एफीसुपा 4:32 - ॱलोवा

³² को़न्‍क्षोकगी मास्‍यीकागी थोक्‍ने, खेक्‍याला घोयाङ ॱनाङगीन च्‍योक्‍रे खेक्‍याः च्‍यीकगी च्‍यीकला घोयाङ तेरती, च्‍यीकगी च्‍यीकला ॱङीङजे धाङ सेमच्‍युङ झ्‍यी।

एफीसुपा 4:32 Iomraidhean Croise

मेथा 6:12

हीकी श्‍येनगी नोन्‍डु सेल्‍गीन च्‍योक्‍रे, हीकी धीक्‍पाक्‍या सेल्‍वा जे।

मारकु 11:25

खेक्‍या ॱमो़लाम ग्‍याई घाङला, सी़मुला मेदो़गीन रे हो़ना, होदेला घोङपा तेर धेनी नाम्‍खे श्‍यीङखामदु श्‍युक्‍कीन याप को़न्‍क्षोकगी, खेक्‍याई धीक्‍पा सेल ॱनाङगीलाक।”

लुका 1:78

होरी को़न्‍क्षोकगी झाम ॱङीङजेगी झ्‍येरी, खोङबागी थारवे हो़क नाम्‍खे श्‍यीङखामने ताङा जेगीलाक,

लुका 11:4

हीकी श्‍येनला घोयाङ तेरता झ्‍येरी हीकी धीक्‍पा सेल्‍वा जे। धेनी हेक्‍याला छो़ताला छी़दु ॱमाच्‍युक्‍रो जे।’”

लुका 17:4

धेनी ङीमा च्‍यीकला ख्‍यी़ नोगी ख्‍यो़ला थेङमा धी़न धीक्‍पा झ्‍यीनाः, खो थेङमा धी़नराङ ख्‍यी़चारु होरी, ‘ङा ङारी धीक्‍पा पारी सेम ग्‍युरवा ताङयेहीन’ ॱनेरी ॱनाना ख्‍यी़ खोला घोयाङ तेर।”

लुका 6:35

हीना राङगी डाक्‍याला चेवा झ्‍यी धेनी शाङा झ्‍यी धेनी कीपा लेन्‍येगी रेवा मीझ्‍यीदा मी श्‍येम्‍माला की। धेनी ख्‍यो़ला ज्‍यागा क्षे थोप्‍कीलाक धेनी खेक्‍या ॱलानामेपे को़न्‍क्षोकगी से झ्‍युङगीलाक घीझ्‍येरी ॱनाना को़न्‍क्षोकगी काटीन ॱमेसाम्‍गीन धाङ ङेन्‍पाक्‍याला ॱङीङजे जेदालाक।

लुका 6:37

“श्‍येम्‍मागी ठीम ॱमाचे धेनी ख्‍यो़ला ठीम चेगीमालाक। श्‍येम्‍माला क्‍यो़न ॱमाचुक धेनी ख्‍यो़ला क्‍यो़न चुक्‍कीमालाक। श्‍येम्‍माला घोयाङ तेर धेनी ख्‍यो़ला घोयाङ ॱनाङगीलाक।

जेपा 28:2

होदे ॱलीङठेनगी मीक्‍याई हेक्‍याला ॱमीच्‍यीकी घा झ्‍येजुङ। होदुरु क्षावा भाप्‍ती ॱनाम ढाङा झ्‍युरी, होदे मीक्‍याई मे तारी, हेक्‍याला सी़याङ झ्‍येजुङ।

रोमापा 12:10

पी़नगी चीदोङ च्‍योक्‍रे, च्‍यीकगी च्‍यीकला झाम्‍पा झ्‍यी। राङने ल्‍हाक श्‍येम्‍माला घुस्‍याप झ्‍यी।

१ कोरीन्‍थुपा 13:4

झाम्‍पा नी शो़पाचेन धाङ ॱङीङजेचेन हुङालाक। झाम्‍पागी ठादोक मीझ्‍यीदालाक धेनी राङतो़ मीझ्‍यीदालाक धेनी दे ङागेल क्षे मेयोङालाक।

२ कोरीन्‍थुपा 2:10

खेक्‍याई सुला घोयाङ तेरी, ङाः होदेला घोयाङ तेराहीन। धेनी लाब घारे च्‍यीक हीन्‍ना, ङी घोयाङ तेर हो़ना, होदे ङी खेक्‍याई क्षीदुराङ मास्‍यीकागी डुङदु घोयाङ तेरपी।

२ कोरीन्‍थुपा 2:7

होझ्‍येरी खो ॱमीच्‍यीकी सेम क्‍योरी ॱमेफाम्‍येगी क्षीला, खेक्‍याई खोला घोयाङ तेरती सेम्‍सो पारघो़।

२ कोरीन्‍थुपा 6:6

धेनी सेम चाङमा धाङ स्‍येयो़न धाङ शो़पा धाङ ॱङीङजे धाङ धाम्‍पे थुक्‍ङी धाङ चेवा ॱङोन्‍नेगो

एफीसुपा 5:1

होझ्‍येरी, खेक्‍या चेवे से धाङ सेमोक्‍या झ्‍येरी, को़न्‍क्षोकगी च्‍योक्‍रे झ्‍यीये थापस्‍यी झ्‍यी।

याकोब 5:11

तो़दाङ, तेन्‍पो धेगीनक्‍याला होराङ झ्‍यीलाप क्षे चीलालाक। खेक्‍याई योपगी शो़गोमगी कोरला घोर हो़तालाक धेनी चोवो नी ॱङीङजे धाङ ज्‍याम्‍सेमगी खारी, थाला खोङबागी जेगीनगो खेक्‍याई थो हो़तालाक।

२ पेटो 1:7

धेनी क्षो़सेमला पी़नक्‍याला झ्‍यीगीन झाम्‍पा धेनी पी़नक्‍याला झ्‍यीगीन झाम्‍पा खाला घीरीला झ्‍यीगीन झाम्‍पागो ॱनो़न्‍गा ग्‍योप।

१ योहान्‍ना 1:9

याङ होराङगी होरी धीक्‍पा झ्‍येहो़क ॱनेरी, खेलेन झ्‍यीना खोङबागी होरी धीक्‍पाक्‍या सेल्‍गीलाक धेनी मेढाङा घीरीने, होराङला चाङमा जेगीलाक। घीझ्‍येरी ॱनाना खोङबा ॱलोते छोक्‍पा धाङ ढाङपो हो़तालाक।

१ योहान्‍ना 2:12

चेवे टुवाक्‍याओ, ङा खेक्‍याला ढीयाहीन, घीझ्‍येरी ॱनाना येशुगी छेनगी थोक्‍ने, खीकी धीक्‍पाक्‍या सेल हो़तालाक।