एफीसुपा 4:31 - ॱलोवा

³¹ ङेन्‍सेम घीरी धाङ खोङडो धाङ स्‍येताङ घीरी, धेनी थाप्‍चो़ धाङ ॱमेबेप घीरी धाङ ठादोक ॱनाछोकक्‍या पोङ।

एफीसुपा 4:31 Iomraidhean Croise

जेपा 21:30

दे लाबगी ग्‍याजा नाङ घीरी ठुक्‍पालाक धेनी मीक्‍या छोक घीरीने भाङ तारी होवालाक। धेनी खुङक्‍याई पाउलुला शीम्‍दी, क्षो़खाङने ढी़दी फीला तो़न्‍बालाक धेनी क्षो़खाङगी घो ग्‍याप्‍पालाक।

रोमापा 3:14

“खुङक्‍याई खा नी, ॱमेमो धाङ छीक चुक्‍वागी खाङदुक।”

१ कोरीन्‍थुपा 14:20

पी़नक्‍याओ, साम्‍लो ताङदाङला टुवा च्‍योक्‍रे माझ्‍युङ। ङेन्‍पे क्षीदु टुवा च्‍योक्‍रे झ्‍युङ हीना साम्‍लो ताङदाङला मी क्षे च्‍योक्‍रे झ्‍युङ।

१ कोरीन्‍थुपा 5:8

होझ्‍येरी ॱनो़सेम धाङ ङेन्‍सेमगी क्‍युरची ॱङीङबा मेन्‍दा, हीना क्‍युरची मेगीन ढाङा धाङ धेन्‍पागी ग्‍याङगा शेरी, पेसाकगी धी़छेन होराङ ताङु।

२ कोरीन्‍थुपा 12:20

घीझ्‍येरी ॱनाना ङा हुङाराङ ङी दो़गीन च्‍योक्‍रे, खेक्‍या मेगीन धाङ खीकी दो़गीन च्‍योक्‍रे ङा मेगीनगो थुक्‍टु ॱनेरी, ङा जीक्‍ई। च्‍यीक झ्‍यीना होदुरु धुगा धाङ ठादोक धाङ खोङडो धाङ राङदो़ धाङ ॱमेबेप धाङ ठामा धाङ ङागेल धाङ ॱङ्योक्‍टाक्‍या झ्‍युङहुङ।

गालातीयापा 5:20

कुन्‍डाला क्षो़गीन धाङ ङेन ॱङाक धाङ दाङसेम धाङ धुगा धाङ ठादोक धाङ श्‍येताङ धाङ राङदो़ धाङ छोक झ्‍यीगीन धाङ खा डागीन धाङ

एफीसुपा 4:22

दे नी ॱली़गीन दो़छाकगी रुरा, एम्‍मा मीछेगी च्‍यो़पाला थी़न्‍गीन खेरी च्‍यो़पा ॱङीङबागो पोङ।

एफीसुपा 4:25

होझ्‍येरी शोक पारी खे रे-रेगी राङगी खीम्‍चेमुला, लाब धेन्‍पा स्‍यो़क घीझ्‍येरी ॱनाना होराङ ली़ च्‍यीक्‍पागी येन्‍लाकक्‍या लाक।

एफीसुपा 4:26

छीक्‍पा शो हीना धीक्‍पा माझ्‍यी। ङीमा डुप्‍ये एन्‍ला खेक्‍याई छीक्‍पा श्‍यीवास्‍योक।

कोलोसेपा 3:19

धेनी खे ख्‍योवाक्‍याओ, राङगी केमीक्‍याला चेवा झ्‍यी धेनी खुङक्‍याला चुवा माझ्‍यी।

कोलोसेपा 3:8

हीना धान्‍दा खेक्‍याई खोङडो धाङ स्‍येताङ धेनी ङेन्‍सेम धाङ ॱमेबेप धाङ खेरी खाने थो़न्‍गीन, छीक झ्‍योरा घीरी पोङ।

१ तीमोथेउ 3:11

खुङक्‍याई केमीक्‍या होझ्‍येरीराङ याराप धाङ ठामा मीझ्‍यीगीन धाङ साम्‍लो थोङा धाङ घीरीला ढाङपो हुङघो़गीलाक।

१ तीमोथेउ 3:3

धेनी क्षाङदुवा मेगीन, चुक्‍वा मेगीन हीना श्‍यीवा हो़गीन धेनी चो़पा मेग्‍याप्‍कीन धाङ ॱङुला ॱमेक्षाक्‍कीन हुङ घो़गुलाक।

१ तीमोथेउ 5:13

देचो़ च्‍यीगा मेन्‍दा खुङक्‍या लेमेलाम्‍गीन झ्‍युरी, खीमने खीमदु ख्‍याम्‍दी लेमेलाम्‍गीन च्‍यीगा मेन्‍दा, ठामा ग्‍याप्‍कीन धाङ झ्‍यी़दोक झ्‍यीगीन धाङ ॱनाये मेगीन लाबक्‍या ॱनागीन झ्‍युङालाक।

२ तीमोथेउ 2:23

हीना ॱलेन्‍पा धाङ दो़न्‍दाक मेगीन ॱङ्योक्‍टाक्‍याई, धुगा स्‍योरतु च्‍युक्‍कीनगो, ख्‍यी़ स्‍येये झ्‍येरी देक्‍याला जेम।

२ तीमोथेउ 3:3

धेनी चेसेम मेगीन धाङ दाङसेमचेन, ठामा ग्‍याप्‍कीन धाङ छो़ मीशीम्‍गीन, दुक्‍चुपचेन धाङ गेवाला मेघागीन

तीतोस 1:7

क्षो़छोकगी गोठीगो को़न्‍क्षोकगी श्‍याप्‍ची झ्‍येरी, क्‍यो़न मेगीन हुङ घोगीलाक। खो दो़पा क्षे धाङ ॱना तुङा धाङ क्षाङदुवा धाङ ठुक्‍चारा धाङ आलेला, मेढाङा हुङये मेतालाक।

तीतोस 2:3

होदे च्‍योक्‍रे घेमोक्‍याला धाम्‍पे मीजी पी़ धेनी ठामा ॱमास्‍ये धेनी क्षाङदो़मा माझ्‍युङ धेनी मी श्‍येम्‍माक्‍याला ॱलापच्‍या शाङपो तेर ॱनेरी स्‍यो़क।

याकोब 1:19

ङी चेवे पी़नक्‍याओ, मी घीरी ङेन्‍येला ग्‍योवा, लाब ताङयेला धाला धेनी खोङडो लाङयेला धाला हुङ घोलालाक ॱनागीन लाब दे स्‍येलाझ्‍यी।

याकोब 3:14

हीना खीकी सेम नाङदु ठादोक खाक्‍तीया धाङ राङदो़गी दो़क्षाक हो़ना, खेक्‍या खेवा हो़क ॱनेरी खाप्‍ले स्‍येदी, धेन्‍पाला शोक ॱमास्‍ये।

याकोब 4:11

पी़नक्‍याओ, च्‍यीकगी च्‍यीकला छीक ङेन्‍पा ॱमाना। राङगी पी़नला छीक ङेन्‍पा ॱनागीन याङना राङगी पी़नला क्‍यो़न चुक्‍कीनगी़ क्षो़ठीमगी कोरला ङेन्‍पा ॱनालाक धेनी क्‍यो़न चुक्‍वालाक। धा ख्‍यी़ क्षो़ठीमला क्‍यो़न चुक्‍ना, ख्‍यो़ क्षो़ठीम ॱरुङगीन मेन्‍दा क्षो़ठीमगी पो़न्‍पो झ्‍युङालाक।

१ पेटो 2:1

होझ्‍येरी ङेन्‍सेम धाङ गोकोर धाङ शोक धाङ ठादोक धाङ ॱमेटा ताङये घीरी, खेक्‍याई पोङ।

१ योहान्‍ना 3:12

धी़कगी हीन्‍गीन धेनी राङगी नोला सेगीन, कायीन च्‍योक्‍रे माझ्‍युङ। खी़ घीझ्‍येरी राङगी नोला सेपाले? घीझ्‍येरी ॱनाना खी़ लेगाक्‍या ङेन्‍पा धाङ खी़ नोगी लेगाक्‍या ढाङपो हो़तालाक।

१ योहान्‍ना 3:15

राङगी पी़नक्‍याला दाङा झ्‍यीगीन घीरी, ॱरोक चेगीन लाक धेनी ॱरोक चेगीनक्‍याई नाङ थामेपे छेसोक ॱमेनेलालाक ॱनेरी, खेक्‍या स्‍येलालाक।

ॱङो़न्‍पा 12:10

धेनी ङी नाम्‍खे श्‍यीङखामदु देरे सुङगीन सुङकेक क्षे घोरजुङ, “धा होरी को़न्‍क्षोकगी थारपा धाङ नी़थु धाङ ग्‍यासी, धेनी खोङबागी मास्‍यीकागी आङजागो फेप्‍दुक। घीझ्‍येरी ॱनाना होरी को़न्‍क्षोकगी डुङदु होरी, पी़नक्‍याला ङीन-छेन क्‍यो़न चुक्‍कीन, होदे क्‍यो़न चुक्‍कीनगोला माला ॱयुक्‍दुक।