एफीसुपा 5:11 - ॱलोवा

¹¹ फेन्‍थोक मेगीन मी़नाकगी लेगाक्‍याला माडे, हीना होदेरे लेगाक्‍या हो़ला तो़न।

एफीसुपा 5:11 Iomraidhean Croise

मेथा 18:15

“ख्‍यी़ पी़नगी ख्‍यी़ ग्‍यापला धीक्‍पा झ्‍यीना, सोरी खेराङ ॱङीउ च्‍यीगागी घुङदु खी़ नोन्‍डुगो स्‍यो़क। धेनी खी़ ख्‍यो़ला ङेन्‍ना, ख्‍यो़ला राङगी पी़न थोप्‍कीलाक।

लुका 3:19

हीना ग्‍यावु हेरोदेगी खोरी नोगी केमी हेरोदीयासला, खोरी ॱनामा शो़ धेनी खी़ झ्‍येजा लेगा ङेन्‍पा घीरीगी क्षीला, योहान्‍नागी खोला आङजी तावालाक।

जेपा 26:18

ङा ख्‍यो़ला खुङक्‍याई ॱमीक पेरी, खुङक्‍याला मी़नाक्‍पाने हो़क स्‍योकला ठीक्‍ती हुङये धाङ धी़कगी आङजाने को़न्‍क्षोक चारु ठीक्‍ती हुङयेला झाङाहीन। धेनी ङाला धेपा झ्‍येरी, खुङक्‍याला खोरी धीक्‍पागी घोङपा राक्‍कीलाक धेनी खुङक्‍यालाः को़न्‍क्षोकगी मीक्‍यामुला धेये राक्‍कीलाक।’

रोमापा 13:12

धा छेन जोक्‍टो दुक धेनी ङीनगो ॱलेप्‍सादुक। होझ्‍येरी मी़नाक्‍पागी लेगा भोरती, होराङ हो़गी गोठापक्‍या घो़न्‍घो।

रोमापा 16:17

पी़नक्‍याओ, खेक्‍याला ॱलाप्‍ला क्षो़गी तावाने श्‍येम्‍मा ॱलाप्‍ती, खेक्‍या घुङदु टुक्‍कीन धाङ काल्‍ले घाक्‍वा शोगीन, मीक्‍याने शाप-शाप झ्‍यी धेनी खुङक्‍याने डारी धो़क ॱनेरी, ङा खेक्‍याला श्‍योवा पुलाहीन।

रोमापा 6:21

धा होदे घाङला झ्‍येजा धान्‍दा खेक्‍या ङोछागीन लेगाक्‍याने, खेक्‍याला घी ढेबु राक्‍सो? होदे लेगाक्‍याई ढेबु नी छीवा लाक।

गालातीयापा 6:8

धीक्‍चेनगी राङश्‍यीला थी़न्‍गीन च्‍यो़पा ताप्‍कीनक्‍याई, राङश्‍यी देने छीवागी ढेबु धुगीलाक। हीना धाम्‍पे थुक्‍ङीला थी़न्‍गीन च्‍यो़पा ताप्‍कीनक्‍याला, थुक्‍ङीने थामेपे छेसोकगी ढेबु धुगीलाक।

एफीसुपा 4:22

दे नी ॱली़गीन दो़छाकगी रुरा, एम्‍मा मीछेगी च्‍यो़पाला थी़न्‍गीन खेरी च्‍यो़पा ॱङीङबागो पोङ।

एफीसुपा 5:12

घीझ्‍येरी ॱनाना खुङक्‍याई साङवादु झ्‍येजा लेगाक्‍याई कोरला, ॱनायेगोवा ङोछागीन लाक।

एफीसुपा 5:7

होझ्‍येरी खुङक्‍यामुला माडे।

कोलोसेपा 1:12

धेनी हो़गी ग्‍यासी नाङदु धाम्‍पे मीक्‍याई, नोरकाला थोप्‍ताङ थोप्‍येगी ढाडा जेगीन, यापला खेक्‍याई काटीन्‍क्षे श्‍यी़वास्‍योक ॱनेरी, हेक्‍या ॱमो़लाम ग्‍यावीहो़क।

१ थेसालोनीकेपा 5:7

घीझ्‍येरी ॱनाना ॱङी लोक्‍कीनक्‍या छेमु ङ्यालालाक धेनी थुरी शीगीनक्‍या छेमुराङ शीलालाक।

२ थेसालोनीकेपा 3:14

सी़ च्‍यीकगी हीकी यीक देगी ॱलापच्‍याला दो़नाङ ॱमेतेरना, होदे मीला ङो स्‍येलाझ्‍यी धेनी खोला ङोछारु च्‍युक्‍येला खी़मुला ढेवा घीन्‍दा माझ्‍यी।

२ थेसालोनीकेपा 3:6

पी़न्‍दाक्‍याओ, लेमेलाम्‍गीन ख्‍याम्‍बोक्‍या धाङ हीकी तेरता ॱलापच्‍याक्‍याला ॱमीचीगीनक्‍यामुला मादेप, ॱनेरी हेक्‍या होरी चोवो येशु मास्‍यीकागी छेनला खेक्‍याला कुलाहीन।

१ तीमोथेउ 5:20

धीक्‍पा झ्‍यीगीनक्‍याला मी घीरीगी, दोङदु आङजी तोङ। देरे झ्‍यीना श्‍येम्‍माक्‍या जीक्‍कीलाक।

१ तीमोथेउ 5:22

क्षो़छोकगी गोठी को़येला छाटाक माझ्‍यी धेनी श्‍येम्‍मागी धीक्‍पाला माडे। राङ चाङमा धो़क।

१ तीमोथेउ 6:5

धेनी क्षो़सेम नी नोर थोप्‍येगी थापस्‍यी लाक, साम्‍गीन ॱलेपा रुरा धाङ धेन्‍पाने डागीन मीक्‍याई खोक्‍दु ॱमेछेदा ठुक ॱलाङालाक।

२ तीमोथेउ 3:5

धेनी क्षो़सेम झ्‍यी दोक-दोक झ्‍यीगीन हीना होदेगी वाङला खेमेलेन्‍गीन हुङगीलाक। देरे मीक्‍याने जेम।

२ तीमोथेउ 4:2

को़न्‍क्षोकगी का स्‍यो़क, धी़ हीन्‍गीन धाङ मेन्‍गीन ॱङीगाराला डाढीक धो़क। धेनी शो़पा क्षे थोक्‍ने ॱलोप्‍चुङगी थोक्‍ने मीक्‍याला ॱलापच्‍या ग्‍योप, क्‍यो़न तो़न धेनी सेमस्‍युक पोर।

तीतोस 2:15

दे ॱलापच्‍याक्‍या ॱलोप। खेरी आङजा घीरीने ॱलापच्‍या स्‍युक्‍क्षे तेर धेनी आङजी तोङ। राङला सी़या ॱङाजीन झ्‍यीरु ॱमाच्‍युक।

ॱङो़न्‍पा 18:4

धेनी ङी नाम्‍खे श्‍यीङखामने देरे सुङगीन, सुङकेक श्‍येम्‍मा च्‍यीक घोरजुङ, “ङी मीक्‍याओ, खेक्‍या मी़ धीक्‍पामुला मेडेये धाङ मी़ क्षेपाक्‍या ॱमेफोक्‍येगी क्षीला, खेक्‍या मी़ नाङने, थो़न्‍दी स्‍योक।