21 धेनी मास्यीकाला ॱङीङकुर फी़येला फेन्छुन खाला ङेन।
देरे मीक्या धाङ देरेराङ झ्येरी काल्ले ग्याप्कीन लेरोकक्याई खाला ङेन ॱनेरी, ङा खेक्याला श्योवा पुलाहीन।
चोवोला कुरती झ्यीयेगो हेक्याई स्येगीन झ्येरी, हेक्या मी श्येम्माक्याला च्याक ग्यावीहो़क। हेक्या घारे हो़गीनगो को़न्क्षोकगी खेन्दा जेदालाक धेनी खेक्याई सेम्बा नाङदुवाः, हेक्याला ङोस्येगीनगो हेक्या दो़दीहो़क।
चेवे पी़नक्याओ, होराङक्याला धाम्चा देक्या हो़गीन झ्येरी, होराङक्या राङगी ली़ धाङ सेम्ङीला ॱमेचाङा शोगीन घीरीने, राङला चाङमा शोउ धेनी को़न्क्षोकला ॱङीङकुर झ्येरी, धाम्पे नाङ फी़न्सुम छोक्पा झ्युरी सोङ।
पी़नक्याओ, खेक्या राङवाङगी दो़नला भो़वालाक। होदे राङवाङ दे ली़गी दो़छाक काङयेला भेचो़ माझ्यी, हीना खेक्या झाम्पागी थोक्ने च्यीकगी च्यीकला श्याप्ची श्यी़।
केमीक्याओ, खेक्या चोवोगी काला ङेन्गीन च्योक्रे, राङगी ख्योवागी खाला ङेन।
धा क्षो़छोकगो मास्यीकागी काला ङेन्गीन च्योक्रे, केमीक्या घीरी राङगी ख्योवागी खाला ङेन्घो़।
राङगी दो़पा काङयेगी ॱमीक्यु याङना ङोम्सेमगी थोक्ने, घीया माझ्यी हीना ॱङ्यामच्युङ झ्युरी च्यीकगी च्यीकला राङने क्षे ची।
केमीक्या खाबा धेती खाला ङेन्पो झ्येरी ॱलोप घोगीलाक।
खो राङगी टुवाक्याला घीरीने यारापगी थोक्ने, खाला ङेन्पो शो़री राङगी नाङमीला घामोमा क्योङ घोगीलाक।
राङगी गोठीक्याई काला ङेन धेनी खुङक्याई होकला धो़क। घीझ्येरी ॱनाना को़न्क्षोकला ची पु घोगुलाक ॱनेरी, खुङक्याई स्येये झ्येरी खुङक्याई खेक्याला तातोक झ्यीदालाक। धेनी सेम क्योरी मेन्दा हीना घाटोगी गोने, खुङक्याई दे लेगा दे झ्यीघो़। देरे मेन्ना होदेने खेक्याला घीया फेन्थोक मेतालाक।
चोवोगी क्षीदु खेक्या मी घीरीगी वाङ झ्यीगीन आङजा थोस्योकगी ग्यावुक्या,
घीरीला घुस्याप झ्यी। धेनी मास्यीकावा पी़नक्याला चेवा झ्यी। धेनी को़न्क्षोकला जीक्नाङ झ्यी। धेनी ग्यावुक्याला कुरती झ्यी।
दुक झ्येरीराङ, श्यो़न्पाक्याओ, गेम्पाक्याई होकला धो़क। खेक्या घीरी ॱङ्यामच्युङगी थोक्ने, च्यीकगी च्यीकला श्याप्ची श्यी़ घीझ्येरी ॱनाना, “को़न्क्षोकगी ङागेल क्षेक्याला ङोलोक जेदालाक, हीना ॱङ्यामच्युङक्याला थुक्जे जेदालाक।”
