॱमेमो फोक्‍ये धाङ मास्‍यीकाने खा डायेगी दो़पाः झ्‍यी थुक्‍येहो़क।

१ कोरीन्‍थुपा 2:3

ङा खीकीचारु क्‍योवा झ्‍युरी, ॱमीच्‍यीकी जीक्‍ती धाङ दारती होवी।

१ कोरीन्‍थुपा 7:22

घीझ्‍येरी ॱनाना चोवोगी नाङ भो़ली घाङला, ढेन्‍योक हो़गीनगो धा चोवोगी राङवाङगी मी झ्‍यु हो़तालाक। होदेरेराङ झ्‍येरी चोवोगी भो़ली घाङला राङवाङ हो़गीन मीगो, धा मास्‍यीकागी ढेन्‍योक झ्‍यु हो़तालाक।

२ कोरीन्‍थुपा 1:12

हीकी ङोम्‍सो झ्‍यीयेगी दो़न नी, दे जीक्‍तेनगी मीक्‍यामुला हीकी चो़पा धाङ ॱमीक्‍सेदु खेक्‍यामुला हीकी ढेवा नी, को़न्‍क्षोकने झ्‍युङगीन सेम ढाङपो धाङ चाङमा थोक्‍ने हीन्‍गीनगो, हीकी स्‍येयो़नगीराङ पाङपो झ्‍यीदालाक। दे नी जीक्‍तेनगी स्‍येरापगी थोक्‍ने मेन्‍दा, को़न्‍क्षोकगी थुक्‍जे थोक्‍ने झ्‍युवालाक।

२ कोरीन्‍थुपा 7:15

खेक्‍या घीरीगी खी़ खाला ङेन्‍गीन धाङ खेक्‍याई खोला जीक्‍टा धाङ दारती सी़याङ श्‍यी़गीनगो ढेन्‍दी घाङला, खेक्‍याई क्षीदु खी़ चेवागो ॱयोल्‍ले माङा फेदुक।

एफीसुपा 5:22

केमीक्‍याओ, खेक्‍या चोवोगी काला ङेन्‍गीन च्‍योक्‍रे, राङगी ख्‍योवागी खाला ङेन।

एफीसुपा 6:24

होरी चोवो येशु मास्‍यीकाला धी़ ताक्‍दु चेवा झ्‍यीगीनक्‍याला, को़न्‍क्षोकगी थुक्‍जे थोप्‍पास्‍योक।

फीलीप्‍पीपा 2:12

होझ्‍येरी ङी चेवेक्‍याओ, खेक्‍याई च्‍योई ङी खाला ङेन्‍गीन च्‍योक्‍रे, ङा हो़ती घाङला च्‍यीगा मेन्‍दा, हीना देले ल्‍हाक ङा मेताराङ, खेक्‍या जीक्‍नाङ धाङ घुस्‍यापगी थोक्‍ने, राङगी थारपागी क्षीला काल्‍ले ग्‍योप।

फीलेमोन 1:16

धा देने ॱहाला खो ढेन्‍योक मेन्‍दा, हीना ढेन्‍योकले ल्‍हाक चेवे पी़न च्‍योक्‍रे लाक। ॱमीक्‍सेदु ङी क्षीदु हीना ख्‍यी़ क्षीदु खो देने ल्‍हाक ढेन्‍योक धाङ चोवोगी नाङ चेवे पी़न लाक।

१ पेटो 3:2

खेरी चो़पा चाङमा धाङ घुस्‍याप हो़गीनगो, थोरी खुङक्‍या ग्‍युर सीगीलाक।