एफीसुपा 6:19 - ॱलोवा

¹⁹ धेनी ताम्‍शाङगी साङवागो ॱङीङक्षे झ्‍येरी सेटाक झ्‍यी थुप्‍येला, ङी खा पेली घाङला काक्‍या ॱनाङास्‍योक ॱनेरी ङी क्षीला ॱमो़लाम श्‍यी़।

एफीसुपा 6:19 Iomraidhean Croise

जेपा 13:46

हीना पाउलु धाङ बारनाबागी ॱयोल्‍ले जीक्‍टा ॱमीझ्‍यीदा ॱनेवालाक, “खेक्‍याचारु एन्‍ला को़न्‍क्षोकगी का स्‍येघोये हो़क हीना खेराङक्‍याई माङेन्‍बालाक। खेराङक्‍या राङला थामेगीन छेसोकगो थोप्‍ये मेगीन शो़वालाक, होझ्‍येरी हेक्‍या श्‍येम्‍मा मीरीकगी मीक्‍याचारु डोवालाक।

जेपा 14:3

होझ्‍येरी पाउलु धाङ बारनाबा, होदे ग्‍याजारु ङीमा माङा धेपालाक। खुङ ॱङीउगी ॱङीङक्षे झ्‍येरी चोवोगी थुक्‍जेगी कोरला क्षो़ स्‍येपालाक। धेनी चोवोगी खुङक्‍याला ॱहाङसागीन ताक धाङ लेगाक्‍या झ्‍यीयेला स्‍युक ॱनाङदी, खुङक्‍याई स्‍येगीन लाबगो धेन्‍पा लाक ॱनेरी पाङपो ॱनावालाक।

जेपा 18:26

खो याहुदापाक्‍याई छोक्‍खाङला ॱमीच्‍यीकी ॱङीङक्षे झ्‍येरी ॱलापच्‍या तेरालाक। हीना खी़ ॱलापच्‍या ङेन्‍दी, पीरीस्‍कीला धाङ आकुलागी खोला नाङदु ठीक्‍ती खोला को़न्‍क्षोकगी लामगी कोरला स्‍येदी, धोराङा साला ॱहाघोतु च्‍युक्‍पालाक।

जेपा 19:8

दावा सुम थुक्‍पे पाउलु याहुदापाक्‍याई छोक्‍खाङला सोरी, ॱङीङक्षे झ्‍येरी मीक्‍याला क्षो़ स्‍येपालाक। खी़ मीक्‍याला को़न्‍क्षोकगी ग्‍याखापगी कोरला चो़लीङ झ्‍येरी, खुङक्‍याला धेपाला खेरती हुङये थापस्‍यी झ्‍येवालाक।

जेपा 2:4

धेनी खुङक्‍या घीरी धाम्‍पे थुक्‍ङीगी खावालाक धेनी धाम्‍पे थुक्‍ङीगी केरीक श्‍येम्‍मा श्‍येम्‍माला लाब ताङयेला, खुङक्‍याला रोवा जेपालाक।

जेपा 28:31

खी़ को़न्‍क्षोकगी ग्‍याखापगी कोरला सेटाक धाङ चोवो येशु मास्‍यीकागी कोरला, क्षो़ ॱङीङक्षे झ्‍येरी स्‍येपालाक। धेनी सी़या खोला काक्‍ये थापस्‍यी माझ्‍येवालाक।

जेपा 4:13

धेनी छोक्‍पागी मीक्‍याई पेटो धाङ योहान्‍ना क्षो़ माढोक्‍टा धाङ मी ॱङ्यामच्‍युङा झ्‍युरीयाः, खुङ ॱङीउ ॱमीच्‍यीकी ॱङीङक्षे झ्‍यीगीनगो थोरी ॱहाङसावालाक। धेनी खुङक्‍याई दे ॱङीउ येशुमुला धेपालाक ॱनेरी ॱहाघोरपालाक।

जेपा 4:29

धा चोवो, खुङक्‍याई जीक्‍टा कुगीनगोला शीया जे। खेराङगी ॱयोक्‍पोक्‍याला खेराङगी का मीज्‍यीया स्‍येयेला स्‍युक ॱनाङरोनाङ।

जेपा 4:31

खुङक्‍याई ॱमो़लाम ग्‍याप सारती, स्‍याम्‍ला खुङक्‍या धेजा सागो लीङ-लीङ झ्‍येवालाक। धेनी खुङ घीरी धाम्‍पे थुक्‍ङीगी खावालाक धेनी को़न्‍क्षोकगी का ॱलोगोक क्षे झ्‍येरी स्‍येपालाक।

जेपा 9:27

हीना बारनाबागी खोला कुछापक्‍याई दोङदु ठीक्‍ती होरी, दामासेकोगी लाम्‍गाला खी़ घाङ झ्‍येरी चोवोला ज्‍यारी, चोवोगी खोला का ॱनाङना धाङ दामासेकोरु येशुगी छेनने ॱमीच्‍यी ॱङीङक्षे झ्‍येरी, खी़ स्‍येगीनगो खुङक्‍याला स्‍येपालाक।

जेपा 9:29

धेनी खो च्‍योई गीरीक याहुदापाक्‍यामुला लाब तारी थाप्‍पालाक हीना खुङक्‍या खोला सेयेला थापस्‍यी झ्‍येवालाक।

रोमापा 15:30

पी़नक्‍याओ, होरी चोवो येशु मास्‍यीका धाङ धाम्‍पे थुक्‍ङीगी झाम्‍पागी थोक्‍ने, ङीमुला ङी काल्‍लेला को़न्‍क्षोकला ॱमो़लाम श्‍यी़ ॱनेरी, ङा खेक्‍याला श्‍योवा पुलाहीन।

रोमापा 16:25

धा को़न्‍क्षोकला शीजे हुङास्‍योक। धेनी येशु मास्‍यीकागी कोरला, ङी स्‍येगीन ताम्‍शाङगी थोक्‍ने धाङ धी़ थोक्‍माने सारी श्‍याकश्‍या, साङवा ॱङो़न्‍गीनगी थोक्‍ने, खोङबागी खेक्‍याला स्‍युक्‍क्षे जे थुक्‍वालाक।

१ कोरीन्‍थुपा 1:5

घीझ्‍येरी ॱनाना ताम ॱना घीरी धाङ स्‍येयो़न ॱना घीरीगी थोक्‍ने, खेक्‍या खोङगी नाङ क्षोक घीरीने क्षुक्‍पु जेदुक।

१ कोरीन्‍थुपा 2:7

हीना साङवादु बेरी श्‍याकश्‍या को़न्‍क्षोकगी स्‍येराप दे हेक्‍या स्‍येदाहीन। स्‍येराप दे नी, जीक्‍तेन ॱमाको़ एन्‍लानेराङ, हीकी शीजेगी क्षीला को़न्‍क्षोकगी को़वालाक।

१ कोरीन्‍थुपा 4:1

मीक्‍याई हेक्‍याला मास्‍यीकागी श्‍याप्‍चीपा धाङ को़न्‍क्षोकगी साङवे दो़नक्‍याई, ॱङेरपा च्‍योक्‍रे चीघो़।

२ कोरीन्‍थुपा 1:11

खेक्‍याई ॱमो़लामगी थोक्‍ने, हेक्‍याला रोवा झ्‍येवालाक होझ्‍येरी ॱमो़लाम माङागी थोक्‍ने, हेक्‍याला थोप्‍था झ्‍यीलापक्‍याई क्षीदु, हीकी छापला मी माङागी को़न्‍क्षोकला काटीन्‍क्षे श्‍यी़गीलाक।

२ कोरीन्‍थुपा 3:12

हीकी रेवा देरे हो़गीन झ्‍येरी, हेक्‍या ॱमीच्‍यीकी ॱलोगोक क्षे झ्‍येरी ॱनीहो़क।

२ कोरीन्‍थुपा 6:11

कोरीन्‍थुपाक्‍याओ, हीकी खेक्‍याला खा साङा झ्‍येरी ॱनेहो़क धेनी हीकी सेम खीकी क्षीदु ग्‍याक्षे शो़हो़क।

२ कोरीन्‍थुपा 7:4

खेक्‍याई खाला ङा ॱलोतेक्षे हो़क। धेनी खेक्‍याई क्षीदु, ङा ॱमीच्‍यीकी ङोम्‍सो झ्‍यीदीहो़क। ङा सेम्‍सोगी खाङहो़क। धेनी दुङा घीरीगी खोक्‍दुवाः ङा घाटो क्षे झ्‍यीदीहो़क।

२ कोरीन्‍थुपा 8:7

धा धेपा धाङ ताम धाङ स्‍येयो़न धाङ लेशाङ झ्‍यीयेगी दो़पा धाङ खेक्‍याई क्षीदु हीकी चेवा धाङ दो़न घीरीला खेक्‍या ज्‍यो़न्‍गीन च्‍योक्‍रे, थुक्‍जेगी लेगा देला खेक्‍या ज्‍यो़न्‍पो झ्‍यी।

एफीसुपा 1:9

मास्‍यीका खाला ॱनेना, खोङबागी क्षास्‍यीला तेन्‍ती, राङगी थुकोङगी साङवा दे होराङला ॱङो़न्‍तु जेपालाक।

कोलोसेपा 2:2

ङी देरे झ्‍यीगीनगी दो़न नी, खेक्‍याला सेमस्‍युक थोप्‍ती झाम्‍पागी गोने, खेक्‍या नाङ थी़न्‍डी हुङयेगी क्षीदु लाक। धेनी खेक्‍याला स्‍येयो़न छाङगोगी तेर घीरी थोबास्‍योक धेनी को़न्‍क्षोकगी साङवा नी, मास्‍यीका हीन्‍गीनगो स्‍येलास्‍योक ॱनेरी लाक।

कोलोसेपा 4:3

मास्‍यीकागी साङवागो स्‍येयेला, को़न्‍क्षोकगी हेक्‍याला कागी क्षीदु घो पेवास्‍योक ॱनेरी, हीकी क्षीलाः ॱमो़लाम ग्‍योप। दो़न दी क्षीदु ङा चो़न्‍खाङदु हो़क।

१ थेसालोनीकेपा 2:2

हेक्‍याई फीलीप्‍पीरु दुक्‍पु धाङ ॱमेटा ङ्याङगीनगो, खेक्‍याला स्‍येये हो़तालाक हीना ङोलोक स्‍युक्‍क्षेगी खोक्‍ने, को़न्‍क्षोकगी ताम्‍शाङ खेक्‍याला ख्‍याप्‍टाक झ्‍यीयेला, को़न्‍क्षोकने हेक्‍याला ॱङीङतोप जोरजुङ।

१ थेसालोनीकेपा 5:25

पी़नक्‍याओ, हीकी क्षीला ॱमो़लाम श्‍यी़।

२ थेसालोनीकेपा 3:1

थामाला पी़न्‍दाक्‍याओ, खेक्‍याई खोक्‍दु चोवोगी का ख्‍याप्‍कीन च्‍योक्‍रे, ग्‍योवा दारये धाङ शीजे थोप्‍येला हीकी क्षीला ॱमो़लाम श्‍यी़रोझ्‍यी।

१ तीमोथेउ 3:16

क्षो़सेमगी साङवा ॱमीच्‍यीकी ॱहालेवा दुक ॱनेरी, हेक्‍या खे लेन्‍दाहीन। खोङबा नी ली़ला ॱङो़न, थुक्‍ङीगी ॱनामदाक्‍पा तो़न। नाम्‍खे भाङछेनक्‍याई खोङबाला ज्‍याल, मीरीक नाङला खोङ नी डाक, जीक्‍तेनदु खोङबाला धेपा झ्‍ये, शीजेगी थोक्‍ने नाम्‍खे श्‍यीङखामला फाक।

फीलेमोन 1:22

खेक्‍यागी ॱमो़लामगी झ्‍येरी, ङा खेक्‍याचारु हुङयेगी रेवा श्‍याक्‍ती, ङी क्षीला डो़न्‍खाङ च्‍यीक डाढीक झ्‍यी।

ईब्‍रीपा 13:18

हीकी क्षीदु ॱमो़लाम ग्‍योप। धेनी हेक्‍याई स्‍येशाङ सावो धाङ दो़न घीरीला हीकी ढाङपो झ्‍यीयेगी दो़पा हो़गीनगो, हेक्‍याला तेन्‍देन स्‍येयेहो़क।