एफीसुपा 4:4 - ॱलोवा

⁴ को़न्‍क्षोकगी खेक्‍याला भो़ली घाङला, रेवा च्‍यीकला भो़पा च्‍योक्‍रे ली़ च्‍यीक धाङ थुक्‍ङी च्‍यीक,

एफीसुपा 4:4 Iomraidhean Croise

मेथा 28:19

होझ्‍येरी सोङ धेनी मीरीक घीरीला ङेने शो़, धेनी याप धाङ से धाङ धाम्‍पे थुक्‍ङीगी छेनने खुङक्‍याला ठी़सो़ तेर।

जेपा 15:11

हीना खुङक्‍याला क्‍योप्‍कीन च्‍योक्‍रे, होराङक्‍याः चोवो येशुगी थुक्‍जेने क्‍योप्‍कीलाक ॱनेरी होराङ धेपा झ्‍यीदालाक।”

रोमापा 11:29

घीझ्‍येरी ॱनाना को़न्‍क्षोकगी ॱनाङज्‍यीन धाङ भो़ जेगीनला ग्‍युरये मेतालाक।

१ कोरीन्‍थुपा 10:17

घीझ्‍येरी ॱनाना ग्‍याङगागो च्‍यीकराङ हो़तालाक धेनी होराङ घीरी ग्‍याङगा च्‍यीक्‍नेराङ शागीन झ्‍येरी, होराङ माङा हो़गीनक्‍या ली़ च्‍यीक लाक।

१ कोरीन्‍थुपा 12:20

होझ्‍येरी, येन्‍लाकक्‍या माङा हो़तालाक हीना ली़ च्‍यीकराङ लाक।

२ कोरीन्‍थुपा 11:4

घीझ्‍येरी ॱनाना मी रीङगा होरी हीकी सेटाक झ्‍येजा, येशु मेन्‍दा श्‍येम्‍मा च्‍यीक सेटाक झ्‍यीना याङना खेक्‍याई थोप्‍था थुक्‍ङी मेन्‍दा, सेम्‍ङी श्‍येम्‍मा खेक्‍याई खेलेन्‍ना याङना खेक्‍याला थोप्‍था ताम्‍शाङने श्‍येम्‍मा ताम्‍शाङ खेक्‍याई खेलेन्‍ना, खेक्‍या दे घीरीगी होकला लेल्‍हामोमा छी़दालाक।

एफीसुपा 1:18

खेक्‍याई सेम्‍ङीगी ॱमीक बेलास्‍योक ॱनेरी, ङा ॱमो़लाम ग्‍यावीहो़क। होझ्‍येरी खेक्‍या रेवा घीन्‍गी क्षीला भो़पा धाङ धेनी धाम्‍पे मीक्‍याला, खोङबागी ढाङमेगी शीजेगी ग्‍युज्‍यीनगो घी हीन्‍गीन धाङ

एफीसुपा 2:16

धेनी खोङबा ग्‍याङस्‍यीङला ढोङगीनगी थोक्‍ने, होराङ ॱङीगाराला ली़ च्‍यीकला को़न्‍क्षोकमुला दोमा जेदी दाङसेमगो मेताला जेपालाक।

एफीसुपा 2:18

घीझ्‍येरी ॱनाना मास्‍यीकागी थोक्‍ने, होराङ ॱङीगारा धाम्‍पे थुक्‍ङी च्‍यीकगी गोने यापगी डुङदु डो थुप्‍कीन झ्‍युवालाक।

एफीसुपा 2:22

धेनी धाम्‍पे थुक्‍ङीगी थोक्‍ने, को़न्‍क्षोकगी श्‍युक्‍सा झ्‍युङयेला, खेक्‍याः खोङमुला चीक्‍ती डोवालाक।

एफीसुपा 4:1

होझ्‍येरी, चोवोगी चो़न्‍पा ङा पाउलु, खेक्‍याला श्‍योवा देक्‍या पुलाहीन, को़न्‍क्षोकगी खेक्‍याला भो़ जेजागोला तेन थुप्‍कीन मीछे क्‍यो।

एफीसुपा 5:30

घीझ्‍येरी ॱनाना होराङ खोङबागी कुली़गी येन्‍लाकक्‍या लाक।

कोलोसेपा 1:5

धेपा धाङ चेवा दे, खीकी दो़न्‍दु नाम्‍खे श्‍यीङखामदु श्‍याकश्‍या रेवागी झ्‍येरी लाक। दी कोरला खेक्‍याई धेन्‍पे कागी ताम्‍शाङने एन्‍दुरु घोर हो़तालाक।

कोलोसेपा 3:15

मास्‍यीकागी श्‍यीदेगी, खेरी सेमला वाङग्‍युर झ्‍यीदु च्‍युक। घीझ्‍येरी ॱनाना खेक्‍या श्‍यीदे नाङदु ली़ च्‍यीकगी येन्‍लाक च्‍योक्‍रे, ॱनेयेला भो़पाहीन। धेनी को़न्‍क्षोकला काटीन्‍क्षे श्‍यी़।

२ थेसालोनीकेपा 2:16

धा होराङला चेवा ॱनारी थुक्‍जेगी थोक्‍ने, थामेगीन सेमगी धेवा धाङ रेवा शाङपो ॱनाङगीन, चोवो येशु मास्‍यीका खोङबा धाङ होरी याप को़न्‍क्षोकगी,

१ तीमोथेउ 1:1

होरी क्‍याम्‍गो़न को़न्‍क्षोक धाङ होरी रेवा मास्‍यीका येशुगी काला तेन्‍ती, मास्‍यीका येशुगी कुछाप ङा पाउलुने,

तीतोस 1:2

होदे लाब धेन्‍पागो, को़न्‍क्षोकगी एम्‍माने जेजा धाम्‍चा थामेपे छेसोकगी रेवागो लाक। को़न्‍क्षोक नामा शोक ॱमीसुङालाक।

तीतोस 2:13

धेनी होरी खाक्‍क्षे को़न्‍क्षोक धाङ क्‍याम्‍गो़न, येशु मास्‍यीकागी शीजे ॱङो़न्‍ये हीन्‍गीन ङीमा झ्‍यीलाप्‍क्षेगोला, होराङ रेवा झ्‍येरी घुक्‍ती धेतालाक।

तीतोस 3:7

देरे झ्‍येरी खोङबागी थुक्‍जेगी थोक्‍ने, को़न्‍क्षोकगी डुङदु होराङ ढाङपो झ्‍युवालाक धेनी होराङगी रेवा झ्‍यीगीन, थामेपे छेसोकगी ग्‍युज्‍यीन को़ जेपालाक।

१ पेटो 1:21

धेनी खेक्‍या खोङबागी गोनेराङ, को़न्‍क्षोकला धेपा केवालाक। को़न्‍क्षोकगी खोङला छीवाने सो़न्‍पो जेदी, खोङला शीजे जेपालाक। होझ्‍येरी खेक्‍या को़न्‍क्षोकला धेपा झ्‍येरी रेवा झ्‍यीदालाक।

१ योहान्‍ना 3:3

धेनी खोङबा चाङमा हो़गीन च्‍योक्‍रे, खोङगी खाला देरे रेवा श्‍याक्‍कीन घीरीगी राङला चाङमा श्‍यालाक।