5 चोवो च्यीक धाङ धेपा च्यीक धाङ ठी़सो़ च्यीक,
होझ्येरी सोङ धेनी मीरीक घीरीला ङेने शो़, धेनी याप धाङ से धाङ धाम्पे थुक्ङीगी छेनने खुङक्याला ठी़सो़ तेर।
येशु मास्यीकागी थोक्ने, को़न्क्षोकमुला श्यीदे हो़गीन ताम्शाङ दे, को़न्क्षोकगी ईस्राएल्पाक्याला ॱनाङना का दे, खेराङक्याला क्षा हो़तालाक। धेनी येशु मास्यीका घीरीगी चोवो लाक।
“होझ्येरी धा ईस्राएलगी मी घीरीगी दे लाब ॱहाघो घोगुलाक। खेराङक्याई ग्याङस्यीङदु सेसा येशुला राङ को़न्क्षोकगी, चोवो धाङ मास्यीका ङीगारा को़ जे हो़तालाक।”
धेनी को़न्क्षोक नी च्यीकराङ हो़तालाक। धेनी खोङबागी पाउ चेचाक्याला धेपागी थोक्ने, धाङ पाउ ॱमाचेचाक्यालाः धेपागी थोक्ने ढाङपो जेगीलाक।
मास्यीका घो़ हो़तालाक से? पाउलु खीकी क्षीला, ग्याङस्यीङ खाला क्याङबालाक से? धेनी पाउलुगी मीङने, खेक्याई ठी़सो़ लेन्बालाक से?
कोरीन्थुरु हो़गीन, को़न्क्षोकगी क्षो़छोक धाङ मास्यीका येशुगी थोक्ने, को़न्क्षोकगी धाम्पा जेजा धाङ धाम्पे मी झ्युङयेला भो़पाक्यामुला साजा हो़लेने, खुङक्या धाङ होरी चोवो हीन्गीन होरी चोवो येशु मास्यीकागी छेन भो़गीन घीरीला,
घीझ्येरी ॱनाना होराङ याहुदापा हीन्ना गीरीक हीन्ना याङना ढेन्योक हीन्ना राङवाङगी मी हीन्ना, होराङ घीरी ली़ च्यीकला ग्युरयेला, धाम्पे थुक्ङी च्यीगारागी थोक्ने ठी़सो़ थोप्पालाक धेनी होराङ घीरीगी नाङ धाम्पे थुक्ङी च्यीक्पाराङ ॱनाङ हो़तालाक।
धेनी श्याप्ची श्युयेक्या ॱना माङा हो़तालाक हीना चोवो नी च्यीक्पाराङ लाक।
हीना होरी क्षीदु याप को़न्क्षोक च्यीका हो़तालाक। खोङने राङ ॱङोपो घीरी झ्युवालाक धेनी खोङगी क्षीदुराङ होराङ छोवा क्यालालाक। धेनी चोवो च्यीक नी, येशु मास्यीका लाक धेनी खोङगी थोक्ने ॱङोपो घीरी झ्युवालाक धेनी खोङने होराङ छोवा क्यालालाक।
घीझ्येरी ॱनाना मी रीङगा होरी हीकी सेटाक झ्येजा, येशु मेन्दा श्येम्मा च्यीक सेटाक झ्यीना याङना खेक्याई थोप्था थुक्ङी मेन्दा, सेम्ङी श्येम्मा खेक्याई खेलेन्ना याङना खेक्याला थोप्था ताम्शाङने श्येम्मा ताम्शाङ खेक्याई खेलेन्ना, खेक्या दे घीरीगी होकला लेल्हामोमा छी़दालाक।
घीझ्येरी ॱनाना मास्यीका येशुगी दोङदु पाउ चेगीन ॱरो चीगीन हीन्ना लाक, ॱमीचीगीन हीन्ना घीया फेन मेतालाक हीना झाम्पागी थोक्ने लेगा झ्यीगीन धेपा च्यीगा फेन थोक्वालाक।
धेनी होराङ घीरी धेपाला च्यीक माझ्युङगीन थुक्पे, धाङ को़न्क्षोकगी सेगी स्येयो़नला ॱनाटो ॱङेरी, मास्यीकागी फी़न्सुम छोक्पे छे च्योक्रे माझ्युङगीन थुक्पे, दे नी झ्युङगीलाक।
धेनी याप को़न्क्षोकला शीजे हुङयेगी क्षीदु, येशु मास्यीकाराङ चोवो हीन ॱनेरी, च्येमो हो़लेगी खेलेन झ्यीगीलाक।
देचो़ च्यीगा मेन्दा, मास्यीका येशुला ङी चोवो हीन ॱनेरी, ङो स्येयेगी देरे चाक्षे लाबगी दोङदु, श्येम्मा घीरी ङा ग्योङ चीलाहीन। खोङगी क्षीदु ङी घीरी ॱलो़ तावी धेनी होदे घीरी ङी झोरा चीलीहो़क। दे नी, ङा मास्यीकागी झ्युङास्योक ॱनेरी लाक।
को़न्क्षोकगी ॱयोक्पो धाङ येशु मास्यीकागी कुछाप, ङा पाउलु, को़न्क्षोकगी दाम्दाक्याई धेपागी क्षीला धाङ को़न्क्षोकला थुक्ङेउ मीजी पी़येला धेनी लाब धेन्पा ॱहाघोतु च्युक्येला, ङाला को़वालाक।
ङीमुला धेपा च्यीक्पा हो़गीन, ङी ॱङोन्नेगी भीजा तीतोसला, दे यीक ढीयाहीन। याप को़न्क्षोक धाङ होराङला थारपा ॱनाङगीन येशु मास्यीकागी, ख्यो़ला थुक्जे धाङ श्यीदे ॱनाङास्योक।
खेक्याला को़न्क्षोकगी का स्येगीन, खेरी गोठीक्याला ढेन्बा माझ्ये। खुङक्याई मीछेगी ढेबुला साम्लो तोङ धेनी खुङक्याई धेपागी पे लेन।
धेपाने लोक्ना याङदा सेम ग्युरती, ग्यो़पा झ्यीरु च्युक्ये दे हुङथुक्येराङ मेतालाक। घीझ्येरी ॱनाना हुरे मीक्याई को़न्क्षोकगी सेला धाब्ले ग्याङस्यीङ खाला क्याङगीन च्योक्रे लाक धेनी घीरीगी दोङदु खोङबागी ङोजा पावालाक।
हीना मी च्यीकगी, “ख्यो़ला धेपा हो़तालाक धेनी ङाला लेगाक्या हो़क।” ॱनेरी ॱनाना, लेगा मेगीन ख्यी़ धेपा दे ङाला तो़न धेनी ङी ङारी लेगागी थोक्ने, ङी धेपा ख्यो़ला तो़न्दु ॱनेरी, ङा ॱनायेहीन।
क्षु दे नी खेक्याला धान्दा क्योप्कीन, ठी़सो़गी ताक लाक। दे नी ली़गी ढीमाक ठुगीन च्योक्रे मालाक हीना साम्लो ॱनाम्पा दाक्पागी क्षीला, को़न्क्षोकगी डुङदु धाम्चा च्यीक लाक। येशु मास्यीका छीवाने कुसो़न्पो ग्युरकीनगी थोक्ने, ठी़सो़गी खेक्याला क्योप्कीलाक।
येशु मास्यीकागी ढेन्योक धाङ कुछाप सीमोन पेटोने, होरी को़न्क्षोक धाङ क्याम्गो़न येशु मास्यीकागी ढाङतेनला, हेक्याला च्योक्रे चाक्षे धेपा थोप्थाक्याला,
हीना चेवे पी़नक्याओ, खेक्यागो राङगी ॱमीच्यीकी धाम्पे धेपाला यारके तारी सोङ धेनी धाम्पे थुक्ङीगी गोने ॱमो़लाम ग्योप।
चेवे पी़नक्याओ, होराङ घीरीला थोप्था थारपागी कोरला, ङी खेक्याला ढीक्ये ॱमीच्यीकी थेहो़नाः, को़न्क्षोकगी राङगी धाम्पे मीक्याला लेन च्यीकदु ॱनाङना, धेपागो ॱरुङक्योप झ्यी ॱनेरी, श्योवा पुयेला, ङी खेक्याला दे यीक दे ढीक घो़जुङ।
