10 धेनी चोवोगी थुक गेगीनगी दो़नगोक्या स्येलाझ्यी।
धेनी दी गोने मास्यीकाला श्याप्ची श्युगीनगोला, को़न्क्षोकगी थुक्ङेउ चीगीलाक धेनी मीक्याः घागीलाक।
खेक्याई शाङा घी हीन्गीनगो, दाम थुक्वा धाङ मास्यीकागी ङीमा थुक्पे चाङमा धाङ क्यो़न मेगीन हुङवास्योक।
ङाला थोप घोगीनने माङा घीरी थोप्हो़क। धेनी ईपाप्रोदीतोने खेक्याई कुरका ॱङेन्बागो थोप्ती, धा धान्दा ङाला घीरी छाङगीन हो़क। धेनी होदे ॱङेन्बा नी, ढीस्यीमगी क्षो़पा च्योक्रे को़न्क्षोकगी डुङदु थुक्ङेउ धाङ थुक ॱनुमा जे थुक्कीन दुक।
धेनी चोवोला कुरती हुङगीन मीछे पी़ये धाङ खोङबाला घीरीने थुक घेरु च्युक्ये धेनी ले शाङा घीरीला, ढेबु केये धाङ को़न्क्षोकगी स्येयो़नला, खेक्या छारती डोयेगी क्षीला, हेक्या ॱमो़लाम ग्यावीहो़क।
हीना घीरीला छो़ता झ्यी धेनी शाङागोला तेन्पोमा शीम्दी धो़क।
दे नी होरी क्याम्गो़न को़न्क्षोकगी चेनङारदु, शाङपो धाङ थुक्ङेउ दुक।
हीना युक्जामा च्यीकला टुवाक्या धाङ याङना छाउ छामुक्या हो़ना, एन्ला खुङक्याई राङगी नाङमी दो़न्दु क्षो़ला थी़न्गीन चो़पा ज्याङघो़ धेनी राङगी फामे डेन्लेन खोरतु च्युकघो़ घीझ्येरी ॱनाना देलाराङ को़न्क्षोक थुक्ङेउ जेदालाक।
होझ्येरी घु-घु ताङ ॱमीथुक्कीन ग्यासी थोप्था, होराङक्या को़न्क्षोकला काटीन्क्षे श्युउ। धेनी कुरती धाङ जीक्नाङगी थोक्ने, को़न्क्षोकला थुक्ङेउ झ्युङगीन क्षाक्क्षो़पा पुलो।
घीझ्येरी ॱनाना खेक्याई ले ङेन्पा झ्येरी, दुङदाक शाराङ शो़पा झ्यीना, देला घी फेन्दा हो़तालाक से? हीना ले शाङा झ्येरीयाः दुक्पु राक्वाराङ शो़पा झ्यीना, दे को़न्क्षोकला थुक्ङेउ झ्युङालाक।
को़न्क्षोकगी खेक्यालाः धो सो़न्पोक्या च्योक्रे, थुक्ङीगी फोडाङ चीक्येला भेचो़ जेदु च्युक। धेनी खेक्या धाम्पे क्षो़पो़न झ्युरी, मास्यीका येशुगी थोक्ने को़न्क्षोकला थुक्ङेउ झ्युङगीन सेम्ङीगी क्षो़पा खेक्याई पु।
