एफीसुपा 5:25 - ॱलोवा

²⁵ ख्‍योवाक्‍याओ, राङगी केमीक्‍याला चेवा झ्‍यी घीझ्‍येरी ॱनाना मास्‍यीकागीया क्षो़छोकला चेवा जेदी, राङगी कुसोक होदेगी क्षीला ॱलो़ ताङा जेपालाक।

एफीसुपा 5:25 Iomraidhean Croise

मेथा 20:28

होझ्‍येरी मी-भुगोवा श्‍याप्‍ची लेन्‍दु होवा मेन्‍दा, श्‍याप्‍ची श्‍युरु होवालाक धेनी मी माङागी थारपागी क्षीला, राङगी ॱरोक पुरु होवालाक।”

योहान्‍ना 6:51

ङा नी नाम्‍खे श्‍यीङखामने भाप्‍पा छेगी ग्‍याङगा हीन। धेनी ग्‍याङगा देने शागीनगो धी़ तेन्‍दु सो़न्‍पो ॱनेगीलाक। धेनी जीक्‍तेनगी छेगी क्षीला ङी तेरये झ्‍यीगीन ग्‍याङगागो, ङी ली़गी स्‍या हीन।”

जेपा 20:28

धा खेराङक्‍या राङ-राङ चाङजे झ्‍येरी धो़क धेनी धाम्‍पे थुक्‍ङीगी खेक्‍याला ची ग्‍याप्‍ती, श्‍याकश्‍या लुकक्‍याला घामोमा ॱरुङ। को़न्‍क्षोकगी क्षो़छोकगी लुक्‍जी शाङपो च्‍यीक झ्‍युरी धो़क घीझ्‍येरी ॱनाना होदे मीक्‍या चोवो येशुगी कुठाकगी ॱली़री ङ्यो़ जेपालाक।

गालातीयापा 1:4

होरी को़न्‍क्षोक धाङ यापगी थुकोङ डुप्‍येला, येशु मास्‍यीकागी होराङला धान्‍दागी धी़ ङेन्‍पाने थारतु च्‍युक्‍येला, होरी धीक्‍पाक्‍याई क्षीला राङगी कुसोक ॱलो़ तावालाक।

गालातीयापा 2:20

ङा मास्‍यीकामुला ग्‍याङस्‍यीङला स्‍यीवी। धा देने ॱहाला ङाराङ छोवा क्‍याला मेन्‍दा, मास्‍यीका ङी नाङदु छोवा क्‍यालालाक। धा धान्‍दा ङा ली़ला छोवा क्‍यागीन मीछे दे, ङाला झाम्‍पा झ्‍यीगीन धाङ ङी क्षीला राङगी कुसोक ॱलो़ ताङगीन को़न्‍क्षोकगी सेला धेपा झ्‍येरी क्‍यालाहीन।

एफीसुपा 5:2

धेनी मास्‍यीकागी होराङला झाम्‍पा जेदी, राङगी ॱरोक होरी क्षीला को़न्‍क्षोकगी डुङदु ढीस्‍यीमगी क्षो़पा धाङ ॱमारछो़ च्‍योक्‍रे झ्‍युरी, ॱलो़ ताङ जेगीन च्‍योक्‍रे, खेक्‍या झाम्‍पागी नाङने मीछे क्‍यो।

एफीसुपा 5:24

धा क्षो़छोकगो मास्‍यीकागी काला ङेन्‍गीन च्‍योक्‍रे, केमीक्‍या घीरी राङगी ख्‍योवागी खाला ङेन्‍घो़।

एफीसुपा 5:28

दुक झ्‍येरीराङ ख्‍यो़वाक्‍यागीया, राङगी केमीला राङगी ली़ हीन्‍गीन च्‍योक्‍रे, चेवा झ्‍यी घो़गीलाक। राङगी केमीला चेवा झ्‍यीगीनगी़ राङला चेवा झ्‍यीदालाक।

एफीसुपा 5:33

घीहीन्‍ना, खेक्‍या घीरीगी राङगी केमीला राङला च्‍योक्‍रे, चेवा झ्‍यीघो़ धेनी केमीगीया राङगी ख्‍योवाला चीकुर झ्‍यीघो़।

कोलोसेपा 3:19

धेनी खे ख्‍योवाक्‍याओ, राङगी केमीक्‍याला चेवा झ्‍यी धेनी खुङक्‍याला चुवा माझ्‍यी।

१ तीमोथेउ 2:6

मी घीरीगी ली़रीनगी क्षीला राङला ॱलो़ ताङगीनगो लाक। दे नी, धी़ ताक-ताकला को़न्‍क्षोकगी ॱनाङगीन पाङपोगो लाक।

१ पेटो 3:7

ख्‍योवाक्‍याओ, देरेराङ झ्‍येरी राङगी केमीमुला साम्‍लो थोङा झ्‍युरी मीछे क्‍यो। धेनी को़न्‍क्षोकगी ॱनाङना मीछेगी थुक्‍जे नाङला, ख्‍यी़मुला खुङक्‍या ग्‍युज्‍यीन हीन्‍गीन झ्‍येरी, मो रोवा क्‍योवा च्‍यीक हीन्‍ना मोला कुरती झ्‍यी। धेनी खीकी ॱमो़लामला घीयाः भारचे हुङगीमालाक।

ॱङो़न्‍पा 5:9

धेनी खुङक्‍याई तो़लु साबा च्‍यीक लेन्‍दी ॱनेवालाक, “खेराङला स्‍योक्‍टी दे ॱनुम्‍ये धाङ होदेगी थेचेक्‍या कोक थुप्‍कीन आङजा हो़तालाक, घीझ्‍येरी ॱनाना खेराङला सेपालाक, धेनी खेराङगी कुठाकगी को़न्‍क्षोकगी क्षीदु, ग्‍युपा धाङ केरीक धाङ मी धाङ मीरीकक्‍याने, मीक्‍या ङ्यो़वालाक।