एफीसुपा 6:18 - ॱलोवा

¹⁸ धेनी धाम्‍पे थुक्‍ङीला तेन्‍ती धी़ ताक्‍दु ॱमो़लाम धाङ रेभो़ श्‍यी़। दो़न दे सेमला शीम्‍दी थाङ ॱमेक्षेदा शाप-शाप झ्‍येरी, धाम्‍पे मी घीरीगी क्षीदु ॱमो़लाम श्‍यी़।

एफीसुपा 6:18 Iomraidhean Croise

मेथा 17:21

[हीना देरे डेगो ॱमो़लाम ग्‍याप्‍ती, ॱङ्युङनेला धेती च्‍यीगा, तो़न थुक्‍कीलाक।]”

मेथा 26:41

खेक्‍या छो़ताला ॱमाली़वास्‍योक ॱनेरी, ॱङी मालोक्‍वा सोवा ग्‍योप। सेमगो नी डाढीक दुक हीना ली़गो क्‍योवा दुक।”

मारकु 13:33

होदे धी़चो़ नाम हुङगुलाक ॱनेरी, खेक्‍याला क्षा मेगीन झ्‍येरी, चाङजे झ्‍येरी ॱङी मालोक्‍वा धो़क।

मारकु 14:38

छो़ताला मास्‍योरास्‍योक ॱनेरी, माङ्या सोवा ग्‍योप। खेक्‍याई सेम डाढीक दुक हीना ली़ क्‍योवा दुक।”

लुका 21:36

हीना हुङये झ्‍यीगीन दे घीरीने थारये धाङ मी-भुगी डुङदु लारी धे थुप्‍येगी क्षीला, च्‍योई सोवा ग्‍याप्‍ती च्‍याङजे झ्‍येरी धो़क।”

लुका 22:46

धेनी खोङबागी खुङक्‍याला सुवालाक, “खेक्‍या घीझ्‍येरी ङ्यारी धेदाले? लोङ धेनी छो़ताला ॱमीछी़येगी क्षीदु सोवा ग्‍योप।”

लुका 3:26

नागे माएथगी भीजा धाङ माएथ मेत्‍ताथीयागी भीजा धाङ मेत्‍ताथीया सेमेनगी भीजा धाङ सेमेन योसेखगी भीजा धाङ योसेख योदागी भीजा धाङ

लुका 3:37

लामेख मेथुसेलाहगी भीजा धाङ मेथुसेलाह हेनोकगी भीजा धाङ हेनोक यारेदगी भीजा धाङ यारेद माहालाएलगी भीजा धाङ माहालाएल केनानगी भीजा धाङ

जेपा 1:14

खुङक्‍या घीरी ईजी नुमुक्‍या धाङ येशुगी युम मीरीयाम धाङ खोङबागी नोक्‍यामुला जोम्‍दी, सोवा ग्‍याप्‍ती धे हो़तालाक।

जेपा 10:2

खो धाङ खी़ नाङमी घीरी, क्षो़ला घागीन धाङ को़न्‍क्षोकला चीरी जीक्‍नाङ झ्‍यीगीन हो़तालाक। खो मीमाङक्‍याला ज्‍यीम्‍बा ताङालाक धेनी को़न्‍क्षोकला च्‍योई सोवा ग्‍यालाक।

जेपा 12:5

होझ्‍येरी पेटो चो़न्‍खाङदु धाक्‍पालाक हीना क्षो़छोकगी सेम तीङने, खी़ क्षीला को़न्‍क्षोकला ॱमो़लाम ग्‍याप्‍पालाक।

जेपा 6:4

धेनी हेक्‍या हेरी धी़चो़ घीरी ॱमो़लाम ग्‍याप्‍ये धाङ को़न्‍क्षोकगी का स्‍येयेला तेरयेहीन।”

रोमापा 12:12

धेनी रेवाला तेन्‍दी घाटो झ्‍यी धेनी दुक्‍पु ङ्याङी घाङला, शो़पा झ्‍यी धेनी च्‍योई ॱमो़लाम श्‍यी़।

रोमापा 8:15

याङ जीक्‍नाङगी नाङ छी़येला, खेक्‍याला ढेन्‍योकगी सेम थोप्‍पा मालाक हीना खेक्‍याला को़न्‍क्षोकगी से धाङ सेमो झ्‍युङयेगी थुक्‍ङी थोप हो़तालाक। धेनी खोङगी थोक्‍ने होराङ “आब्‍बा, याप।” ॱनेरी भो़ली घाङला,

गालातीयापा 4:6

खेक्‍या से धाङ सेमो झ्‍येरी, को़न्‍क्षोक राङगी सेगी थुक्‍ङी, होरी सेमला ताङा जेपालाक धेनी होदेगी “आब्‍बा, याप” ॱनेरी भो़लालाक।

एफीसुपा 1:16

ङी ॱमो़लामला खेक्‍याला ढो़न्‍सो झ्‍येरी, खीकी क्षीला काटीन्‍क्षे श्‍यी़येला ङी नामा ॱमाछे हो़क।

एफीसुपा 2:22

धेनी धाम्‍पे थुक्‍ङीगी थोक्‍ने, को़न्‍क्षोकगी श्‍युक्‍सा झ्‍युङयेला, खेक्‍याः खोङमुला चीक्‍ती डोवालाक।

एफीसुपा 3:18

धाम्‍पे मी घीरीमुला मास्‍यीकागी झाम्‍पागी ग्‍याछे धाङ रीङछे धाङ थोछे धाङ तीङछे, घी हीन्‍गीनगो ॱहाघोरयेगी तोप थोबा झ्‍यीये,

एफीसुपा 3:8

ङा को़न्‍क्षोकगी धाम्‍पा मीक्‍याने ॱमास्‍योकगो हीन्‍नाः मास्‍यीकागी ढाङमेगी शीजेक्षेगी ताम्‍शाङगो, याहुदापा मेन्‍गीनक्‍याला स्‍येये धाङ धेनी घीरी को़ ॱनाङगीन, को़न्‍क्षोकगी एम्‍मा धी़रापने बेरी श्‍याक जेजा साङवा दे, मी घीरीला ॱङो़न्‍दु च्‍युक्‍येगी दे थुक्‍जे दे ङाला ॱनावालाक।

एफीसुपा 6:19

धेनी ताम्‍शाङगी साङवागो ॱङीङक्षे झ्‍येरी सेटाक झ्‍यी थुप्‍येला, ङी खा पेली घाङला काक्‍या ॱनाङास्‍योक ॱनेरी ङी क्षीला ॱमो़लाम श्‍यी़।

फीलीप्‍पीपा 1:4

ङी ॱमो़लाम घीरीला, खेक्‍या घीरीगी क्षीदु ङा घाटोगी थोक्‍ने ॱमो़लाम ग्‍यावीहो़क।

फीलीप्‍पीपा 4:6

घीन्‍गी थोकला दुङा माझ्‍यी हीना ॱनेछु घीरीला, काटीन क्षे श्‍यी़री ॱमो़लाम धाङ श्‍योवागी थोक्‍ने, खेक्‍याला घो़गीन घीरी को़न्‍क्षोकला श्‍यी़।

कोलोसेपा 1:3

खीकी दो़नला ॱमो़लाम श्‍यी़ घाङला, हेक्‍या होरी चोवो येशु मास्‍यीकागी याप, को़न्‍क्षोकला च्‍योई काटीन्‍क्षे श्‍यी़हो़क।

कोलोसेपा 1:4

घीझ्‍येरी ॱनाना मास्‍यीका येशुगी खाला, खीकी धेपा धाङ धाम्‍पे मीक्‍या घीरीला खीकी चेवागी कोरला हीकी घोरहो़क।

कोलोसेपा 4:2

काटीन्‍क्षे श्‍युरी धेनी च्‍याङजे झ्‍युरी, ॱमो़लाम ॱमेक्षेदा ग्‍योप।

१ थेसालोनीकेपा 5:17

ॱमो़लाम ॱमेक्षेता ग्‍योप,

१ तीमोथेउ 2:1

धेनी धाङपोगो, ङी मी घीरी धाङ ग्‍यावुक्‍या धाङ पो़न्‍पोक्‍यागी क्षीला सोवा धाङ ॱमो़लाम धाङ श्‍योवा धाङ काटीन्‍क्षे श्‍यी़ ॱनेरी, कुलाहीन। देरे झ्‍येरी होराङ क्षोक घीरीने क्षो़सेम्‍चेन धाङ यारापचेनगी थोक्‍ने, धेवा धाङ श्‍यीझामगी मीछे पी़ थुक्‍कीलाक।

२ तीमोथेउ 1:3

ङी ङीन-छेनगी ॱमो़लामला, ख्‍यो़ला च्‍योई ढेन्‍सो़ झ्‍यीदी घाङला, ङा को़न्‍क्षोकला थुक्‍जेक्षे श्‍यी़लीहो़क। ङी धाङबी फामा च्‍योक्‍रे, खोङबाला ङा स्‍येराप शाङपोगी थोक्‍ने श्‍याप्‍ची श्‍यी़लीहो़क।

फीलेमोन 1:5

घीझ्‍येरी ॱनाना चोवो येशुला ख्‍यी़ धेपा धाङ धाम्‍पे मी घीरीगी क्षीला, ख्‍यी़ चेवे कोरला ङी घोरी।

ईब्‍रीपा 5:7

येशु जीक्‍तेनदु श्‍युक्‍वाराङ, खोङबा स्‍युम्‍ती सुङकेक क्षेगी थोक्‍ने, खोङबाला छीवाने क्‍योप थुक्‍कीन, को़न्‍क्षोकला ॱमो़लाम धाङ श्‍योवा पुवालाक। धेनी खोङगी को़न्‍क्षोकला कुरती क्षे जेगीनगी केनगी, खोङबागी ॱमो़लाम सेन्‍दा जेपालाक।

१ पेटो 4:7

दो़न घीरीगी थागो ङे ॱलेप्‍दुक। होझ्‍येरी खेक्‍या ॱमो़लाम ग्‍याप्‍येगी क्षीदुराङ, छो़ शीम्‍गीन धाङ शाप-शाप झ्‍युङघो़।

युदा 1:20

हीना चेवे पी़नक्‍याओ, खेक्‍यागो राङगी ॱमीच्‍यीकी धाम्‍पे धेपाला यारके तारी सोङ धेनी धाम्‍पे थुक्‍ङीगी गोने ॱमो़लाम ग्‍योप।