एफीसुपा 5:20 - ॱलोवा

²⁰ धेनी नाम्‍हीना, होरी चोवो येशु मास्‍यीकागी छेन थोक्‍ने घीरीगी क्षीला याप को़न्‍क्षोकला काटीन्‍क्षे श्‍यी़।

एफीसुपा 5:20 Iomraidhean Croise

योहान्‍ना 15:16

खेक्‍याई ङाला दाम्‍बामेन हीना ङी खेक्‍याला दाम्‍बाहीन। धेनी खेक्‍या सोरी ढेबु क्षाक्‍ये धाङ ढेबु दे ताक्‍दु ॱनेयेला, ङी खेक्‍याला को़वाहीन। होझ्‍येरी खेक्‍याई ङी मीङगी थोक्‍ने यापला घी श्‍यी़ना, खोङबागी खेक्‍याला ॱनाङगीलाक।

जेपा 5:41

येशुगी छेनगी क्षीला दुक्‍पु ङ्याङरीन खाये हो़गीन, को़न्‍क्षोकगी खुङक्‍याला ॱनाङजुङ ॱनेरी ङ्यामो घी-घी, खुङक्‍या होदे छोक्‍पा क्षेने लोक्‍ती सोवालाक।

रोमापा 1:8

धाङपोगो येशु मास्‍यीकागी थोक्‍ने, ङी को़न्‍क्षोकला ङा खे घीरीगी क्षीदु काटीन्‍क्षे श्‍युवाहीन घीझ्‍येरी ॱनाना जीक्‍तेन घीरीदु, खीकी धेपागी कोरला ख्‍याप्‍दुक।

१ कोरीन्‍थुपा 1:4

मास्‍यीका येशुगी गोने, खेक्‍याला को़न्‍क्षोकगी ॱनाङना थुक्‍जेगी झ्‍येरी, ङा को़न्‍क्षोकला च्‍योई खीकी क्षीला काटीन्‍क्षे श्‍यी़हो़क।

१ कोरीन्‍थुपा 15:24

धेनी खोङगी वाङ झ्‍यीगीन धाङ आङजा ॱना घीरी धाङ नी़थु घीरीला मेताला जेसारती, धेनी याप को़न्‍क्षोकला ग्‍यासीगो पुली घाङला, थामे धी़गो ॱलेप्‍कीलाक।

एफीसुपा 5:4

धेनी फेन्‍थोक मेगीन लाब झोराक्‍या धाङ क्षो मेगीनक्‍या याङना क्‍याकक्‍यागी लाबक्‍या, खीकी घुङदु मायुङ घो़ हीना को़न्‍क्षोकला काटीन्‍क्षे श्‍यी़घो़।

फीलीप्‍पीपा 1:3

खेक्‍याला ढेन्‍दी घाङला, ङा नाम्‍हीना ङी को़न्‍क्षोकला काटीन्‍क्षे श्‍यी़हो़क।

फीलीप्‍पीपा 4:6

घीन्‍गी थोकला दुङा माझ्‍यी हीना ॱनेछु घीरीला, काटीन क्षे श्‍यी़री ॱमो़लाम धाङ श्‍योवागी थोक्‍ने, खेक्‍याला घो़गीन घीरी को़न्‍क्षोकला श्‍यी़।

कोलोसेपा 3:17

धेनी छीक धाङ लेगी थोक्‍ने खेक्‍याई घी झ्‍यीना, घीरी चोवो येशुगी छेनने याप को़न्‍क्षोकला, खोङगी थोक्‍ने काटीन्‍क्षे श्‍यी़री झ्‍यी।

१ थेसालोनीकेपा 3:9

खेक्‍याई झ्‍येरी को़न्‍क्षोकगी डुङदु, हेला घाटो क्षे झ्‍युजुङ। दे धाङ खेक्‍याई क्षीला, को़न्‍क्षोकला हेक्‍या थुक्‍जेक्षे घाङगी झ्‍येरी पुये?

१ थेसालोनीकेपा 5:18

ॱनेछु घारे हो़ना थुक्‍चीक्षे श्‍यी़ घीझ्‍येरी ॱनाना खेक्‍याई क्षीला येशु मास्‍यीकागी थोक्‍ने, को़न्‍क्षोकगी थुकोङ देराङ लाक।

२ थेसालोनीकेपा 1:3

पी़न्‍दाक्‍याओ, खेक्‍याई क्षीला हेक्‍या च्‍योई को़न्‍क्षोकला काटीन्‍क्षे श्‍यु घोली धेनी दे श्‍यु घोयेदुक घीझ्‍येरी ॱनाना खेक्‍याई धेपा ॱमीच्‍यीकी फेदुक धेनी फेन्‍छुनक्‍या नाङदुवा चेवा क्षेरु डी़।

२ थेसालोनीकेपा 2:13

चोवोगी चेवे पी़न्‍दाक्‍याओ, खीकी दो़नला हेक्‍या च्‍योई को़न्‍क्षोकला काटीन्‍क्षे श्‍यु घोली घीझ्‍येरी ॱनाना थारपा थोप्‍येगी क्षीला, को़न्‍क्षोकगी खेक्‍याला एम्‍माने दाम जेपालाक। थारपा दे नी, खेक्‍याला राप्‍ने जेगीन धाम्‍पे थुक्‍ङी धाङ धेन्‍पाला यीच्‍चे झ्‍यीगीनगी थोक्‍ने झ्‍युवालाक।

ईब्‍रीपा 13:15

होझ्‍येरी येशुगी गोने, होराङ को़न्‍क्षोकला च्‍योई तो़पागी क्षो़पा पुलो। दे नी, खोङगी छेन खेलेन झ्‍यीगीन होरी खागी ढेबु लाक।

१ पेटो 2:5

को़न्‍क्षोकगी खेक्‍यालाः धो सो़न्‍पोक्‍या च्‍योक्‍रे, थुक्‍ङीगी फोडाङ चीक्‍येला भेचो़ जेदु च्‍युक। धेनी खेक्‍या धाम्‍पे क्षो़पो़न झ्‍युरी, मास्‍यीका येशुगी थोक्‍ने को़न्‍क्षोकला थुक्‍ङेउ झ्‍युङगीन सेम्‍ङीगी क्षो़पा खेक्‍याई पु।

१ पेटो 4:11

दो़न घीरीगी थोक्‍ने, येशु मास्‍यीकागी थोक्‍ने को़न्‍क्षोकगी शीजे झ्‍युङयेगी क्षीदु, खेक्‍याने क्षो़ स्‍येगीनगी को़न्‍क्षोकगी का सुङगीन च्‍योक्‍रे स्‍येघो़ धेनी खेक्‍याने श्‍याप्‍ची श्‍युगीनगी को़न्‍क्षोकगी ॱनाङना तोपगी गोने श्‍याप्‍ची श्‍यी़घो़। धी़ तेन्‍दु शीजे धाङ वाङ खोङबागी लाक। आमेन।