एफीसुपा 5:18 - ॱलोवा

¹⁸ धेनी मीछे ठोप्‍ला ताङगीन, घुन्‍क्षाङगी शीरी माग्‍युक हीना धाम्‍पे थुक्‍ङीगी खारी,

एफीसुपा 5:18 Iomraidhean Croise

मेथा 23:25

“खे शोक्‍पो क्षो़ठीमगी ॱलोपो़न धाङ फारुसीपाक्‍याला दुक्‍ङा क्षे हुङास्‍योक। घीझ्‍येरी ॱनाना खेक्‍या फोरा धाङ देरमागी फीगो चाङमा झ्‍यीदालाक हीना नाङगोला सो़न्‍ना धाङ राङदो़गी खारी धेदालाक।

मेथा 24:49

ॱयोक्‍पो श्‍येम्‍माक्‍याला दुरी धेनी क्षाङदुवाक्‍यामुला शा-थुङ झ्‍येरी धेना,

लुका 1:15

घीझ्‍येरी ॱनाना खो चोवो को़न्‍क्षोकगी कुम्‍दीनदु खाक्‍क्षे हुङगीलाक। धेनी खी़ घुन्‍क्षाङ याङना श्‍येम्‍मा क्षाङक्‍या थुङये मेतालाक धेनी खोरी आमागी फोवारु हो़ताराङ, खो धाम्‍पे थुक्‍ङीगी खाङगीलाक।

लुका 11:13

धा खेक्‍या ङेन्‍पा झ्‍येरीयाः, खेरी टुवाक्‍याला ॱङेन्‍बा शाङा तेरा स्‍येना, धा नाम्‍खे श्‍यीङखामदु श्‍युक्‍कीन खीकी यापगी खोङबाला श्‍युगीनक्‍याला, घाजो़ माङा धाम्‍पे थुक्‍ङी ॱनाङी हेटु।”

लुका 12:45

हीना ‘ङी दाक्‍पोगो हुङयेला घोरकीलाक’ ॱनेरी साम्‍दी श्‍येम्‍मा ॱयोक्‍पो-ॱयोक्‍मोक्‍याला दुङये गो चुक्‍ती धेनी खोराङ शा-थुङ झ्‍येरी शीरी धेना,

लुका 21:34

“हीना खेक्‍या च्‍याङजे झ्‍येरी धो़क। मेन्‍ना खीकी सेम ङ्याम ताङये धाङ शीरी धेये धाङ मीछेगी दुङागी ॱनेम्‍गीलाक। धेनी होदे ङीमागो ॱहाताक्‍पाला, ॱङीपला थेम्‍गीन च्‍योक्‍रे हुङगीलाक।

योहान्‍ना 2:10

ॱनेवालाक, “मी घीरी एन्‍ला घुन्‍क्षाङ शाङागो तालाक धेनी मीक्‍या शीछाना घुन्‍क्षाङ फावागो तालाक। हीना ख्‍यी़ घुन्‍क्षाङ शाङागो धान्‍दा थुक्‍पे श्‍याक्‍दुक।”

जेपा 11:24

बारनाबा नी, मी शाङपो धाङ धाम्‍पे थुक्‍ङी धाङ धेपागी खाङखा, मी च्‍यीक लाक। खी़ झ्‍येरी मी ॱमीच्‍यीकी माङागी, चोवोला धेपा झ्‍येवालाक।

रोमापा 13:13

ङीङमो च्‍योक्‍रे होराङ चो़पा शाङपो झ्‍यीघो़। चो़पा मेगीन श्‍युक्‍टाक्‍या धाङ शीये धाङ लोक्‍येम धाङ दो़छाक धाङ ठुक्‍पा धाङ ठादोक झ्‍यीये मालाक।

१ कोरीन्‍थुपा 11:21

घीझ्‍येरी ॱनाना खेक्‍या शी घाङला, रीङगा राङगी शामागो एन्‍ला शालाक। धेनी रीङगा तोक्‍ती धेतालाक धेनी श्‍येम्‍माक्‍या शीरी धेतालाक।

१ कोरीन्‍थुपा 5:11

हीना राङला मास्‍यीकावा पी़न हीन ॱनेरी ॱनागीन, हीना लोक्‍येम धाङ ॱहाम्‍बा धाङ कुन्‍डाला क्षो़ये धाङ ॱमेबेप ताङये धाङ रा शीये धाङ ॱली़गीन लेगा झ्‍यीगीनक्‍यामुला ढेवा माझ्‍यी ॱनेरी, ङा धान्‍दा खेक्‍याला ढीयाहीन। देरे मीक्‍यामुला शामाः मुला माशा।

१ कोरीन्‍थुपा 6:10

याङना कुमा कुगीनक्‍या याङना ॱहाम्‍बा झ्‍यीगीनक्‍या याङना शीरी ग्‍युक्‍कीनक्‍या याङना ॱमेबेप ताङगीनक्‍या याङना ॱली़गीनक्‍याला, को़न्‍क्षोकगी ग्‍यासीगी थोप्‍ताङ ॱमेथोप्‍कीलाक।

१ थेसालोनीकेपा 5:7

घीझ्‍येरी ॱनाना ॱङी लोक्‍कीनक्‍या छेमु ङ्यालालाक धेनी थुरी शीगीनक्‍या छेमुराङ शीलालाक।

तीतोस 1:6

गोठीगो क्‍यो़न मेगीन धाङ केमी च्‍यीक हो़गीन, ख्‍योवा हुङघो़गीलाक। धेनी खी़ टुवाक्‍या धेपा झ्‍यीगीन धाङ च्‍यो़पा घा धेनी खाला ङेन्‍गीन हुङघो़गीलाक।