एफीसुपा 4:9 - ॱलोवा

⁹ धा “खोङबा नाम्‍खे श्‍यीङखाम थोकला फेप्‍पालाक” ॱनागीनगी दो़न दे घी ले? दो़न नी देराङ लाक, खोङबा एन्‍ला जीक्‍तेनगी साजा ॱमास्‍योकला भाप जेपालाक।

एफीसुपा 4:9 Iomraidhean Croise

मेथा 12:40

घीझ्‍येरी ॱनाना योना ङीन-छेन सुम ङ्या क्षे च्‍यीकगी फोवा नाङदु धेगीन च्‍योक्‍रे, मी-भुवाः ङीन-छेन सुम थुक्‍पे सागी तीङला धेगीलाक।

योहान्‍ना 20:17

येशुगी मोला सुवालाक, “धान्‍दा थुक्‍पे ङा यापगी डुङदु ॱमाफाक्‍पा, ङाला माशीम। हीना ङी पी़नक्‍याचारु सोरी, खुङक्‍याला, ‘ङा नी ङाराङगी याप धाङ खेक्‍याई याप धेनी ङी को़न्‍क्षोक धाङ खेक्‍याई को़न्‍क्षोक चारु डी़हो़क’ ॱनेरी स्‍यो़क।”

योहान्‍ना 3:13

धेनी नाम्‍खे श्‍यीङखामदु सुवा फेप्‍ती, लोक माङ्युङ हीना मी-भु नाम्‍खे श्‍यीङखामने माला फेप्‍पालाक।

योहान्‍ना 6:33

घीझ्‍येरी ॱनाना को़न्‍क्षोकगी ग्‍याङगागो, नाम्‍खे श्‍यीङखामने भाप्‍ती जीक्‍तेनला मीछे ॱनाङगीन दे लाक।”

योहान्‍ना 6:38

घीझ्‍येरी ॱनाना ङा नाम्‍खे श्‍यीङखामने ङाराङगी दो़पा डुप्‍तु मेन्‍दा, ङाला ॱङाक्‍कीनगी थुकोङ डुप्‍येगी क्षीला होवाहीन।

योहान्‍ना 6:41

येशुगी, “नाम्‍खे श्‍यीङखामने भाप्‍पा ग्‍याङगागो ङा हीन।” सुरी सुङगीनगोला, याहुदापा पो़न्‍पोक्‍याई खोङबागी कोरला फाक्‍तुङ दुवालाक।

योहान्‍ना 6:51

ङा नी नाम्‍खे श्‍यीङखामने भाप्‍पा छेगी ग्‍याङगा हीन। धेनी ग्‍याङगा देने शागीनगो धी़ तेन्‍दु सो़न्‍पो ॱनेगीलाक। धेनी जीक्‍तेनगी छेगी क्षीला ङी तेरये झ्‍यीगीन ग्‍याङगागो, ङी ली़गी स्‍या हीन।”

योहान्‍ना 6:58

नाम्‍खे श्‍यीङखामने भाप्‍पा ग्‍याङगा दे, खीकी धाङबी फामाक्‍याई शेरीया स्‍यीरी डुगीनगो च्‍योक्‍रे मालाक। दे ग्‍याङगा शागीनगो तेन्‍दु सो़न्‍पो ॱनेगीलाक।”

योहान्‍ना 6:62

देरे हीन्‍ना खेक्‍याई मी-भु एम्‍मा खोराङ श्‍युक्‍जारु, फेया जेगीनगो थोङना घी झ्‍यीये?

योहान्‍ना 8:14

येशुगी लेन जेपालाक, “ङी ङाराङला पाङपो झ्‍यीनाः, ङी पाङपो धेन्‍पा हीन घीझ्‍येरी ॱनाना ङा घाने होवा धाङ घारु डोयेगो ङाला स्‍येयेहो़क। हीना खेक्‍याई ङा घाने होवा याङना ङा घारु डोये हीन्‍गीनगो ॱमेस्‍येलालाक।

ईब्‍रीपा 2:7

खेराङगी खोला ॱनेकापगी क्षीदु नाम्‍खे भाङछेनक्‍याने ॱमावा जेसोङ। खेराङगी खोला शीजे धाङ कुरतीगी चो़पो़न को़न जेपालाक।

ईब्‍रीपा 2:9

हीना होराङ येशुला थोङालाक। खोङबा ॱनेकापगी क्षीदु नाम्‍खे भाङछेनक्‍याने च्‍यीमे ॱमावा जेपालाक। खोङगी छीवे दुक्‍पु ङ्याङङ्या झ्‍येरी, खोङला शीजे धाङ कुरतीगी चो़पो़न को़न्‍बालाक। धेनी दे नी को़न्‍क्षोकगी थुक्‍जेगी गोने, मी घीरीगी दो़न्‍दु खोङबागी छीवे दुक्‍पु ङ्याङास्‍योक ॱनेरी लाक।