एफीसुपा 6:20 - ॱलोवा

²⁰ ताम्‍शाङ देगी दो़न्‍दु च्‍याक्‍डोकगी धाम्‍दी श्‍याकश्‍या, ङा कुछाप च्‍यीक हीन धेनी ङी स्‍ये घो़गीन ताम्‍शाङगो ॱङीङक्षे झ्‍येरी स्‍ये थुप्‍पास्‍योक ॱनेरी, ॱमो़लाम श्‍यी़।

एफीसुपा 6:20 Iomraidhean Croise

जेपा 21:33

धेनी होदे ॱमाक्‍पो़नगी पाउलुला शीम्‍दी च्‍याक्‍थाक ॱङीगी खोला दोम ॱनेरी, का तेरती मीक्‍याला ढीवालाक, “मी दे सुले धेनी खी़ घी झ्‍येजो?”

जेपा 26:29

पाउलुगी ॱनेवालाक, “ग्‍योवा हीन्‍ना धाला हीन्‍ना, दे च्‍याकक्‍या च्‍यीगा माना, श्‍येम्‍मा खेराङ धाङ धीरीङ दुरु ङाला ङेन्‍गीन घीरी ङा च्‍योक्‍रे हुङवास्‍योक ॱनेरी, ङा को़न्‍क्षोकला ॱमो़लाम ग्‍यावाहीन।”

जेपा 28:20

होझ्‍येरी ङा खेराङक्‍याला थुक्‍ती लाब झ्‍यीयेला भो़वी। ईस्‍राएलगी रेवा झ्‍यीगीनगी क्षीला, ङा देरे झ्‍येरी च्‍याक्‍थाकला धाम्‍गो़ थुक्‍सुङ।”

जेपा 28:31

खी़ को़न्‍क्षोकगी ग्‍याखापगी कोरला सेटाक धाङ चोवो येशु मास्‍यीकागी कोरला, क्षो़ ॱङीङक्षे झ्‍येरी स्‍येपालाक। धेनी सी़या खोला काक्‍ये थापस्‍यी माझ्‍येवालाक।

जेपा 5:29

धेनी पेटो धाङ कुछापक्‍याई ॱनेवालाक, “हेक्‍या मीक्‍याई मालाक हीना को़न्‍क्षोकगी का चीलालाक।

२ कोरीन्‍थुपा 3:12

हीकी रेवा देरे हो़गीन झ्‍येरी, हेक्‍या ॱमीच्‍यीकी ॱलोगोक क्षे झ्‍येरी ॱनीहो़क।

२ कोरीन्‍थुपा 5:20

होझ्‍येरी हेक्‍या मास्‍यीकागी कुछापक्‍या लाक धेनी को़न्‍क्षोकगी हेक्‍याई थोक्‍ने, मीक्‍याला कुला जेदालाक। हेक्‍या मास्‍यीकागी छाप्‍ने खेक्‍याला को़न्‍क्षोकमुला दुमा झ्‍यी ॱनेरी, श्‍योवा पुलाहीन।

एफीसुपा 3:1

होझ्‍येरी ङा पाउलु, ख्‍ये याहुदापा मेन्‍गीनक्‍याई दो़न्‍दु, मास्‍यीका येशुगी चो़न्‍पा हीन।

एफीसुपा 4:1

होझ्‍येरी, चोवोगी चो़न्‍पा ङा पाउलु, खेक्‍याला श्‍योवा देक्‍या पुलाहीन, को़न्‍क्षोकगी खेक्‍याला भो़ जेजागोला तेन थुप्‍कीन मीछे क्‍यो।

एफीसुपा 6:19

धेनी ताम्‍शाङगी साङवागो ॱङीङक्षे झ्‍येरी सेटाक झ्‍यी थुप्‍येला, ङी खा पेली घाङला काक्‍या ॱनाङास्‍योक ॱनेरी ङी क्षीला ॱमो़लाम श्‍यी़।

फीलीप्‍पीपा 1:20

ङी सेम नाङगी दो़पा धाङ रेवा नी, ङाला ङोजा पाप्‍कीन घाने मीझ्‍युङवा, हीना ॱङीङक्षे झ्‍युरी सो़न्‍पो याङना छीवा हो़ना, ङी ली़ नाङ च्‍योक्‍ई च्‍योक्‍रे, धान्‍दा मास्‍यीकागी घुस्‍याप झ्‍युङये लाक।

फीलीप्‍पीपा 1:7

खेक्‍या ङी सेम नाङदु झ्‍येरी खेक्‍या घीरीगी कोरला, देरे छोरनाङ केये दे ङी क्षीदु धेन्‍पा दुक। ङा चो़न्‍खाङदु हो़ती घाङला याङना ताम्‍शाङला ॱरुङक्‍योप धाङ धेन्‍पाङ झ्‍यीदी घाङला, खेक्‍या घीरी ङीमुला को़न्‍क्षोकगी थुक्‍जे थोप हो़तालाक।

कोलोसेपा 4:3

मास्‍यीकागी साङवागो स्‍येयेला, को़न्‍क्षोकगी हेक्‍याला कागी क्षीदु घो पेवास्‍योक ॱनेरी, हीकी क्षीलाः ॱमो़लाम ग्‍योप। दो़न दी क्षीदु ङा चो़न्‍खाङदु हो़क।

कोलोसेपा 4:4

ङी स्‍येघोगीन साङवागो सावो झ्‍येरी, सेटाक झ्‍यी थुप्‍येला ॱमो़लाम ग्‍योप।

१ थेसालोनीकेपा 2:2

हेक्‍याई फीलीप्‍पीरु दुक्‍पु धाङ ॱमेटा ङ्याङगीनगो, खेक्‍याला स्‍येये हो़तालाक हीना ङोलोक स्‍युक्‍क्षेगी खोक्‍ने, को़न्‍क्षोकगी ताम्‍शाङ खेक्‍याला ख्‍याप्‍टाक झ्‍यीयेला, को़न्‍क्षोकने हेक्‍याला ॱङीङतोप जोरजुङ।

२ तीमोथेउ 1:16

चोवोगी ओनीसीफोरुगी नाङमीला थुक्‍जे शीयास्‍योक घीझ्‍येरी ॱनाना खी़ ङाला थेङ माङक्षे सेमस्‍युक पारजुङ धेनी ङा चो़न्‍पा हीन्‍गीनगोला ङोजा माझ्‍येजुङ।

२ तीमोथेउ 2:9

ताम्‍शाङ दी दो़नला ङा मी नाक्‍चेन च्‍योक्‍रे, च्‍याक्‍डोकगी दाम्‍दी दुक्‍पु ङ्याङी हो़क। हीना को़न्‍क्षोकगी का मादाम हो़तालाक।

फीलेमोन 1:10

ङी भीजा च्‍योक्‍रे हीन्‍गीन ओनीसीमुगी दो़न्‍दु रेभो़ श्‍युवाहीन। चो़न्‍खाङदु ङा खी़ आकी झ्‍युवालाक।

फीलेमोन 1:9

झाम्‍पे केनगी ङा ख्‍यो़ला श्‍योवा पुलाहीन, ङा मी घेबो पाउलु, मास्‍यीका येशुगी दो़न्‍दु चो़न्‍पा च्‍यीक,

१ योहान्‍ना 3:16

येशु मास्‍यीकागी राङगी कुसोक, होरी क्षीला ॱलो़ ताङा जेपालाक। दी गोनेराङ, झाम्‍पा घी हीन्‍गीनगो होरी स्‍येलालाक। धेनी होराङक्‍यागीया राङगी पी़नक्‍याई क्षीला राङगी ॱरोक ॱलो़ ताङघो़।

युदा 1:3

चेवे पी़नक्‍याओ, होराङ घीरीला थोप्‍था थारपागी कोरला, ङी खेक्‍याला ढीक्‍ये ॱमीच्‍यीकी थेहो़नाः, को़न्‍क्षोकगी राङगी धाम्‍पे मीक्‍याला लेन च्‍यीकदु ॱनाङना, धेपागो ॱरुङक्‍योप झ्‍यी ॱनेरी, श्‍योवा पुयेला, ङी खेक्‍याला दे यीक दे ढीक घो़जुङ।