एफीसुपा 6:12 - ॱलोवा

¹² घीझ्‍येरी ॱनाना होरी ॱमाक्‍ठुक नी स्‍याठाकगी मीमुला मालाक हीना पो़न्‍रीकक्‍या धाङ वाङ झ्‍यीगीनक्‍या धेनी जीक्‍तेन देगी मी़नाकगी वाङ झ्‍यीगीनक्‍या, धाङ नाम्‍खाक्‍याला हो़गीन ङेन्‍पागी सेम्‍ङीगी ॱमाक्‍मीक्‍यामुला लाक।

एफीसुपा 6:12 Iomraidhean Croise

मेथा 16:17

धेनी येशुगी खोला सुवालाक, “योनागी भु सीमोन, ख्‍यो़ला झ्‍यीलाप थोप्‍पास्‍योक। घीझ्‍येरी ॱनाना मीने मेन्‍दा, नाम्‍खे श्‍यीङखामदु श्‍युक्‍कीन, ङी यापगीराङ ख्‍यो़ला दे तो़न जेपालाक।

मारकु 4:19

हीना जीक्‍तेनगी दुङा धाङ ग्‍युनोरला घागीन धाङ श्‍येम्‍मा ॱनाछोकगी दो़छाकगी झ्‍येरी, कागो छारतु ॱमीच्‍युक्‍कीलाक धेनी होदेने ढेबु ॱमेकेगीलाक।

लुका 13:24

“घो दोक्‍वाने जुयेला घी थुप-थुप थापस्‍यी झ्‍यी, घीझ्‍येरी ॱनाना ङा खेक्‍याला ॱनाहीन, मी माङक्षेगी होदेने जुयेगी थापस्‍यी झ्‍यीगीलाक हीना ॱमीथुप्‍कीलाक।

लुका 22:53

ङा ङीमा तेनग्‍याङ क्षो़खाङदु खेक्‍यामुला हो़ती घाङला, खेक्‍याई ङाला माशीम्‍बालाक। हीना धान्‍दा खेक्‍याई धी़चो़ लाक धेनी मी़नाकगी वाङ लाक।”

योहान्‍ना 12:31

धा जीक्‍तेनगी ठीम चो़गीनगी धी़ भाप दुक। धा दे जीक्‍तेनगी वाङग्‍युर झ्‍यीगीनगो फीला ॱयुक्‍कीलाक।

योहान्‍ना 14:30

धा ङा खेक्‍यामुला लाब युन्‍रीङा ॱमेताङ घीझ्‍येरी ॱनाना दे जीक्‍तेनगी वाङग्‍युर झ्‍यीगीनगो हुङी। ङी थोकला खोला वाङ मेतालाक।

योहान्‍ना 16:11

धेनी ठीम्‍चो़गी कोरला ॱनाना, जीक्‍तेनगी वाङग्‍युर झ्‍यीगीनगोला ठीम फोक्‍सालाक।

जेपा 26:18

ङा ख्‍यो़ला खुङक्‍याई ॱमीक पेरी, खुङक्‍याला मी़नाक्‍पाने हो़क स्‍योकला ठीक्‍ती हुङये धाङ धी़कगी आङजाने को़न्‍क्षोक चारु ठीक्‍ती हुङयेला झाङाहीन। धेनी ङाला धेपा झ्‍येरी, खुङक्‍याला खोरी धीक्‍पागी घोङपा राक्‍कीलाक धेनी खुङक्‍यालाः को़न्‍क्षोकगी मीक्‍यामुला धेये राक्‍कीलाक।’

रोमापा 8:38

घीझ्‍येरी ॱनाना छीवा याङना छे धेनी नाम्‍खे भाङछेनक्‍या याङना श्‍येम्‍मा वाङ जीन्‍खेनक्‍या धेनी धान्‍दागी दो़न याङना माउपारगी दो़न धेनी वाङक्‍या धेनी थोवा याङना ॱमावा याङना को़पा घीरीगी नाङने, घीन्‍गीया मास्‍यीका येशुगी नाङ हो़गीन को़न्‍क्षोकगी झाम्‍पाने, होराङला खा टा ॱमीथुक्‍कीलाक ॱनेरी, ङाला यीच्‍चे तेन्‍पो हो़क।

१ कोरीन्‍थुपा 15:50

धा पी़नक्‍याओ, ङा खेक्‍याला ॱनाहीन स्‍याठाकला को़न्‍क्षोकगी ग्‍यासीगी थोप्‍ताङ ॱमेथोबालाक धेनी मेताला डुगीन ली़ला मेताला मेडोगीनगी थोप्‍ताङ ॱमेथोबालाक।

२ कोरीन्‍थुपा 11:14

धेनी दे ॱहाङसागीन लाब मालाक घीझ्‍येरी ॱनाना धी़ सातानगीयाः राङला, हो़गी भाङछेन हीन्‍दोक-दोक झ्‍यीदालाक।

२ कोरीन्‍थुपा 4:4

खुङक्‍याई कोरला स्‍ये घोना, को़न्‍क्षोकगी ॱयीप हीन्‍गीन मास्‍यीकागी, शीजेगी ताम्‍शाङगो खुङक्‍याला थोङदु ॱमीच्‍युक्‍येला, दे जीक्‍तेनगी ल्‍हागी धेपा मीझ्‍यीगीनक्‍याई सेम श्‍याराक्‍या लेमो ॱमेथोङगीन शो़ हो़तालाक।

गालातीयापा 1:16

याहुदापा मेन्‍गीन मीरीकक्‍याला ताम्‍शाङ स्‍येयेगी क्षीला, खोङबागी से ङाला तो़न जेसुङ धेनी ङी छाटाक झ्‍येरी सी़मुला ढो़ माझ्‍ये,

एफीसुपा 1:21

धेनी खोङबागी मास्‍यीकाला ठीम धाङ वाङ धेनी नी़थु धाङ ग्‍यासी घीरी धेनी दे धी़रापगी च्‍यीगा मेन्‍दा, माउपारगी धी़रापला हुङगीन छेन घीरीले थो़स्‍योक को़ जेपालाक।

एफीसुपा 1:3

होरी चोवो येशु मास्‍यीकागी याप, को़न्‍क्षोकला तो़पार स्‍योक। मास्‍यीकागी थोक्‍ने, खोङबागी होराङक्‍याला नाम्‍खे श्‍यीङखामगी सेम्‍ङीगी, झ्‍यीलाप हो़लेगो ॱनाङ हो़तालाक।

एफीसुपा 2:2

होदे घाङला खेक्‍या जीक्‍तेनगी लुक्‍सो़ ङेन्‍पाक्‍या ॱरुरी, बारनाङ खामगी नी़थुक्‍याला वाङ झ्‍यीगीनला चीरी, हुरे मीछे क्‍यालालाक। धेनी सेम्‍ङी देराङ धान्‍दा को़न्‍क्षोकगी काला मेङेन्‍गीन, मीक्‍याई खाला वाङ झ्‍यीदालाक।

एफीसुपा 3:10

दे नी, क्षो़छोकगी गोने नाम्‍खे श्‍यीङखामदु हो़गीन पो़न्‍पोक्‍या धाङ वाङ झ्‍यीगीनक्‍याला, को़न्‍क्षोकगी स्‍येराप ॱनाम्‍पा ॱनाछोक धान्‍दा ॱङो़न्‍दु जेयेगी क्षीला लाक।

कोलोसेपा 1:13

को़न्‍क्षोकगी होराङला मी़नाकगी वाङने थारपा जेदी, राङगी चेवे सेगी ग्‍यासी नाङदु होराङला ठीया जेपालाक।

कोलोसेपा 2:15

धेनी को़न्‍क्षोकगी पो़न्‍पोक्‍या धाङ वाङग्‍युर झ्‍यीगीनक्‍याई लाक्‍चाक्‍या ठोक्‍वा जेदी, खुङक्‍याला मीमाङगी खोकला ॱङो़न्‍दी ङोछारु च्‍युक्‍पालाक। धेनी ग्‍याङस्‍यीङगी थोक्‍ने, खुङक्‍या घीरी खाला खोङबागी ग्‍याखा थोप जेपालाक।

२ तीमोथेउ 2:5

देरे झ्‍येरीराङ गेपा च्‍यीकगी ठीमला चीरी मीदुरना, खोला होदेगी ज्‍यागा ॱमेथोवालाक।

ईब्‍रीपा 12:1

होझ्‍येरी देरे माङा पाङपोगी ॱरीङबागी, होराङला कोरती धेता झ्‍येरी, होराङ खु ॱनाछोक धाङ लेल्‍हामोमा, गोकोर ताङगीन धीक्‍पाला पारी, होराङ होरी दोङदु श्‍याकश्‍या भाङदुरगो शो़पा झ्‍येरी भाङ ताङु।

ईब्‍रीपा 12:4

खेक्‍या धीक्‍पामुला थाप्‍पाराङ ठाक ॱली़ घोयेगी ॱनेछु थुक्‍पे, धोराङाः खेक्‍या ॱमालेप हो़तालाक।

१ पेटो 3:22

खोङबा नाम्‍खे श्‍यीङखामदु फेप्‍ती धेनी को़न्‍क्षोकगी क्षाक ॱये स्‍योकला श्‍युक हो़तालाक। धेनी नाम्‍खे भाङछेनक्‍या धाङ वाङ धाङ नी़थु हो़गीन सेम्‍ङीक्‍या, खोङबागी होकला हो़तालाक।